| Bräute 2009 aus dem Raum BL/BS |
|
|
1 2 3 4 5 6
|
surri  am 18.08.2008
Re: Bräute 2009 aus dem Raum BL/BS
Sali Mondfee
Mir si nächst Johr au scho 13 Johr zämme und händ denkt mir traue üs.
Das isch e super Tip und i wird sicher nochefroge. Isch immer guet wenn me öber us em Dorf kennt wo d' Rümlichkeite kennt usw.
Merci no für d' Tipps für' s Chleid!
Surri
|
|
|
Muggi  am 18.08.2008
Re: Bräute 2009 aus dem Raum BL/BS
Hoi Surri
Danke für dini Antwort,hoffe es klappet wenni im februar mol afroge! Mir wohnet i Möhlin
Dir au schöne obe grüessli Muggi
|
Muggi am 20.08.2008
Re: Bräute 2009 aus dem Raum BL/BS
Hoi Mitenand
Afangs August simmer zBasel ide Stadt gsi und händ 3 Polteröbe gseh 
3 Manne und 2 Fraue..isch da öpper vo euch gsi 
|
surri am 20.08.2008
Re: Bräute 2009 aus dem Raum BL/BS
Sali Muggi
Nei bi no a kei polterobe gsi, isch no chli frueh. Aber i freu mi scho wenns sowit isch!
Mir traue üs am 19.12.08 & 22.08.09
|
Muggi am 20.08.2008
Re: Bräute 2009 aus dem Raum BL/BS
Hehe uuuuh ich mich au  wot garnid wüsse was die alles de vorhänd
Ich gseh das du negst Johr im August kirchlich Hürotisch..Wenn het euch de Pfarrer zuesag geh?
Mir warte ebe immer no 
|
surri am 20.08.2008
Re: Bräute 2009 aus dem Raum BL/BS
Sali Muggi
nach langem warte( 3-4 Mönet) hämmer huet endlich zusag vo eme Seelsorger becho wo bereit isch unsi Trauig im freie und im Baselbiet ( wohne im Aargau) durezführe. Bi mega froh ha nämlig mega viel absage z'becho. Mir träffe üs vorussichtlich s'erstmol im November und luege dr Trauigsablauf a. I ha nit denkt das es so schwer wird si. Aber ebe do mir im Freie hürote hänn mir s' mega schwierig gha. D'Seelsorgerin us minere Heimatgmeind het leider a däm Datm scho es Fest gha und das het sie 1 1/2 vorher scho gwusst. ( ha sie scho sehr frueh agfrogt). Ha denkt gha i sig frueh dra ha mi tüscht. Es git lüt di händ fixi Termine 2 Joohr im vorus! Wahnsinn.
Jetz hanni wenigstens e grossi Sorg weniger.
Inere Wuche gohni goh luege wäge Hochzitschleider
Cu Surri
Mir traue üs am 19.12.08 & 22.08.09
|
Manu  am 23.09.2008
Re: Bräute 2009 aus dem Raum BL/BS
Hallo zäme
Ha mi au wieder emol welle mälde.
Da sunst ä chli viel los gsi isch, sin d'Planige für d'Hochzyt ä chli stohbliebe. Aber...... ich ha mis Traumkleid gfunde  . Möcht euch no kurz mini Erfahrige mitteile: Brautmode Domino het wirklich ä super Berotig und ä tolli Atmospähre. Leider hän sie Endi August nid so ä grossi Uswahl gha, will sie die neui Kollektion erst im Oktober bechöme. Die Dame het ä super Job gmacht und het au sofort gseit, wenn mir öppis nid gstande isch. Aber ä passends Kleid ha ich trotzdem nid gfunde.
