| Bräute Region Bern-Freiburg |
|
|
1 .. 5 6 7 8 9 .. 21 .. 32
|
jasi86  am 05.04.2012
Re: Bräute Region Bern-Freiburg
So zum eu alli glustig mache...
Amuse-bouche
Croustillant de morilles, foie gras et pain seigle avec sa duxelle
Pavé de sandre du lac de Morat sur un gratin d’asperges
Filet mignon de Pata Negra aux noix vertes et gingembre
Clafoutis de rhubarbe accompagné d’un parfait glacé aux pistaches
...oooOOO 25. Mai 2013 OOOooo...
Zuletzt bearbeitet am 05.04.12 20:40
|
|
|
MaLu  am 05.04.2012
Re: Bräute Region Bern-Freiburg
 du machsch mi richtig gluschtig jasi..
ja z 3 tours isch scho e heisse kandidat.. ämu vom ässe her.. vor location isches itz nid gred mi troum 
ne nei arwen, mir chöme üs scho nid is gheg.. es freut mi, wenni dir no ha e zuesatz-tipp chönne gäh
|
|
Suee nicht registriert am 10.04.2012
Re: Bräute Region Bern-Freiburg
Hallo zäme!!
i melde mi ou no a...!!!;O) wohne und schaffe in Bern ...;O)
liebs grüessli
|
MaLu am 11.04.2012
Re: Bräute Region Bern-Freiburg
hallo suee, wink 
|
arwen_1984 am 11.04.2012
Re: Bräute Region Bern-Freiburg
@suee: hallo, willkommen im Klub ;-)
@ malu: Si hüt im Trois Tours ga ässe, isch ja hammermässig! mhhhhh... Ha mr zwar mega müesse müeh gä alles ds verstah, ha nid würklech dr Wortschatz für so nobel ds ässe, aber s isch total fein gsi.
Dr Saal fändi ize ou no schön, s isch eifach ganz öppis anders, als das wo mr bis ize im visier hei gha... Wie viel Lüt sit de dir bim fescht eigentlech?
|
MaLu am 12.04.2012
Re: Bräute Region Bern-Freiburg
@ arwen , freut mi, dases dir gschmeckt het.. heiter dr saal obe chönne ga aluege?
im saal selber bini scho lang nüm gsi, nur unger im restaurant, drum mani mi nüm sooo guet erinnere.. d 3 tours wär für üs eifach GENAU das wo mir üs vorsteue vor chuchi her.. mir göh morn mau no is hôtel de ville, dert isst me o sehr guet, i dänke eifach, es isch fasch z chly (si hei zwar abote z ganze restaurant für üs z reserviere..)
mir wäre ca. 60 persone zum ässe.. und dir?
|
arwen_1984 am 12.04.2012
Re: Bräute Region Bern-Freiburg
Mir wäre öppe 50 Persone. Auso i finde dr Saal eich sehr schön, sehr so Märlischlossmässig... Aber geschter isch mr ufgfalle, dass es nach Rouch schöckt dinne u es het ou Aschebächer gha, weiss nid gnau, ob me dert inne evt. darf rouke, und das würd mi als Nichtroucherin de sehr störe...
Was mr ou ufgfalle isch, dr Service isch im Verglich zum Landhuus Liebefeld um Wälte besser, und mir hei ersch am Schluss gfragt, ob mr dr Saal chönnt aluege, und wo si gmerkt hei, dass mir üs interessiere, isch sogar no dr Chef cho bir Verabschiedig. U ds ässe stellt also alles i Schatte, wasi bis ize erläbt ha bi de Teschtässe...
Mir sinis das ize äbe am überlege nachem zivile nur mit Eltere und Trouzüge...
|
MaLu am 12.04.2012
Re: Bräute Region Bern-Freiburg
ja arwen, z ässe isch dert würklech top, der service isch bis itz immer super gsi. fründlech und ufmerksam..
das mitem rouch erstuunt mi itz chly.. z fribourg isch ja o scho sit langem rouchverbot..? und das wär mir itz bim letschte mau nid ufgfaue.. villecht hei si im saal e versammlig gha, wo groucht isch worde?
wüu mi würd das auso o störe!
|
arwen_1984 am 16.04.2012
Re: Bräute Region Bern-Freiburg
Ja chönnt mr no vorsteue, dass me bi gschlossnige Veranstaltige dert evt. darf roucke, das isch ja abgschlosse wi nes Fumoir...
wi ischs im Hôtel de ville gsi?
|
MaLu am 22.04.2012
Re: Bräute Region Bern-Freiburg
mir hei leider ke termin meh übercho, wüu si di ganzi zyt aläss hei gha und när gred betriebsferie.. schriebe itz no mau..
und dir? heiter eui locations scho chönne ischränke? oder heiter o no immer so viel uswahl?
|
|
|
1 .. 5 6 7 8 9 .. 21 .. 32
|
Anmelden
