| wir sind nicht mehr Gast an einer Hochzeit.... |
|
|
1 2 3
|
Dee  am 23.03.2010
Re: wir sind nicht mehr Gast an einer Hochzeit....
Calla, ich bin ähnlicher meinung. Wenns passt, wieso so lange warten?! ich kenne viele, bei denen es genau so war, so lange zusammen, dann heiraten und dann, nach ein, zwei Jahren die grosse Krise. Will das auf keinen Fall verschreien und finds auch super, wenn jemand nach 10 Jahren heiratet, jedoch habe ich von vielen gehört, bei denen das nicht geklappt hat.
die Krönung unserer Liebe am 4.6.2010 und 2.10.2010
|
|
|
silver83  am 23.03.2010
Re: wir sind nicht mehr Gast an einer Hochzeit....
hey mier sind etz scho über 10 johr zämä.... was lies ich den no 
chund au chli druf a, ich bin gad früschi 16i gsi wo mier zämä cho sind, noch 3 johr hürotä hetti mit 19i kheissä... wer für mich gar nid in frog cho. bin zwar scho romatisch, hett aber nid denkt, dass ich gad bim erstä "richtigä" schatz blibä 
und au wen mä elter sich, den hät mä vilicht no vor zreisä sich brueflich witer zblidä und so witer... das chostet alles ziit und gäld. und für vieli chund hürotä us stürtechnischä gründä erst in frog wen mä aktiv will familä planä.
ich bin sogar eher der meinig "drum prüfe wer sich ewig bindet" (<--schiller, isch nid vu mier ;o))... ich finds amigs komisch wens noch emnä oder au 2 johr gad hüroten, isch doch suscht au schön zämä.... und imnä fall der trennig wesentlich lichter.
will aber au niemert agriffä... isch nur mini meinig und für üs stimmts noch fast 11 johr, 2 chind und emnä huus...
.:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:.
Sid am 13.02.2009 verhürotet und am 25.09.2010 isch üserä grossi tag
|
calla am 23.03.2010
Re: wir sind nicht mehr Gast an einer Hochzeit....
das isch so, dgarantie hättmer sowieso nie, egal wie lang es päärli zäme isch und wänns stimmt dänn stimmts egal obmer nach 2 jahr oder nach 15 jahr hüratet.. und s'schöne isch, dass ja so päärli wie ihr (silver und nimbini) bewiised, dases au no nach jahre "konkubinat" chriblet wämer as hochziit dänkt ...
jede söll sini prioritäte und sini reihefolg selber bestimme, nachem eigete tempo!
°oO°oo° ... WEIL ES LIEBE IST ... °oo°Oo°
|
Carmile  am 23.03.2010
Re: wir sind nicht mehr Gast an einer Hochzeit....
hey zeme
mer hürotet jo jetzt au noch 10 johr, hend aber zwüschetdrin fast es johr funkstille gha. sus hettis mer nöd chönen vorstelle mi jetzt für immer und ewig zbinde. drum findi scho dass es was hät, dass viel beziehige wo so lang bestönd und denn ghürotet wird, es däno oft zu trennige führt. han das selber au scho im bekanntekreis erlebt. mues nöd si, aber chan. und i chans au nofühle warum das passiere chan. sehr sogar.
i bin aber au eher öppert wo nöd so schnell würd wölle hürote. ish aber au altersabhängig. mit säget mer mol 30 weisch eher woruf bimene maa luegsch als mit 15.
@silver: was mi no mega würd wunder neh..du schribsch wägem stürtechnisch. mer hend das letschti mit em wiler stürsatz usgrechnet und chämet uf ca. 1500 chf me stüre pro johr als verhürotets paar wie wenn mer wöret wie bis anhin separat zahle. entweder hend mer üs verrechnet oder i weiss au nöd was, aber i find jetzt de unterschied nöd de wahnsinn bzw. nöd es argument geg dehe wies viel männer als usred benutzet wo no nöd wend hürote. wie gsehsch du das?
wieder abdüs zu üsere hochzitshomepage wo gad ide letschte züge isch ;-) freuu
|
silver83 am 23.03.2010
Re: wir sind nicht mehr Gast an einer Hochzeit....
also calla, han mi den nid agriffä gfühlt, gäll!
findä au dfranzika super, wo noch 10 johr no chirchlich hüroten, eifach wills no so glücklich sind mitänad
Lg
.:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:.
