@dandi wär super wenns au chöntisch richte :) freu mich scho eu alli kennezlerne...

• Zitieren

ahh suppi ha de thread gfunde zum träff :) freumi schoo

send denn die meiste vo Luzern wo chömed?

wär au schön i de Seerose am hallwylersee

• Zitieren

hehe sonne ja d Seerose isch halt scho mega schönn :))

Luzern isch au en ganz schöni Stadt

• Zitieren

ich würd am liebschte duurend det hi goh es sind sooooo viel schöni erinnerige demit verbunde, es isch unglaublich was nur scho s draa dänke für emotione uslöst

mir hend scho vor em hochziit gwüsst wo mer euse erscht hochziitstag wend verbringe wo mir a eusem grosse tag ufem schiffssteg gstande sind zum ufs schiff zgoh, isch vor eus es paar gstande. sie hend eus ganz härzlich gratuliert und gseid, sie heiged gnau hütt ihre 10. hochziitstag! sie hend mega freud gha dass grad es hochziit isch! spöter hend mer sie denn nomol gseh bim schloss wo trauuig gsii isch, und sie hend eus denn verzellt, dass sie ebefalls i dem schloss ghürote hend. d frau isch ganz grüehrt gsii, mega härzig, ich glaub die hätt eus am liebsche umarmt

• Zitieren

findi au valey! mir werded euse hochziitstag sicher au wenn immer möglich mit "eusem programm - schiff, schloss, seerose" fiire. ich ha de mim schatz gseid, viellicht gsähnd mer jetzt denn die beide all johr einisch

valey, hesch du eigentli keis hochziits-loch gha? ich chas immer noni fasse dass es tatsächlich scho verbii isch, wenni d musig ghöre chömed mer träne und ich cha ned ufhöre bildli aaluege... ha mängisch s gfühl ich bi ned ganz bache

• Zitieren

hmmm, guet, mir hend au chli underschiedlichi hochziite gfiirt , du hesch sicher einiges meh müesse "leischte" als ich... ich ha irgendwie alles sehr entspannt erläbt, ha mi nie gstresst gfühlt und au ned s gfühl gha dassi froh be ischs dure oder so. aber ebe, ich ha jo "nur" zivil und im chliinschte chreis ghürotet, das macht sicher en underschied... viellicht ischs au so, will mer ned id flitterwuche hend chönne grad nochem hochziit und mir so schnell wieder zrugg am arbeitsplatz gsii sind dassi gar ned d möglichkeit gha ha das ganze z verarbeite...

• Zitieren