Ich ha ä Arbetskollegin ins Chez Janine in Bubikon begleitet gha um ihr Kleid abzhole. Dört isch d'Uswahl eifach riesig. Afangs September bi ich mit minere Trauzügin und ä Fründin dört goh luegge. Ich ha einigi Kleider aprobiert, aber nur eins het Diskussione ghä. Mir sin denn no inere kleinere Lade gange, aber alli drei hän das andere Kleid nüm usem Chopf becho. Am Nomidaag simer denn nomol vrbi und ich ha mi definitiv fürs Kleid entschiede. Also ich bi au im Chez Janine sehr guet berote worde und ha au nid sGfüehl vonere Masseabfertigung gha. Ich bi ame Mäntigmorgä gsi und dört isch nur no ä anderi Brut im Lade gsi. Isch sehr agnähm gsi, wenn du sone riesige Lade fast für di allei hesch. Ame Samschtig würd ich aber nid unbedingt dört ane gho. D'Verkäuferin het mir au vo däm abgrote, wenn ich denn sKleid chum cho apasse loh.
@Maramo
Händ ihr dr Termin ufem Schloss Angestei scho chönne reserviere? Hürotet ihr dört in dr Kapelle oder Zivil? Mir hürote am 16.05.08 zivil ufem Angestei. Freue uns scho riesig.
---------------------------------
16.05.2009 isch unsere Tag
|
Muggi am 23.09.2008
Re: Bräute 2009 aus dem Raum BL/BS
Hoi Surri
Duet mr leid dasi erst jetzt schrieb i ha nid gseh bzw. nid uf benochrichtigung druckt...I freu mi riiiiiiiiesig für euch das,dass klappet het so schööön
Ich bi chli vo mim Pfarrer entüscht,do hani dänkt i lüt nomol a zum froge ob de Termin fest stoht...Zur Antwort vo ihm chunnt: Ich weiss nid ob i negst Johr no do bin oder ob ich de chrank bi a dem Tag..Haha sehr witzig nid?!
Ich ha gseit i plan jetzt eifach und sust gits jo Ersatz aber die Antwort het er sich chöne Spare...
Hesch du Resti und so scho reserviert?
Ah jo und Chleid hesch eis gfunde? I weiss garnid wenni söll afo go luege
Lg Muggi
|
surri am 23.09.2008
Re: Bräute 2009 aus dem Raum BL/BS
Sali Muggi
jo ha es Chleid gfunde und zwar eis zum Miete! Sie het es Chleid i minere Grössi nach mine Vorstellige ( mittelangi Schleppe) und mit süschtige Details extra für mi bstellt. bi mega glücklich.
Jo s' Restaurant hanni scho sig endi Mai, Mir händ s' Catering vo Bad Buebendorf für uf Schloss Wildenstein.
Das mit eurem Pfarrer tuet mr mega leid. Isch minere Meinig noch au e Frechheit! I ha s' Gfühl de het doch gar kei Freud a sim Bruef! Viellicht findsch au öber bessers.
Mir händ unterdesse au 2 Kollege gfrogt ob sie für üs a däm Tag tuent Fötele. und sie hend üs zuegseit. Das isch natührlich supi, so spare mir einiges a Gäld.
Und im Moment stagniere mir grad bi de Iladige. Mir finde leider nit di Zündeti Idee.
I wott jetzt nächst Wuche emol goh luege für es nit allzu tuers Outfit für di Zivili. Goht jo nümmi so lang
I gang glaub wirklich mol is Domino oder ebe zu Chez Janinie( lit zwar nit so uf em Weg).
Liebs Grüssli Surri
Mir traue üs am 19.12.08 & 22.08.09
|
Muggi am 23.09.2008
Re: Bräute 2009 aus dem Raum BL/BS
Hoi Surri
Hey so schööön...I glaub i gang au mol nach Lörrach bis jetzt nur guets ghört
He so schöön de hesch scho einiges chöne erledige!¨Ihr werdet en schöni Hochzit ha
Huu die Iladige das wird sicher au einiges,euch chunnt sicher no en Idee...
Liebi griessli Muggi
|
|
|
1 2 3 4 5 6
|
Anmelden