Sid am 13.02.2009 verhürotet und am 25.09.2010 isch üserä grossi tag
|
calla am 23.03.2010
Re: wir sind nicht mehr Gast an einer Hochzeit....
dänn isch ja super, bini aso froh 
@carmile
liiiiiiiiiink biiitteeeee 
°oO°oo° ... WEIL ES LIEBE IST ... °oo°Oo°
Zuletzt bearbeitet am 23.03.2010
|
silver83 am 23.03.2010
Re: wir sind nicht mehr Gast an einer Hochzeit....
ja isch so leider... würsch bestrofft wen hürotisch. üseri trauzügä en glaub um di 5000.- nochzstührä zahlt. hen aber au nümmä söviel abzüg ka, schuel und so nid nu wägem hürotä.
aber wen einä 5000.- verdient isch er inärä anderä stürklass als wen 10 000.- verdiensch und als ehepaar würd dis ikommä zämäzehlt und den landisch schnell mol imnä höcherä stürsatz.
aber ich kenn mich nid richtig us, eigästudium kei garantie.... han zum glück en stürberoten wo dä ganz bättel macht für üs
.:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:.
Sid am 13.02.2009 verhürotet und am 25.09.2010 isch üserä grossi tag
|
silver83 am 23.03.2010
Re: wir sind nicht mehr Gast an einer Hochzeit....
mier hen übrigens nid khürotä will mie nid dä stempel "diä hüroten nur wills es baby git" hen wöllä verpasst kreigä. will mi nid immer müessä närvä und erchlehrä... und den isch immer was cho, bau 2te baby, und den etz isch mini schwö no 8 oder 9 mönet wäg gsi am reisä... drum 2010.
übrigens sind gad dchind en riisä stritpunkt. mä hürotet und den wills nid klappä oder einä will nu nid oder es klappt und mä gsied, dass mä sich nid so uf dä parter chan verloh wie mä sich das denkt und gwünscht hät... isch au en grund warum sich söviel noch em hz trennen oder noch dä chind...
.:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:.
Sid am 13.02.2009 verhürotet und am 25.09.2010 isch üserä grossi tag
|
nimbini am 23.03.2010
Re: wir sind nicht mehr Gast an einer Hochzeit....
also ich dänke au, dass das villicht chli altersabhängig isch! mir sind mit 22i zämecho und zwei jahr später wäred mir eifach no z'jung gsi zum hürate, händ ja nonig emal zäme gwohnt! ich bin sehr oft gsi go reise und han au es paar mönät im usland gläbt (ohni ihn) und ich bin mir fascht sicher, hetted mir früeh ghüratet, hett ich das nöd so chönne läbe! sind au erscht nach 5 jahr zämezüglet, da händ scho alli gseit, mir seiged gnau so es paar, wo nach so langer zyt zämezüglet und dänn usenand gaht, tja, das isch vor 3,5 jahr gsi! letscht jahr bini 30i worde und han müesse säge, ich bin froh, bini 30i, nonig ghürate und chinderlos, es hät eifach gstumme für eus! han au kolleginne, wo nach 3 jahr ghüratet händ mit 25i, hüt händs zwei chind und sind gschiede und lueged nidisch uf eusi schön wohnig und eusi schöne reise, wo mir gmacht händ! oder e anderi kollegin isch mit 29i bereits zum zweite mal ghüratet.... villicht hetted mir au nach 3 jahr ghüratet, wänn mir eus erscht mit 28i känneglernt hetted, aber i de 20er gits halt no soviel anders, wo priorität hät....
aber so entscheidet jede sälber über sis läbe! für die eint stimmts, nach churzer zyt hürate, für die andere nach 10 jahr! es muess jede für sich sälber wüsse und e garantie uf läbenslangs zämesii hät meh weder nach 2 no nach 10 jahr....
|
Dee am 23.03.2010
Re: wir sind nicht mehr Gast an einer Hochzeit....
also das häsch jetzt schön gseit! jedem so, wies stimmt! die einte wänd ebä go reise, anderi karriere mache, wieder anderi chind und chegel ha.
bi mir isch es so, dass ich sit ich chan dänke, wett hürate. wo ich min schatz vor foif jahr känneglehrt han, bin ich 21 gsi. Do han ich scho zwei zwei-jährigi Beziehige hinder mir gha, inkl. mit dene beidne zäme wohne. mit mim gg bin ich nach knapp eme jahr zämezüglet und mir reded sit mir zäme sind vom hürate und chind ha. jetzt stimmts für eus total, wenn mers gäld gha hetted, hetted mer viellicht au scho vorher ghürate. bin froh dass mers jetzt mached, es stimmt alles rundume, d gfühl sind super und das isch ja s wichtigste!
die Krönung unserer Liebe am 4.6.2010 und 2.10.2010
|
|
|
1 2 3
|
Anmelden
