Mir hei äbe scho vorgängig im Internet gluegt gha bim Rhomberg und gad schnäu passende gfunde, drum isches nä eifach gsi gad ar Mäss bstelle.. Isch no komisch has eh lieber gad so, dass wenni öpis gseh und es passt aus wenni 10 versch sache ha und mi nid cha entscheide.. bi da nid so geduldig...

Oh tönt guet nach Amerika.. ja wieso nid, muess ja nid ging grad sofort si wome i Flitterwuche geit. Mini Schwiegermuetter isch o no rächt cool..eifach mängisch scho gad chli ä "schwierigimuetter" aber mir verstöh üs guet. Mi Schatz sini Familie chunt vo Italie,also da gits haut scho einte oder andere wosi komplizierter mache als bi üs... Aber es ergänzt sich guet und mi Schatz het sich das guet apasst. Sini Fam hingäge isch mängisch schono gad chli hindedri..was söls houptsach es klappet..

Ga jetzt de gad ga Schueh hole, derte ou, ein Blick, eine Anprobe, ein Kauf,
und am Nami ga chleid mässe..mis Grosi chunt mit...bi de gspannt wasi meint

Häb ä schöne Tag und bis gli wieder im Forum..

• Zitieren

Hi zusammen
ja das kennen wir nur zur genüge...
heiraten am 08.08.08 resp 09.08.08 (Kirche).
Da gabs schon den einen oder anderen der uns schief angeschaut hat... Doch die meisten verstanden unser Bemühen, angesichts des speziellen Datums...

Leider gabs aber auch ein paar negative Punkte betr. der frühen Reservationen.
Restaurants die plötzlich verkauft wurden so dass die Suche von neuem los ging.
Kutscherin, die plötzlich nicht merh dort arbeitet, wo wir eigentlich angefragt hatten...

Aber wie heisst es doch so schön? Pannen gehören dazu, dafür hält die Ehe dann...

Liebe Grüsse
Geistleo

• Zitieren

Hallo liebi Näbebrüüt

Wett üch nur schnell säge, dass mit mim Bruutchleid jetzt alles klappet hed! *judihuiiiundganzvielfreud*

Mis Mami heds ja bi dere Aprob vom 14. Februar zum erschte Mal gseh und isch richtig überwältigt gsii! Sie hed fascht nüm chönne ufhöre Föteli z schiesse, bi aber so richtig froh, hed sie das gmacht, jetzt gsehn ich nämli au, wie das ganze quasi i Bewegig usgsehd und ich muess säge, es isch immer no en Traum!

Momentan simmer grad echli uf Chriegsfuess mit üsne IIladigschärtli.... wetted die unbedingt Mitti März verteile bzw. verschicke, aber mier hend nonig mal s Guet zum Druck! Sind immer no am umebaschtle und müend immer wieder rächt lang dezwüsche warte, bis üsi Änderige umgsetzt wärdid. Da mier üsi Chärtli z Dütschland lönd lah drucke, brucht de die definitiv Mustercharte au nomal es wilii bis sie de bi üs isch und mier ändlich s ok chönd gäh! Ha sogar scho ghört, dass anderi scho zahlt hend und sitt guet 4 Wuche uf ihri Chärtli warted und die immer nonig hend! Jetzt sind mier üs gar nüm so sicher, öb mier ned besser öpper i de Schwiiz würded sueche... Uf jede Fall wür ich die Chärtli de mit emene Kurier abhole lah, falls mier sie doch det würded drucke lah. Die paar Franke wo mier de meh für e Versand zahlid, wäreds mier de no wärt für das dass sie de nach 2-3 Täg da sind und ned e Monet bruched!!

Süsch lauft eigentlich alles riebigslos. Bi no am baschtle vo üsne Wunschbüecher und stecke det so Ziitmässig chli fescht. Schaffe momentan grad allig 5 Täg z Davos und de wieder 2 Täg im Underland und ha drum eigentlich gar kei Freiziit Aber es isches Wärt, dass ich so bis Oschtere i minere gliebte Jatzhütte a de Schneebar cha sii

Ha letschti d Menulischte vo üsem Resti übercho und ich wüsst scho ziemlich gnau, was mier chönntid ässe.... muess das jetzt de mal mit mim Manndli no bespräche, aber de findt, es heig ja no chli Ziit... und eigentlich hed er ja rächt!! *grins*

So, wünsch üch e gueti Ziit und es liebs Grüessli

Cannella

• Zitieren