| Brüütlis usem Ruum Adliswil |
|
|
1 2 3
|
|
Manuela24 nicht registriert am 20.03.2008
Re: Brüütlis usem Ruum Adliswil
Hoi Mausi
Ich bin in Wädenswil ufgwachse. Wo ich mit em Fründ zämme zoge bin, sind mer uf Bülach gange. Ich ha ebe in Winti ä Usbildig agfange und ha nöd so en wiete Weg ha welle. Nach 6 Monät ha ich denn die Usbildig abbroche und drum ha ich wieder zrugg welle. Da min Fründ aber in Regensdorf schafft, händ mer nöd all zu wiet vo Züri weg welle. So sind mer in Adliswil glandet. Kenne übrigens au niemert da usser dä Nachbare.
Mir hüratet au erst im 09. Zivil wänd mer am 29.05. und kirchlich am 06.06. Mal luege, obs klappe wird mit dene Date.
Hüratet ihr denn katholisch oder reformiert? Häsch mit dä Kirche in Adliswil scho Kontakt gha?
Danke für d'Gratulation. Bin mega happy, han mim Schatz nöd zuetraut, dass er sooo romantisch chan sie. 
Lg
Manuela
|
|
|
Mausi  am 20.03.2008
Re: Brüütlis usem Ruum Adliswil
@ manuela
verzell doch wie het er dich gfröget. hihihi. bi ganz gwunderig. :-) Jo also wenn mir 2 so "einsami" Adliswilerinne sind, chöntet mer ja mal was mache, denn wöret mer wenigstens enand kenne. hihihi.
Also chirchlich hürotet mir im TG. :-) Ich will bi mir im Kanton hürote. :-)
@ dodo
ja mir hürotet au erst nächst johr. es isch mega schön, sich so chöne druf z'freue. Da mir "erst" im September hürotet, hend mer wölle bis ca. Mai 08 warte mit plane. Mir hend no einigi Sache womer zerst müänd regle bevor mer da Startet. Hoffe es langet denn no. 
Aber es isch sone schöni ziit... ich gnüsses voll, d'Zuekunft mit mim Schatz dörfe z'plane... fühl mi wie frisch verliebt. hihihi.
|
|
Manuela24 nicht registriert am 20.03.2008
Re: Brüütlis usem Ruum Adliswil
Hoi Mausi
Also wo ich gestern hei cho bin, isch d'Wohnig dunkel gsi. Es händ nur überall Kerze brennt. Uf em Bode häts denn ä Rose-Spur gha. D.h. er hät mir mit dä Rose dä Weg zeiget. Nach es paar Schritt hät er denn mit Rose es Herz gformt und denn ischs in d'Stube gange. Det hät er uf mich gwartet. Uf em Sofa häts au vieli Rose gha, nur dä mittler Platz hät er frei glah. Uf em Stubetisch sind au alles Kerze gstande. Er hät mich denn bittet, ich söll Platz näh. Er hät denn ä Rose id Hand gno und isch uf d'Knü gange. Die Rose hät er mir denn in mini Hand gäh und mini Händ mit sine Händ umschlosse. Denn hät er sicher 5 Minute us üsere Vergangeheit verzellt und wie er sich uf üsi Zuekunft Freud. Wo er mich denn gfräget gha hät und ich ja gseit ha, hät er es herzförmigs Chüssi füre gno, wo dä Ring druf gläge isch.
Mir chönet üs gern mal treffe. Ich wohne an dä Finsterrütistrasse. Isch glaub nöd so wiet weg vo Dir. Wie alt bisch denn Du?
Ich bin übrigens scho drus cho, dass Du kirchlich im TG hüratisch. Nur muesch Du trotzdem zerst mit Adliswil Kontakt uf näh. Wenn Du nöd dä Pfarrer vo Adliswil wetsch oder dä nöd in TG mitcho will, muen er Dich überstelle. Wenn katholisch bisch, muesch au in Adliswil en Kurs bsueche. Dä findet immer im März statt.
Lg
Manuela
|
Mausi am 20.03.2008
Re: Brüütlis usem Ruum Adliswil
@Manuela24
nei jöööööööööööööööööö da isch ja mega mega mega süäss!!! Lääääck ich het glaub voll losghüület. hihihihi... :-) ich wart ebe immer no uf min Atrag... aber isch voll ok. :-)
Ich wird im Dezember 24gi... und du?
