| Nach der Hochzeit..Brautreff!! |
|
|
1 2 3 4 5
|
Tuefeli  am 03.08.2008
Nach der Hochzeit..Brautreff!!
Hallo liebi Brüt usem 2008
So ich han mal welle fröge öb da öpert usem Forum scho ghürate het uf es Träffe zum ächli über diä schöne Ereigniss zum quatsche...Wer hetti luscht, wär doch no lässig??!
Lg Tuefeli
|
|
|
Lela am 03.08.2008
Re: Nach der Hochzeit..Brautreff!!
Hallo Tuefeli
ou jo das tönt guet! mer händ am 5. juli ghürote.... ond de tag esch mer immer no so vor de auge! 
aso, i wär debii!
liebs grüessli 
|
Tuefeli am 04.08.2008
Re: Nach der Hochzeit..Brautreff!!
Hallo Lela
Mir händ am 2.8 ghürate....bi fascht echli trurig das dä schön Tag so schnäll verbi gange isch. Bisch du bim Bruträff(vor dä Hochzit) debi gsi? Vo wo chunsch du?
|
|
Pluto nicht registriert am 04.08.2008
Re: Nach der Hochzeit..Brautreff!!
Hallo
Tuefeli, du besch jo fix scho weder im Brauttreff anzutreffen. Ech be zwor ou grad 1 Tag nochem Hochzig weder det go umeschnöigge ond ha üsi Hochzigshomepage apasset. Mer gewöhnt sech während Monate halt as Forum ond do chammer jo ned grad weder losloh.
Mer hend am 26. Juli ghürote. Be am Samstig 2. August rechtig wehmütig gsi, ha emmer dänkt "vor einere Woche hemmer om die Ziit das und das gmacht.... do semmer det gsi".  Soooo schad esch de Hochzigstag so schnell döre gsi. Me chas chum glaube!
Mech wörd en Treff ou interessiere. Ech chome us Nähe Sursee (LU).
Liebi Grüess
Pluto
|
smil09 am 04.08.2008
Re: Nach der Hochzeit..Brautreff!!
Hallo zäme
Das tönt guet. I wär au debi. Wohn aber im AG (Region Baden). D'Lela känni scho usäme Bruttreffe vor dä Hochzit  Tuefeli, du wohnsch doch glaub au irgendwo i dä Gegend, oder? Du häsch dich jedefalls au mol für äs Treffe interessiert, häsch dänn aber nöd chöne cho. Züri oder so wär für mich au guet machbar, Sursee isch halt leider scho wieder chli wieter wäg.
|
madmadi  am 04.08.2008
Re: Nach der Hochzeit..Brautreff!!
Wie wär's denn nöime zwösche inne - z.B. Lenzburg? I chome vom gliche Ort wie d Lela ond mer chönnte velecht zäme härefahre (Pluto, du wärsch jo au i de Nöchi). I fänd es Brutträffe jedefalls super - ha denn z Bade au ned chönne, wär aber gärn cho... - denn chöne mer velecht sogar chli Föteli luege...
Ussert, ehr machet's grad das Weekend, denn hani scho öppis vor.... 
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
Editiert 04.08.08
|
|
Pluto nicht registriert am 04.08.2008
Re: Nach der Hochzeit..Brautreff!!
Hallo
@madmadi
Euer grosser Tag ist ja jetzt auch nicht mehr fern. Ich sag dir eins: Geniess die letzten Tage noch so richtig, auch wenn dir die Organisation evt. mittlerweile auf die Nerven geht. Geniesse umso mehr den Hochzeitstag. Nimm alles bewusst wahr und "speichere" es  . Es ist Wahnsinn wie schnell so ein Tag vergeht.  Am Tag danach fällt man fast in ein "kleines Loch" und fragt sich - wirklich schon alles vorbei? Uns gings jedenfalls so.
Wegen dem Brauttreff:
Lenzburg ginge mir, habe nur ca. 20 min via Kölliken. Kenne mich da zwar nicht wirklich aus, kenne es nur vom hindurchfahren.. und das Schloss natürlich . Evt. könnte ich mich bei euch ja auch anhängen und deshalb via Menziken/Reinach fahren, habe ich nicht viel länger als über die Autobahn.
LG
Pluto
* Wir haben am 26. Juli 2008 geheiratet *
|
Lela am 04.08.2008
Re: Nach der Hochzeit..Brautreff!!
pluto und tuefeli ... ehr händ so rächt! de tag vergoht soooo schnäll! *sniff* möcht so gärn nomol zruck ond de wieder erläbe!
jo, länzburg wär för mech au ok, de chönnte mer wörkli vo riinach oder mänzike en fahrgmeinschaft grönde!
|
Tuefeli am 04.08.2008
Re: Nach der Hochzeit..Brautreff!!
Hallo zäme
Wänn hettet mir eus dän mal welle träffe?
|
madmadi am 05.08.2008
Re: Nach der Hochzeit..Brautreff!!
Für mich müesstis früehschtens im Septämber si, da mir ab Mitti bis Endi August üsi Flitterwoche in Finnland gniesse...
Danke für üchi Tipps - ich wirde jetzt alles ufsuuuge, so guet ich chan! De Organisations-Fruscht isch au wieder verbi, ich freue mi total und be no flissig am Chile-Heftli falte und Nastüechli inechläbe - voll kitschig aber juhuuuuu  !!!
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
Editiert 05.08.08
|
|
|
1 2 3 4 5
|
Anmelden
