nicht registriert

@Fernweh - Oh nei! När isches sicher no so ä doofe Kontrollaruäf gsi Bi mir het am Samstig Morge o ds Natel tschäderet mit ere Fixnetnummere woni nid ha gspicheret ka. Bevor ig ha abgno, het mi schatz gseit ka: "Dänk dra!" Zum Glück, ha in däm momänt absolut nüm dra dänkt ka u hät voll mit mim ledige name abgnoh. Im Büro hani mir äs post-it-zeddeli ads Telefon kläbt mit mim nöiiä name. funktioniert bis itzä super

@all - merci vil mal für öier Wünsch. We üs am Samstig mal sötä Ohre lüte, oder d Nase chützelet, de wüsse mir, dass dir a üs all dänket!

Ach ig fröiä mi je lengers je meh ufä Samstig. Und am meischte gspannt bini uf mi Schatz! Wiä dä wohl usgseht? Im Zivilerazug het är ja schigg usgseh!

Häbet ä guete Tag!

LG Soefeli

**Zivil: 20. August 2010 * Kirchlich: 28. August 2010**

• Zitieren

nicht registriert

Liebi Brülis,
ich wönsche euch vo Härze en wonderschöne Tag ond das jedere Brut eres fescht einzigartig werd ond för see stemmt.
Es esch euche Tag, nie vergässe, nome gnüsse, jedi Sekonde....Mer dänke fescht a euch ond i wönsche meer för euch das euchi Rägescherm Sonnescherm wärde...
Es liebs Grüessli Franziska
26. Juni 2010, unser schönster tag....

• Zitieren

Hey Ihr liebe 28.08.2010 Brütlis

Ich wünsche euch vo ganzem Herze än unvergässliche Tag am Samstig und das alles genau so klaped wi ihr das planed hend und euch das wünsched!
Und ich bin mir ganz sicher das au allfällig nöd so tolls wätter dem wunderbare Tag kei abbruch chan tue.

Alles Liebe und nume s' Best

LG Saffira

*** wir sagen am 06.08.2011 JA ***

• Zitieren

Ich wünsche Eu Bald-Brüütlis ebefalls ganz äs schöns Fest und chan mich dä anderne nume aschlüsse - gnüsset dä Tag und jedi einzelni Sekunde.....wirde ebefalls a Eu denke und scho gross mitfiebere für nöchsti Wuche

lg
sniffi

_________________________________________________________
seit 01.04.2010 zivil verheiratet - die kirchliche Trauung folgt am 04.09.2010

• Zitieren

Ha ä churzä Bricht vo üsärä zivilä Hochziit u zwöi Fotos ufs Forum ta, wär Inträssä het cha unger

http://www.heiraten.ch/forum/thread.php?...amp;thema=221#2

ga luegä.

Ja Soefeli warschinläch isch äs scho chli ä Kontrouafruf gsi Bim schaffä hets bis iz klappet, muss aber nummä öppä einisch pro Tag z Telefon abnäh, da ig kei Bürojob ha. Derfür chani o nid iz Forum ga luegä dürä Tag.

No zwöi Mau schlafä...

• Zitieren

Sodela liebi Brütlis für morn... siter chle chribelig??? Wir hei hüt grad nomau im Resti gässe u üser Sache dört verbibracht. D Frou wo dert alles koordiniert isch u lieb gsi und het au üser spezielle Wünsch für Sitzordnig, gaschtgschänkli, namenstäfeli, Schoggihärzli, gschänklitisch... ufgnoh und gmeint das sig alles kes problem und sie machi das morn alles genau eso wie igs ihre gseit ha hihi... also dert wirds schomau klappe...

de simer no gschnäu ga wisses bändeli choufe für um mi nöi kouft wiss Regeschirm... tue de dä morn no schnäu chle mit mäscheli verziere dases doch nid nachemne "gwöhnliche" Regeschirm usgseht. de no hurti ga üsers outo abewäsche u poliere das o das glänzt.

u itze wieder deheime hani mir no grad d nägu gmacht mit so schöne bling blings....
de abe verbringe mi gg und ig gmüetlich deheime, öppe no ga d haar mache u denn früeh ids bett dasi morn morge am 5:45 Uhr de mag ufstah... phuuu
Ds wetter für morn hani mi nun scho druf ihgstellt dases rägne wird. zum glück hei mir aber aues o mit überdachte rümlichkeite gmietet sodass das überhoupt kes problem wird si wenns chle nass isch. u d tips woni vo de ehemalige brütlis becho ha tueni de eifach umsetzte bezüglich nass u schleppe am chleid ect....

nun ja... wartemer no dä abe u die nacht ab u fröie üs uf morn!

Liebi grüesslis u nid zviel stress a aui andere 28.8. - brütlis

• Zitieren