| Aus Trouzügin ou Tafelmajor??? |
|
|
1 2
|
|
Maxi nicht registriert am 01.04.2010
Re: Aus Trouzügin ou Tafelmajor???
Hoi zäme
Merci vüu mou für öichi Antworte.
Ig ha jetz nomou sGschpräch gsuecht mit dr Brut und zersch het si natürlech scho wider gmeint, ig wöu de ou nid dVorbrut si, sondern nume eifach bim Standesamt ungerschribe, wüu si jo ums verrecke fingt, das e seperate Tafumajor eifach doof isch. Nach ändlose Diskussione hei mer de gloubs e gmeinsame Nenner gfunge. Si cha mer zwar immer noni konkret säge, was si sech eigentlech vorstöut, aber si het mer versicheret, dass das ganze Unterhautigszüg würnkli nid gross söu usfaue, si eifach so ei/zwöi Beschäftigunge wot und drum machis jetz ou. Mir hei üs de (zu mim Glück) ou chönne druf einige, dass mir das genau mitenand abspräche, wüui süsch eifach chli Angscht hät, dass ihre das gar nid so zueseit, was ig resp. mir planet hei, wüu mer ebe wie scho mou erwähnt, würkli totau unterschidlechi Vorstöuige und Gschmäker hei...
Wie gseit, merci nomou für öichi Biträg. Bir eigentleche Frog ischs äuä tatsächlech so, dass es nüt git, wos nid git und jede wou ou chli sini eigeti Uffassig het. Seeletaenzli du hesch rächt, cha me jo eigentlech ou niemerem verüble chli abnormau zsi, wird de bi mir äuä mou nid angersch si, aber si het mir würkli immer jedes Wort im Mu umdräit woni gseit ha, das macht das ganze klärende gschpröchle e chlei schwirig. Bi aber trotzdäm dr Meinig, dass sis es birebitzeli übertribt, aber wenns nid grad um besagtes Thema geit, ischs jo irgedwie no härzig
I däm Fau wünschi aune e schöni Hochzit und es schöns Fescht!
Grüessli Maxi
|
|
|
|
Belle85 nicht registriert am 19.04.2010
Re: Aus Trouzügin ou Tafelmajor???
Hallo Maxi, du kannst dich ja jetzt freuen dass wir doch noch einen Tätschmeister angagiert haben.  lg Belle
Zuletzt bearbeitet am 19.04.2010
|
Carmile  am 19.04.2010
Re: Aus Trouzügin ou Tafelmajor???
@maxi: obwohl din bitrag scho wieder es bitz her isch, so findi isch er doch no relevant. will, es zeigt mol di ander site uf, nöd die vode i blueme bouquet denkende brüt wo bi kircheglocke kläng scho fast tränä ide auge hend :-)
1. generell würdi sägä, jo, jede wo no nie ghürotet het chan sichs absolut nöd vorstelle wie me stundelang chan a details umefile und warum me hyppergi wird wenns nur no 2.5 monet goht bis zur hochzit. denn jede "normal" mensch findt knapp 3 monet sind jo no sooviel zit. drum i glaub wenn mes selber nie erlebt het, denn isch es schwer zum nofühle.
2. die typische ämtliverteilige bringets nöd würkli, jedes päärli hät do sini eignige rolle und vorstellige.
3. was mengisch sicher au es bitz es problem isch, isch dperspektive. e trauzügin findt noch me tag bastle, dass sie jetzt uu viel tue heb und es schliesslich jo jedem selber überlasse isch wie ufwändig es hochzit isch (wobi das natürlich vode unerfahrene chunt wo denket i 50h heb me doch es hochzit planet:-)) und als brut isch en tag plane rein gar nix.
4. ämtliverteilig. gad am afang vode planig hani kein plan gha wer denn was söll plane und organisiere. i han mer müäh geh zum mol jedem ämtli geh, mer het aber schlichtwegs derfahrig gfehlt. di best trauzügin isch me wohl, wenn me so guet wie möglich a ort und stell isch wenns was zhelfe git und rel. offe isch und sich nöd zfest a ursprünglich erklärti rolle festklammert. denn es änderet sich vo zit zu zit sowieso.
5. ich find au, dass mer sött luege dass dhelferlis rolle hend wo ihne behagt. ansonste halt no me helfer däzuezieh und ufgobe ufteile, erfordert denn däfür wieder me koordination. grundsätzlich isch es aber so wie bi jedem job. au für trauzüge fallet wohl oder übel ufgobe a wo ihne weniger spass machet, für e würkli gueti fründin würdi persönlich aber au die in kauf neh.
villicht bringt jo de bitrag all dene öppis wo no am afang vode planig stönd und no luter frogezeiche am rosa himmel gsend, oder all dene wo ebe verdonnert worde sind zum helfe :-) und ab de undütliche ufträg und lune vo üs brüt froget. hehe
|
|
|
1 2
|
Anmelden
