Ciao...
Ig hürate am 08.08.2008 Zivil und am 09.08.2008 kirchlich und du?
bisch oscho voll am vorbereite?

• Zitieren

hallo zäme

i bi o e bärnerbrut :-)

hürate wärde mir aber im graubünde, wil mi schatz vo dert isch. usserdäm wirds bi üs 2009...

grüessli
meitli

• Zitieren

ciao zäme...
ja mir si ou dranne, macht würklich mega spass, vorallem chanis chum erwarte bis sowyt isch, jezt geits no paar monet und nä ufzmau glich nume no paar Täg...:-) Ig fröie mir riesig!

Bi üs isches chli speziell, für mi isches die erschti Hochzyt und für mi Schatz scho die zwöiti.. drum mache mir sicher alles anders als bi sire erschte Hochzyt. Ig wets ou lieber chli locker ha....

Bi üs gits ä italienischi Hochzyt...dass heisst es git ou mega viel lüt und für Kirche vorzebereite ono gad viel ztüe...

Bi jetzt dranne mis Chleid am finde, ha scho gnaui Vorstellige aber no nid ganz zrichtige gfunde, resp. zämegstellt..:-) Bi viel am Bastle, jetzt geits a Tischkärtli, sueche no paar Ideen,chli öpis speziells usgfallnigs oder so.

Mir gö am Sunntig bis üs a ä chlini Hochzytsusstellig und am 09. Feb. de uf Bärn a MariNatal.

Wie gsehts us wäge Ringchüssi, hesch das scho? Bi am überlege obi eifach es normals söll choufe, oder obis sälber söll näie....

Bis gli, liebe gruess

• Zitieren

Hallo Sibylle

Ja ha scho Itrittskarte bstellt bi Rhomberg. Mir wei ou ar MariNatal für Ringe luege, mir hei zwar scho schöni Ringe gseh, bi Rohmberg im Büechli, het viel uswahl und sie ou nid extrem tüür..:-). Vorallem hetme ja no 10% Usstelligsrabatt bi Rhomberg und Gravur isch Gratis... Wemer nid no öpis ganz anders gseh, de nämer scho die Ringe womer gseh hei....
Ja wägem Ringchüssi, da hani mir ou Gedanke gmacht, aber ig dänke scho dasi es Ringchüssi wirde ha us Stoff eifach ganz normal... Klar chöntme ou im Truckli lasi, aber irgendwie findis no schön weme gad so Ringe gseht. Viel mache ja ou eis us Blueme oder Moos od so..aber das gfaut mir nid würklich. Ig ha äs u schöns gshe,äs Härz, wiss mit wisse chline Röseli drumum...u härzig. Sicher hets de ar MariNatal ono viel Idee und Sache. Ig fröie mi emu mega uf die Usstellig.

Iladige heimer gad vor dr Wiehnachte aune verteilt oder gschickt und bis ändi Feb erwarte mir Antwort, de wüsse mir ou wieviel Lüt das chöme. Wird sicher scho so gäge die 80-100 Lüt ha...
Jetzt bini ging no am luege für Tischkärtli, tue no warte bis zur MariNatal bevor ig nä def. entscheide wasi wot bastle, derte hets sicher viel Vorschläg. Wie isch das bi euch, heiter ou Gastgschänk? Bi üs isch üblich, dasme ä Bonboniere schänkt ,5 wissi Mandle härzig verpackt im Gschirrli oder Glas oder so irgendöpis... Machet Dir de Trouzüge es Gschänkli?

Am Sunntig heimer gad mitem Fotograf dr def. Termin gmacht und ou für Torte la offeriere... 7 Stöckig...:-) mega schön. So ä richtigi Hochzytstorte..

Tüeter ime Rest ässe und Fiire?

Dr Fotograf isch no rächt fräch gsi. Mi Schatz und ig wei, dass är mi nid gseht vor dr Chilche, ersch de wenn ig mit mim Vater i Chilche bracht wirde und dr Fotograf het üs das tatsächlich wölle usrede. Hät gärn mit üs Föteli scho vorher gmacht... So doof, de isch ja spannig grad verbi... oder wie gsehsch du das? Also für isch klar, Foto ersch nach dr Trauig......
So itz hani ä haube Roman gschribe, bis zum nächschte mau...Fröie mi uf dini / eui Antworte...Tschüssli..

• Zitieren