| 28.8.2010 |
|
|
1 .. 4 5 6 7 8 .. 14 .. 19
|
Jsnoa  am 23.07.2010
Re: 28.8.2010
2 Wochen finde ich auch super! Ich werde am 7 . August zum probefrisieren gehen (und dannach zivilisch heiraten) und habe dann noch 3 wochen bis zum kirchlichen. Falls ich noch was schneiden oder färben möchte hab ich dann noch 3 Wochen zeit dafür...
Für unsere Gastgeschenke werden wir einfach einen roten Sirup einfüllen. Wissen noch nicht welche geschmacksrichtung es sein soll... Schauen dann mal beim " le sirupier" vorbei. Zuerst wollten wir den sirup selber machen, aber wird ein bisschen viel Aufwand, da wir ca 10 Liter Sirup brauchen für alle Gäste...
Juhuuu... heute durfte ich endlich meine Brautschuhe abholen gehen... Es ist der "jackie" von Rainbow Club. Welche schuhe habt ihr? jetzt gehts ans "einlaufen"...
|
|
|
Fernweh am 25.07.2010
Re: 28.8.2010
Hallo zämä
Ig gseh, dir sit o aui fliessig idä Hochziitsvorbereitig
Mir hei gestär ändläch für d Lieder u d Orgustück ir Chiuchä entschiedä. Ig ha das z schwierigstä gfungä ir Planig vor Hochziit.
Am Mittwuch gö mir uf Standesamt für z Ehevorbereitigsverfahrä.
@Jsnoa: Us Tischdeko nähi im Momänt ä 18 cm breitä violletä Tischlöifer, da d Tischtücher nummä wiss si.
Ha im Juni 9 Liter Holunderblütäsirup gmacht, het öppä nummä 1 Stund Arbeit gä. Weiss nid wis bi Goldmelissäsirup isch, dä wäri ja rot.
Schuh hani fascht diä glichigä wiä du
|
|
Soefeli82 nicht registriert am 30.07.2010
Re: 28.8.2010
Hallo Zämä
Wiä loufts nech so? Itzä geit das numeno 4 Wuche bis zu üsem grosse Tag.
Üsi Pendänzeliste wird immer chlinner. Was mir im Momänt no am meischte ds Studiere git, isch d Tischdekoration. Dert simer üs no gar nid schlüssig.
Hinech wird no d Hochzytsturte bstellt und morn gani mit mire Mam und der Schwoscht uf ZH ga shoppe. Ir hoffnig, das mir öbis finde für a üsi ziviltrouig wo bereits i 3 wuche isch. Nach dere Asträngig hani mir also am Mäntig dr Europapark verdient
Minner Brutschuä bini o brav am iloufe - itzä woni diä richtegi Grössi gfunde ha. Eigentlech hani ja äs 39/40. Im Brutlade hani mir chli zwenig zyt gno für das und bi mit em ne 39 usem Lade use. Ersch woni ha afah iloufe, hani gmerkt, dasi bim Schuäh, zimmlech fürerütschä und ig hinder immer usechume mit dr Färsä. bi när wider i Brutschuählade gange ds Bärn und ha mit ere Sohle probiert, aber o die Sohle het nid vil bracht. Ha när vor Verchöifere äs 38.5 übercho und da bini nümme usegrütscht. Und das isch mi Schuäh (Harriet vo Rainbow)
itzä wünsche ig öich no ä schöne Tag und de o äs schöns Wucheend!
Liäbä Gruess
Soefeli
**Zivil: 20. August 2010 * Kirchlich: 28. August 2010**
|
Carmile  am 30.07.2010
Re: 28.8.2010
hey soefeli
i han de glich schueh gha :-) und han ihn nöd mol iglaufe, isch gar keis problem gsi und er isch super bequem gsi ar hochzit. schön häsch no sones tolls foto gmacht, will noch dem tag isch das nümm de fall. trotz schönem wetter hani schuehabdrück und anders druff.
demfall hoffi dass der jetzt din neue denn nöd zu chli isch. wenn wiedermol en schueh häsch wo rütschisch, i nimm jewils so sportsöheli, fühlet sich a wie tennissöcke. do blibsch me hafte wie uf leder.
grüesslis
|
meimei am 30.07.2010
Re: 28.8.2010
Freu mi so unglaublich fescht uf das wunderschöne Datum!
