Mer hürotet am 31. Juli 08 zivil und am 2. August kirchlich. Hend scho viel organisert, nur de Pfarrer hem mer no nöd, isch halt Feriezyt und sind genau denn alli i de Ferie

Und ihr?

• Zitieren

Also da Problem mit de Location hem mer au gha. Irgendwenn hend mer denn eifach üsere Suchi usgeweitet und sind denn fündig worde. Fire tuend mer jetzt im Schloss Brunnegg in Kreuzlinge und für Kirche hem mer Kapelle St. Michael in Hohentannen reserviert. Zerscht het mer gern alles im Schloss Wartensee gmacht, aber die sind usbuched bis Aug 09 und mer hend unbedingt wölle im ene Schloss fire.

Und ihr hürotet in Gossau?

• Zitieren

Mer hend ebe ganze Schloss für üs allei inkl. Schlossgarte. Isch uh cool döt. Sie hend eigentlich nur offe Dunnschtig und Fritig und süs macheds uf ab 10 Persone.

Säntisblick isch au schö, hesch en schöne Panorama Ausblick vo döt Mer hend zerscht wölle i dere Kapelle im Schloss Oberberg hürote aber genau denn het Schloss Oberberg Betriebsferie und denn chunsch de Schlüssel nöd über für Kapelle.

Hend ihr viel Gäst us em Usland? I ha au äs paar, a paar Irländer chömmed. Be ebe Irländerin

• Zitieren

Es got so. Mer muend nur Konsumation zahle (also Apéro, Esse und Getränke) Nüt für de Saal oder süs Sache. Für d'Uebernachtige hem mer Zimmer i de Drachenburg in Gottlieben reserviert, isch gad 5min vo döt. Mer wönd ebe nöd, dass Lüt heifahred nochher, aber jede muess Zimmer selber zahle.

• Zitieren