| Juli-Brüüt 2010 |
|
|
1 2 3 4 5
|
Barbagallo  am 15.11.2009
Re: Juli-Brüüt 2010
@ Sheepy
Cooli idee met dem "Jede Monet öbis erledige" E be leider ned so wit wie du.
Mer hei afe d'Kirche res., d'Eheringe bestellt und Standesammt ufe 9.7 res.
D'wunschlokal esch ou prov. reserviert.
Hött obe heimer ein besprechig mit anschliessendem Abendessen.
Wenn alles so klappett wie mer's gärn hätte heimer hött obe s'appero und s'Festässen dev. buechet. 
Met em Fotograf heimer nöchst Samstig en Termin abgmacht.
Morn goni üsi Save the day charte bem drucker go ufgä, das eg se de uf ändi Woche cha verschecke.
Die dev. Einladung verschicke mer de erst im Januar oder Februar.
Die Save the day charten verschicke mer nome wöu mer voll ide sommerferie düe hürote, und mete dev. Einladung ned wei müsse pressiere.
De Pfarrer heimer leider noni, da eg gärn en Afroamerikanischer Pfarrer wätt. 
@ alli wo ide Sommerferie düe hürote und scho en Pfarrer hei 
Hei der kei problem ka en Pafarrer s'fende wo denn ned ide Ferie esch?
**Verliebt 3.5.00; Verlobt 17.09.09; Traumhochzeit 17.07.10**
Zuletzt bearbeitet am 15.11.2009
|
|
|
Pamuya am 15.11.2009
Re: Juli-Brüüt 2010
Hey ihr Liebe!
Chönd ihr alli s standesamt scho reserviere??? BI üs gaht das erst früestens 3 Mönet vor dem Termin womer wänd 
MIr hend üs ebe entschide kei Save the Date charte z verschicke, das für eus eifach wiiteri Choschte wäred wo mir ispare wend. Deshalb gönd üsi iiladigscharte scho im Januar use, das d Lüüt sicher nonid buechet hend für de Summer..
@ Barbagallo:
Da bi üs d Schuelsummerferie erst am 17.7. Afange und mir am 10.7 hürated isches für üse Pfarrer kei Problem xsi :)
Liebs grüessli
Zuletzt bearbeitet am 15.11.2009
|
|
luma03 nicht registriert am 15.11.2009
Re: Juli-Brüüt 2010
Sali Pamuya,
I ha afangs Oktober eifach mal bim Standesamt ahglüte und gfroget wän das mer eus chönd ah mälde. De Chef hät dän gmeint das er eus mal provisorisch ah däm Tag ischriebt und mir dän afangs März sölled verbi cho zum alles genau zbespräche.
Liebi Grüessli
|
Pamuya am 15.11.2009
Re: Juli-Brüüt 2010
Hey Luma
Das Mueni wohl au numal probiere.. Han schomal aglüte aber do hani ganzz e unfründlichi am Telefon kha. Mal luege vilicht verwütschi dasmal ja e anderi und chönt Reserviere. Mir würded ebe gern am 09.7. Standesamtlich und denn am10.7. chirchlich da das für üs vom Schaffe her au am beste gah wür
|
|
luma03 nicht registriert am 15.11.2009
Re: Juli-Brüüt 2010
Hoi Pamuya,
Darfi froge wo das ihr hürated? Mir sind am 18.Juni in Willisau ufem Standesamt. 
Mis glück isch glaub gsi das de Chef grad Zyt für mi gha hät. Er isch würkli sehr nett gsi,hät alles genau erchlärt und au vo sich us de Vorschlag gmacht eus de Tag mal provisorisch zreserviere.
Hoffentlich verwütschisch dasmal ä netteri Person. I finds nämli no wichtig das diä ufem Standesamt fründlich zu eim sind,mer wot sich ja schliesslich au wohl fühle. I bi nämli no froh gsi das mer s Standsamt scho händ chöne reserviere und de rescht uf de Tag chönd abstimme.
|
Pamuya am 15.11.2009
Re: Juli-Brüüt 2010
Mir hoffed das mir am 09.07. chönd in Wetzikon ufs Standesamt gah. Zersch hemmer Grüninge wele is Schloss.. isch vo usse her ntürli vill schöner aber da mir ja no chirchlich hürated sind üs die xx Franke unterschid nid wärt xsi zum is Schloss zgah.
I wirdes wohl näxt wuche mal versueche mitem Standesamt..mal luege wies usechunt 
|
|
luma03 nicht registriert am 15.11.2009
Re: Juli-Brüüt 2010
I wird der de Dume drucke das es gaht.
Wetzikon isch au sehr schön zum Hürate. I chume ursprünglich vo Bauma,weiss ned ob das au känsch. 
Und de 9.7. isch au es schöns Datum,es wird vom Wätter her sicher au stimme, es isch um die Zyt ja meistens schön.
|
Pamuya am 15.11.2009
Re: Juli-Brüüt 2010
Klaro känni Bauma  Ich weiss nid wie s Wetziker Standesamt vu inne usgseht. I finds nur schad dases so ade Hauptstrass zue staht. Aber schlussendlich isch üse grossi tag ja de 10.7. und nid s Standesamtliche
Ich hoffe natürlich für all Brütlis da inne, dass a ihrem grosse Tag schöns Wätter isch!!
So etz machi mi chli dra as Ehering aluege im Internet.. dademit hani mi bis jetzt nunig würklich beschäftigt. Denke das wird au nid ganz eifach wärde di richtige Ring z finde .)
|
|
luma03 nicht registriert am 15.11.2009
Re: Juli-Brüüt 2010
Viel Spass bim Ring ah luege
Es isch würkli schwirig di richtige zfind, mer händ fascht 4 mönet brucht
aber i bi au sehr wählerisch gsi 
|
Barbagallo am 15.11.2009
Re: Juli-Brüüt 2010
Hey Pamuya
Wenn alles so chont wie geplant hürote mer jo am gliche tag Stadesamtlich
Jo eg wörts ou nomol probiere. Eg ha en ganze nätti am Tel. ka. se het mer alles mega guet erklärt und gseit was vör dokumänte as mer müend ha.
**Verliebt 3.5.00; Verlobt 17.09.09; Traumhochzeit 17.07.10**
|
|
|
1 2 3 4 5
|
Anmelden
