Hallo Dee
Also ich würde dir/euch einen Tafelmajor unbedingt empfehlen! Es braucht jemand, der verantwortlich ist, dass alles rund läuft. Dass am Abend alles koordiniert ist, oder allenfalls etwas auf Reserve im Plan ist, damit es sicher ein lustiges Hochzeits, und nicht ein langweiliges Trauerfest wird... ;-) Ihr seid einfach entspannter, wenn ihr an diesem Tag nur noch geniessen könnt!
Bei uns übernimmt der Bruder meines Freundes die Aufgabe vom Tafelmajor. Er ist gleichzeitig auch Trauzeuge, ist aber einverstanden mit diesem Doppel-Job. Und dann ist ja auch noch meine Schwester als Trauzeugin.
@speedy, du hast das schön gesagt. Sie ist da, um alles zu schleppen und allzeit bereit zu halten! :-)

Wir haben den Ablauf vom ganzen Tag mit dem Tafelmajor besprochen. Aber was am Abend läuft, das bleibt sein Geheimnis. Und wir haben vollstes Vertrauen zu ihm, dass es ein wunderbares Fest wird!





*** wir können es kaum erwarten bis der 26.06.2010 da ist... ***

• Zitieren

*hochschups*

hallo, ich möchte diese frage noch einmal aufleben lassen. wir werden unsere zwei trauzeugen haben - und denken irgendwie, dass da nicht noch zusätzlich ein tätschmeister erfoderlich ist.
ihre jeweiligen schätzelis werden sicherlich auch noch kleine helferlis sein. somit sind sie eigentlich schon zu viert. und falls die beiden ein paar aufgaben abgeben wollen, haben wir genügend geschwister, die gerne etwas übernehmen.

an alle frisch verheirateten und diejenigen, die in kürze heiraten: wie habt ihr das bezüglich dieser ämtlis so geregelt und erlebt? wie war's bei euch? was würdet ihr empfehlen oder allenfalls anders machen?

danke für eure meinungen.

verliebt 9-5-99 verlobt 29-12-09 heiraten 3-6-11

• Zitieren

@elchalten: auso üses hochziit isch ja vor drüh wuche gsih. drum mini sicht als bereits verhürateti *wow das tönd guet *:

sälbstverständlich hend mer au zwe tauzüge gha und äbe de tätschmäischter (tafelmajor). wommer ide vorberäitige gsih sind, sind immer alli drüh bzw. noh mini schwö (sie isch die rächti hand vom tätschmäischter gsih, dah sie am mäischte lüüt kennt hed) debih gsih, wemmer üs für frage, koordination troffe hend. dä wo denn aber d`verantwortig für alles gha hed isch äbe de tätschmäischter gsih.

ich finde das ganz en wichtige punkt: äine hed d`verantwortig und darf au de anderne hälferlis säge, wenn öppis mues gmacht wärde. auso äigendlich wie im normale arbetsalltag: äine gid de ton ah und süscht funktionierts äifach nid.

d`trauzüge hend im tätschmäischter ide vorberäitige det gholfe, wo är sie drum bätte hed. denn am grosse tag sind d`trauzüge immer bi üs gsih und hend s`jöbli gha, z`trinke bringe bim apero, nastüechli zur hand ha, gschänkli entgägenäh, püderle, mit ufs wc choh usw. halt die zwüschemönschliche sache.

ja und de tätschmäischter hed d`fäde bezüglich fotoshooting bim apero, allgemeini pünkt bezüglich ablauf (wer - was - wo - wenn), darbietige, koordination mit em catering, absprach mit em pianischt am obig, luege dass d`musigalag lauft wenn d`bar eröffnet worde isch, bis am schluss bliibe zum schlüsse, am morge wider det sih wenn de saal mues abgäh wärde usw. mit ihm zäme hemmer au de tagesablauf im detail (sind rund 4 A4 siite) gmacht.

mis fazit: ja ich findes sehr wichtig, das mer en tätschmäischtr hed und das NID d`trauzüge sind. bi üs hed alles würkli so perfekt passed und de tätschmäischter hed e supi job gmacht. är chah delegiere, koordiniere und s`gfühl wo mer sponti chlih chah vor und nache gäh. wenn mer denn nämli allzu stuur nach plan gahd, nimmt das im tag wie de schwung wäg. überlegged üch auso guet, wer das jöbli macht - ich bih de asicht, wenn es hochziit e gwüssti dimension hed und s`bruutpaar sich en rote fade wünscht, isch d`wahl vom tätschmäischter en wichtige erfolgsfaktor wo vill zum glinge vom fäscht bistüüred.

hoffe ha üch mit dene inputs chönne es paar idee mit ufe wäg gäh.

vill vergnüege ide wiitere planig!

ps: und ja wie das d`zorrolino säit, es isch en häide büetz. das hed mer üse tätschmäischter im nachinäin au bestätiged, wone gfragt ha wievill das är investiert hed. sie hend üs äbe en riese überraschig vorberäitet und är hed das alles igfädled.

• Zitieren

Hallo Happyday

ich bi grundsätlich dinere meinig.. aber irgendwie weiss ich eifach nid so recht wie ich mini ''Wunsch'' Tätschmeisterin söll froge..

wie isches bi eu gsi? het er eu durfagsproche oder hend ihr eifach grofget ob er euen Tag mithilft plane?

lg und danke

• Zitieren

nicht registriert

bei uns ist die Trauzeuginn auch Tätschmeisterin, sie hat das sagen und den Trauzeugen und ihr freund müend säckle......
Lg Franziska
26. Juni 2010

• Zitieren

Hallo Happyday

Danke viel mol für d'Info.. Ich probiers eifach danke.

• Zitieren