Hey super saisch mir da!! Ez goht mir gad ä liechtli uf. Ich han i üsere Wunsch-Chile aglüte und gfröget öb de termin no frei segi. denn het sie gsait jo und het all üsi date ufgnoh. Diä Dame am Telefon het gsait, sie tüäg üs ä bestätigung schicke für de Termin. Aber isch bis hüt nüt cho. Sie het aber nüt gsait, dass ich müäss Kontakt mit Adliswil ufnäh. :-( da hani nämli ned gwüsst... Und diä hend üs de Termin sicher nonig bestätigt, will mer nonig überstellt worde sind. Ich will ebe de Pfarrer wo mi scho tauft het. De lebt ebe immer no.
|
|
Manuela24 nicht registriert am 26.03.2008
Re: Brüütlis usem Ruum Adliswil
@ Mausi
Losghült ha ich zum Glück nöd, aber ich bin ziemlich sprachlos gsi. Hoffentlich kriegsch au bald en Atrag. Wobi dä Manne isch das halt scho nöd so wichtig...
Bisch au no ä jungi Bruut demfall. Ich wird im Mai 25. Zivil tüend mer denn an mim 26. Geburi hürate.
Häsch Dich bi dä Kirche in Adliswil mal gmeldet? Ich glaube zwar nöd, dass Du die Bestätigung us dem Grund nöd übercho häsch. Will dä Ort vo dä Kirche / Kapelle chunt nöd druf ah. Nur dä Pfarrer chan Dir nöd zuesäge oder erst provisorisch, bis die das mitenand klärt händ.
Lg
Manuela
|
Sandy am 26.03.2008
Re: Brüütlis usem Ruum Adliswil
Hallo ihr liebe Brüt
Hans au wieder mal is Forum gschafft.
Han am 4.Januar 08 zivil in Thalwil ghürate! äs isch eifach än Traum gsi.
Ich wohne jetzt in Langnau a Albis a dä Finsterrütistrasse
Am 30.August 08 hürtemer no chirchlich in Adliswil (kath.Kirche)
und ich freu mi riesig druf!!!!!S`zivile isch scho wunderschön gsi dä chan s`chirchliche nur phantastisch werde
Was haltet ihr vonerem Sihltalertreff?
Liebi Grüess Sandy
|
|
Manuela24 nicht registriert am 27.03.2008
Re: Brüütlis usem Ruum Adliswil
@ Sandy
Ich chan ja grad zu Dir übere Winke, mir wohnet ja an dä gliche Strass und mir wohnet nur no knapp in Adliswil, s'Schild vo Langnau isch nümme wiet weg.
Ich finds ä gueti Idee wegem Sihltalertreff. Muesch üs denn vo Dinere zivile Trauuig verzelle.
@ Mausi & Sandy
An wellem Wuchetag würds au jewiels am beste gah? Und wo wänd mer üs treffe? Ich kenne in dere Gegend no kei Resti oder so.
Lg
Manuela
|
Sandy am 31.03.2008
Re: Brüütlis usem Ruum Adliswil
Hoi Mausi Hoi Manuela
Wer würckli lässig wenn das mit em Träffe würd klappe.
Ich kenn au nöd so viel i dere Gegend, aber was würdend Ihr vom Kafi Jeannette a dä Zürichstrasse 12 in Adliswil halte?
Ich han kei bestimmti Täg wo mir am beschte gönd chami meh oder weniger richte wenn ich äs paar Date weiss.
Wie isches bi eu?
Häts susch no Brüüt usem Sihltal ume, wo sich eus wend aschlüsse???
Liebi grüess Sandy
|
Mausi am 01.04.2008
Re: Brüütlis usem Ruum Adliswil
Hallo!!
Sorry dass ich mich so lang ned gmolde ha. Mach ganz ganz ganz ä schlimmi ziit dure. Am Ostersunntig isch min Vater leider verstorbe. :-( :-( :-(
Und am letschte Dunnstig hani d'kündigung vo minere Arbeitsstell übercho. :-(
Tuet mer leid wenn i ned as trefe cho cha. Wär gern debi gsi. Aber i mue zerst alles regle, bevor ich wieder as hürote denke cha. :-(
Grüässli Mausi
|
Sandy am 01.04.2008
Re: Brüütlis usem Ruum Adliswil
Hallo Mausi
Ow das isch ja schrecklich, duet mir leid.
Ich wünsch dir ganz viel kraft für die schwer Zit.
Grüessli Sandy
|
|
|
1 2 3
|
Anmelden