Bi uns sind d Vorbereitige no voll am laufe, es git doch no e paar Sache wo mr bis jetzt ufgschobe händ und sötte erledigt wärde 
Do wäre zum Beispiel:
- Tischdeko
- Sitzordnung
- Musik für DJ zämmestelle
- Gnaue Ablauf definiere
- und, und und
Han aber e super Maa wo richtig fescht mithilft
|
|
Soefeli82 nicht registriert am 30.07.2010
Re: 28.8.2010
Hallo Carmile
Schön bisch du o no im Forum :o) Dä Schuäh isch würklech bequem und äs stimmt iloufe mues me dä Satin-Schuäh nid gross. Aber da ig ä Turnschuähtreger bi, wetti ja mit de Absätz ä gueti Falle mache bim loufä u nid wiä ä Elefant derhärcho
Merci füre Tipp mit dr Sportsohlä...
Liäbä Gruess
**Zivil: 20. August 2010 * Kirchlich: 28. August 2010**
|
Kati7 am 30.07.2010
Re: 28.8.2010
Schueh iloufe isch as guets Thema. I bin ja doch schu as Ziitli dra mini hohe Satin-Schuhe am iloufe. Hüt sind mir o wegem HZ dur die fast ganzi Altstadt gloffe um e geeignete Fotiplatz zfinde wo mer denn doch na es Foti vu allne Gäst mache könnti u es doch o guet usgseht. Jedefalls han i hüt o Absätzschueh aka u de Absatz isch würkli mega breit vu dene Schueh u när bin i doch immer wieder zwüsche de Pflastersteine hange bliebe. Min GG hät e mega Lachafall kriagt, denn i bin immer wieder ohni Schueh uf de Strass gstande, hihihi. I hoffe de eifach am HZ passiert de das evtl. nume grad einisch
U süsch sind mir fliessig dra Punkt für Punkt vo de Liste könne zstriche.
Morn geits de mit dr ganze Familie vu üsem Pfarrer is Münster um alles vor Ort emal dure z'spiele ja u när isch min Liebster für 1.5 Wuche im Usland. Üs isch eigentli schu sehr wichtig gsi, dass mir s'meiste bis denn ebe erledigt händ.
|
karin83 am 30.07.2010
Re: 28.8.2010
also mer send jetzt zemli vollgas i de hochziitvorbereitige ond jedesmou wennd weder öppis abkrüzlet hesch, denn chonnt weder öppis neus dezue
gots euch mängisch ou eso?
am Mäntig 2.Termin abstecke
denn setti me ergendwenn entscheide för lingse oder bille
Teschordnig hemmer gloub gschafft ( hoffi zmendest)
blueme hani usgläse ond öberlomi jetzt mire schwe
ond jetz beni grad no fliisig am Name ändere pass etc da ich jo offiziel scho ghürote be
es guets weekend
wünscht euch Karin
GeMeinSAm auf den WEG 28.8.2010
|
karin83 am 30.07.2010
Re: 28.8.2010
no öppis zom gniesse
das wäred mini Schue, be zemli verknallt i das guete Stöck
ond wennis de ned de ganz Tag ushalte, hani mer no es paar neui wiisi Adidassneakers kouft
Schueh chaemer jo sowieso emmer bruche
GeMeinSAm auf den WEG 28.8.2010
|
elchalten  am 30.07.2010
Re: 28.8.2010
karin83: meeega schoene schueh!!! gfallt mer suuuper!!! vowo hesch die wisse adilette? hesch dim gg sicher o no grad es paar schwarzi poschtet...
verliebt 9-5-99 verlobt 29-12-09 heiraten 3-6-11:
|
|
|
1 .. 4 5 6 7 8 .. 14 .. 19
|
Anmelden
