| Hochzeit 2008 |
|
|
1 .. 9 .. 15 16 17 18 19
|
Sibylle  am 18.01.2008
Re: Hochzeit 2008
hallo sibylle de simer jitz scho drü sibylle wo 2008 hürate:-)
ha gmeint das sig e sätutene name, isch äuä glich nid so rar:-)
hesch dis chleid scho? am dialekt a bisch usem kanton solothurn?
lg sibylle
daniel & sibylle 19.01.01= 30.05.2008 / 07.06.2008
|
|
|
xeniajimmy am 22.01.2008
Re: Hochzeit 2008
Säg nüt, scho 3 Sibylle's wo das Joor hürote...
i ha au immer gmeint es sigi ä seltene Name.
ig chum eigentlich vo Basel, wohne und schaffe aber im Laufetal und do han ig chli d Sproch agno...
nei s Chleid ha ig nonig, aber im Chopf ha ig s scho. es muess eifach no ä Farb din si...wird däng so im April go luege...will mir hürote jo erscht im Oktober
|
Sibylle am 22.01.2008
Re: Hochzeit 2008
was heisst da erscht, das gehit im fau so schnäu, när isch das jahr düre!
erscht rächt wemä hochzyt het, dje zyt raset nume so drvo....
ja mis chleid het o farb drinne, isch es 2teiligs, us corsett obe het bordeaux roti streife drinne nid krass aber doch e chi farb, ha ou e bordeaux rote schal drzue, weiss noni öbi dje bordeaux rote träger a mache oder schulterfrei la la sy muess de no mau luege, wes da isch! ha zwar immer e schleier wöue, stehit mir aber leider grad gar nid darum hanimi fürä schal entschiede
4mönet lieferfrist gehit mega lang wemä uf sis chleid muess warte, wetts ändlech wieder amu aluege, bi endi november gsi!
daniel & sibylle 19.01.01= 30.05.2008 / 07.06.2008
|
cannella am 22.01.2008
Re: Hochzeit 2008
Hallo Sibylles
Ich cha zu dem ganze Hochziitschleid-Thema nur säge, gönd gnueg früeh go luege. 4 Mönet Lieferfrischt isch no nüd!! Wenn mis Chleid de würklich im März äntlich da isch, het's 7 Mönet brucht!!! Guet, es wär eigentlich nach 4 Mönet scho da gsii, nur leider i de falsche Farb und ich ha mier schlicht ned chönne vorstellä, imene goldige Chleid z hürate!! De hends de gseid, es gieng jetzt halt no einisch 3 Mönet 
Zum Glück han ich das so früeh bstellt, stelled üch vor, ich hätt das erscht im Januar bstellt. Ich wär jetzt rächt am bibbere, wenn nur no knapp en Monet bis zum Hochzig wür bliibe.
Also, mer cha nier würklich z früeh dra sii *smile*
Es Grüessli
Cannella
|
xeniajimmy am 22.01.2008
Re: Hochzeit 2008
Das glaub i jetzt aber nid....
hesch s Chleid vo Sincerity?
will genau so wiä du das jetzt beschriebe hesch gseht das us, wo i mir eigentlich vorstell. und i scho gseh ha...wär notürlich hamer!!
i wött ebe gärn Träger dra, will i glaub i würd mi ohni unsicher fühle...guet i muess wohrschins glich ä Jäckli oder sicher ä Schal ha...will im Okt. chas notürlich chalt si...
Mi Schwiegermuetter in Spe fänds schön wenn i ä schleier hätt, aber i muess jetzt mol luege wiäs usgseht. cha mir ebe au no vorstelle, dass es eim entwäder stoht oder nid...(also sie isch nid enttüscht, wenn i kein ha, will schlussändlich muess i jo das näh, wo mir gfallt.. )
glaub i Dir, wenn däs scho solang nüm gseh hesch, dass dä denn ganz gspannt bisch wiäs usgseht. und hoffsch notürlich, dass alles passt...
stimmt, es goht schnäller als me dängt. Mir si beidi inere Gugge und do lauft scho viel vor dr Fasnacht und an dr Fasnacht und denn isch scho wieder mitti Februar.
|
xeniajimmy am 22.01.2008
Re: Hochzeit 2008
Ui Carnella...das isch jo wirklich dr Hammer...
Goldigs Hochzitschleid, wär mol öbis anders...
Dämfall muess i glich gli go luege, sunscht han i denn keis an minere Hochzit...
Merci füre Tipp!!
|
Sibylle am 22.01.2008
Re: Hochzeit 2008
hoi sibylle
du meinsch s style 3332 gäu?
ja das isch ou wunderschön, aber mis isch vodä lohrengel 2008, sehr ähnlich chli fineri streife wo nur bis unter brust göh, hinge hets ou nid so viel rot und schmaleri träger!
finde ebe leider niene es bild vo mim im internet!
ja gang früeh gnue, i ha ersch im februar wöue gah für im juni, gott sei dank bini im novämber gsi!
daniel & sibylle 19.01.01= 30.05.2008 / 07.06.2008
|
xeniajimmy am 22.01.2008
Re: Hochzeit 2008
jo genau i mein das...wär jetzt ächt luschtig gsi, wenn mir grad s glich ka hätte..
Aber wiä gseit, i muess es au zerscht mol alege...viellicht passts jo gar nid zu mir.
aber ebe, i wird so schnäll wiä möglich go luege...
|
Sibylle am 22.01.2008
Re: Hochzeit 2008
Ja das isch wunderschön hoffentli passts zu dir! i ha ömu ou es ähnlechs gseh gha im internet und es het passt!
dr schleier gseht eifach mit schal zäme doof us....
gniesses de we gehisch!!!!!!!!!!!!!!!!!!!!
daniel & sibylle 19.01.01= 30.05.2008 / 07.06.2008
|
xeniajimmy am 22.01.2008
Re: Hochzeit 2008
Merci das wird i mache...
stimmt, dass das cha i mir jetzt au nid vorstelle mit Schal und Schleier...
|
|
|
1 .. 9 .. 15 16 17 18 19
|
Anmelden
