| September 2010 |
|
|
1 2 3 4 5 .. 21 .. 37
|
cuenca  am 17.02.2010
September 2010
Hallo zusammen
Es gibt gemäss callas Liste (http://www.heiraten.ch/forum/thread.php?...4&thema=220) einige, die auch im kommenden September heiraten werden. Ich dachte es wäre spannend, wenn wir uns austauschen könnten, wie weit ihr mit den Vorbereitungen schon seid, etc.
Viele Grüsse
cuenca
_____________________________________
Wir heiraten kirchlich am 4. September 2010
|
|
|
Papillon  am 23.02.2010
Re: September 2010
HI cuenca!
Coole Idee! Wir heiraten ja auch im September. Ich bin immer wieder unsicher ob wir so im Zeitplan sind....
Wann verschickt ihr zb. die Einladungskarten?
Heute abend treffen wir uns zum ersten Mal mit dem Pfarrer. Hui, ich bin schon etwas nervös 
grüessli Papillon
|
cuenca am 23.02.2010
Re: September 2010
Hallo Papillon
Wir werden die Karten nächstes Wochenende basteln und sie sollten Anfangs März auf die Post... Bis dahin müssten wir eigentlich auch unsere HP auf dem neusten Stand haben... Die Anmeldefrist haben wir auf den 2. Mai gesetzt...
Leider haben wir noch keinen Pfarrer (die Kirche schon, aber der Pfarrer hatte schon einen anderen Termin)... Die Suche dauert also noch etwas an...
Anfangs März treffen wir uns mal mit den Trauzeugen und schauen an, wie was alles ablaufen soll... Die Trauzeugen sollten auf jeden Fall so gegen mitte April ein Infobrief für die geladenen Gäste versenden mit den nötigen Infos... (bzw. mit der Aufforderung zur Anmeldung  )
Eigentlich sollte ich mich mal um das Hochzeitskleid kümmern, aber da ich z.Z. noch an der Diplomarbeit bin, fehlt mir etwas die Zeit...
Wie ist das bei Dir so?
_____________________________________
Wir heiraten kirchlich am 4. September 2010
|
Dee  am 23.02.2010
Re: September 2010
Hoi zäme
ich hürate zwar "erst" im Oktober, aber das isch ja näch bim September!
also ich han scho en prototyp vom chärtli gmacht, mer müends jetzt no richtig guet übersetze und denn im april händ mer vor, die z verteile... amäldefrist isch endi mai... @ cuenca: händ ihr denn d chile und eifach no kein pfarrer? oder wie mached ihr das mit de iiladige?
mir sind letzt wuche bim pfarrer gsi, es isch mega gsi, er isch super!
jetzt händ mir e offerte für s resti übercho, wo mer wahrschinli de apero mached.
s Resti fürs Fest händ mer scho länger reserviert.
was mer au scho reserviert händ isch en car, wo vo de fästlocation us di gladne gest id chile bringed und denn nach em apero wieder zrugg zum resti, so chönds s auto det stah lah....
am samstig gang ich mit mine fraue go chleider aluege! juhui, hoffentlich find i eis!
de fotograf händ mer mal en favorit, mer müend mit ihm no en termin abmache, denn lueged mer wiiter....
mit DJ sind mer au in kontakt, aber das isch nid so eifach, aber chunnt scho guet...
denn därf ich au mal no go es chleid ussueche für s zivile und natülich d ring! und au fürd flitterwuche müend mer no go luege! hihi... im moment isch thailand höch im kurs! 
so in etwa gsehts bi eus us! hihi!
viel spass bim organisiere!
die Krönung unserer Liebe am 4.6.2010 und 2.10.2010
|
silver83 am 23.02.2010
Re: September 2010
ich bin au ä september brut
also chartä sind fertig und gön am dunnstig unter lüt, den hät mini gross geburtstag und den würd en grossä teil vur familiä verbi cho. eigenlti bin i fertig, muess nur no es paar adrässä usfindig machä...
ameldä frist isch glaub der 20.6 denkä das langet zum sich amäldä, isch eher chli zlang
aber suscht han i scho alles organisiert, vum pfarrer über chirchä zum apero und resti und musig und fotograph und und und, nur min ma hät nu nüt zum aleggä, wie immer...
Lg
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
cuenca am 24.02.2010
Re: September 2010
@ Dee: Oisi Chile häd ebe kein Pfarrer und drum händ mir d'Chile scho, aber no kein Pfarrer... Und da mir eine känned, händ mir de wele näh, aber er häd scho en andere Termin. Jetzt sind mir am sueche (und händ vilicht scho eine gfunde - falls er denn au ziit häd...). Wichtig isch ja für d'iladige, dass d'chile chasch druf schriibe...
_____________________________________
Wir heiraten kirchlich am 4. September 2010
|
Papillon am 24.02.2010
Re: September 2010
Guete Morge!
ah, voilà. de gsehni jo grad das mir nid schlächt im zytplan si. üsi chärtli si am entstoh. verschicke wete mr se mitti april.
geschter obe hei mr üses erschte gspräch mit em pfarrer gha. mir mache sone ehevorbereitigskurs. das isch super spannend und sehr empfählenswärt.
ds chleid hani bsteut. wow, ä troum vome chleid!! ha mega fröid dran!
jtz si mr no am wunschlischte zämesteue. das brucht mega zyt!!! aber fägt ja o.
auso chile, apéro, und abe (rümlichkeite mit ässe) hei mr aues organisiert. jtz wei mr no am fotograf zuesäge und när no d musig für ir Chiuche afrage. aber das söt kes problem si.
juhiiii s fägt so!
mit dä trouzüge (mir hei 4) träffe mr üs o afang märz. die si aber scho flissig am plane, henne lieb!
auso, witerhin viue fröid bim plane
grüessli
|
cuenca am 24.02.2010
Re: September 2010
Mir händ vor ca. 2 Wuche mal s'probechärtli gmacht, au will mir nid gwüsst händ, ob mer jetzt die Farbe nähmed... Wo ich mim Züekünftige sini lüchtende Auge gseh han, han ich wüsst, dass das oises Chärtli wird si :-)
Fotograf, Resti händ mir au scho, musig für id Chile evt. au... aber ebe de pfarrer nonig und für d'zwüschedziit (zw. chile-apero und ässe) händ mir praktisch no nüt...
Aber s'nächschte Weekend staht ganz im Zeiche vo de Hochzigsplanig... es macht würklich Spass!!!
Oi au wiiterhin vil spass!
_____________________________________
Wir heiraten kirchlich am 4. September 2010
|
Vreni am 24.02.2010
Re: September 2010
Jesses! Wir heiraten im September, und wir haben grade mal eine Idee, wo das Fest und wo der apero. Frei wären die Locations, ob sie uns passen, gucken wir dieses Wochenende.
Aber Kärtli, Kleider, Ringe, Schuhe - alles noch totale Fehlanzeige.
Immerhin haben wir eine provisorische Gästeliste! :)
Und das Gastgeschenkli haben wir auch schon
|
silver83 am 24.02.2010
Re: September 2010
hey vreni, irgendwenn muess mä hald afangä, die einä frühner di anderä spöter. isch aber alles no machbar in 6-7 mönet! bim chleid wür ich aber öpä mol los go, einigi hen bis zu 6mönet lieferfrist und den ischs schad, wenns ztraumchleid nümmä meh git.
wünschä eu viel spass mit planä, isch hald scho öpis schöns!
Lg
.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
|
|
|
1 2 3 4 5 .. 21 .. 37
|
Anmelden
