| Bändeli und Bluemeschmuck für Hochzeitsauto und Auto der Gäste |
|
|
1
|
muuus  am 13.02.2008
Bändeli und Bluemeschmuck für Hochzeitsauto und Auto der Gäste
Machet dir Bändeli für a Auto und für Gäst ou sälber? Wie gsehts us mit Bluemeschmuck für Hochzytsauto... was gäbedr für das us? und was heiter so für Vorstellige... bi da gad chli am schwümme...und dankbar für mängi gueti Idee... 
|
|
|
cannella am 14.02.2008
Re: Bändeli und Bluemeschmuck für Hochzeitsauto und Auto der Gäste
Salutti muuus
Da üsi Gäscht ihres Auto ganz am Afang genau uf e Parkplatz stellid und de bis sie hei gönd nümme müend alänge machid mier nüd settigs. Mier wärdid au ekeis "Hochziits-Auto" ha will mier alles z Fuess chönd mache und nur zum am morge vo dihei zum Coiffeur und Kosmetikerin fahre machich aso kei Autoschmuck.
Falls aber d Gäscht s Auto bruucht hättid, de hättid mier sicher so Bändeli gmacht, chamer ja guet sälber mache und choschtet au ned alli Wält.
Bim Hochziitsautoschmuck chunnts druf ah, was iehr hend. Wennt en Limo oder so mietisch isch e chlini Deko meischtens debii, wennt sälber es Auto organisiert hesch würi öppis chlises mache. Aber soviel ich weiss, sind die Autodekos no rächt tüür... Viellicht chönnt meh da ja au sälber Hand alegge, wer seid, dass es unbedingt müend Blueme sii??? (Isch jetzt schlau vo mier und eifach gseid, ha aber au ned grad en zündendi Idee....)
Villicht nützt dier mis "gschnorr" glich chli öppis ;-)
Es Grüessli
Cannella
|
madmadi  am 14.02.2008
Re: Bändeli und Bluemeschmuck für Hochzeitsauto und Auto der Gäste
Mir händ die Sach mit de Schleife för d Privatautos de Trouzüge i Uftrag gä. Das chöne jo wörkli ganz eifachi Satin-Bändeli si, wo mer ade Antenne oder ade Ussespiegel amacht.
För öises Auto (mer wösse ou nonig, met was mer fahre) hani no kei konkreti Idee gha. Uf E-Bay ond Ricardo wärde aber emmer öppe so Bouquets verchauft. Velecht wär das jo öppis... Send de halt kei ächti Blueme, aber deför gönschtiger ond gönd ned kaputt.
madmadi
Ich hürote mi Schatz am 8. August 2008!
|
|
jovia nicht registriert am 14.02.2008
Re: Bändeli und Bluemeschmuck für Hochzeitsauto und Auto der Gäste
Hi zäme
Für d'Autos bi eysne Gäst "mümmer" neyd mache weil's die nid bruchid. Bi eysem Hochziitsfahrzüüg wird durch d'Floristin über Küehlerhuube so zwei dicki weyssi Bänder abracht und a de beide Rückspiegel je es chleyses Strüüsli vo dene Blueme wo mier ai susch als Deko hend  . Eys gfallid die weysse Bänder weil mier ganz es schwarzes Aito hend  .
Wenn ier es Bouquet ufs Auto tüend müend ier denn eifach luege wie iers amachid, dass es hebt aber denn doch ai wieder guet entfärnbar isch. Fragid doch mal bi eychere Floristin nache.
Liäbs Grüässli
Jovia
29.02.08 & 19.07.08
|
sara_lya am 14.02.2008
Re: Bändeli und Bluemeschmuck für Hochzeitsauto und Auto der Gäste
Hoi zäme
Mir maches eso, dass üser Trouzüge im ne Brief a die gladne Gäst tüe schriebe, dass bitte alli ihres Auto selber söue schmücke.. so isch jedes Auto individuell u kostet für üs nüt... 
Wie mir's mache mit em Schmuck für "üses" Auto, das gäbe mir üsne Trouzüge i Uftrag.. da mir ja o nid wüsse, mit was mir de wohäre fahre...
 [/url]
|
|
Dina nicht registriert am 29.03.2008
Re: Bändeli und Bluemeschmuck für Hochzeitsauto und Auto der Gäste
Hallo Muuus
Mer händ d bändeli scho selber kauft und mache sie parat. Eusi trauzüge gänd die dänn de gladene Gäst ab wo es auto drbie händ. D Gäst müend sie selber as auto mache.
Bi Auto weiss ichs nit, meistens wenn mer es auto mietet isch dr bluemeschmuck scho inbegriffen.
Liebs Grüessli Dina
Wir heiraten am 23.8.08
|
Yasi  am 29.03.2008
Re: Bändeli und Bluemeschmuck für Hochzeitsauto und Auto der Gäste
Hoi Muuus
Also mir händ ois no gar nonig mitm Bluemeschmuck fürs Auto vo ois oder de Gäst befasst. Aber ich chan dir säge, wies mini Schwö gmacht hät. all Gäst händ en Brief becho, dass sie s'Auto sälber sölled schmücke. bsunders originell natürlich. s'Bruutpaar hät denn all Autos aaglueget und eis als Sieger uusgwählt. die Person oder Familie hät denn es Nachtesse bim Bruutpaar gwunne. das isch no cool gsi. vor allem häts würkli sehr bsunderi Sache debii gha und überhaupt nöd nume Blueme.
lg Yasi
|
V8lover am 29.03.2008
Re: Bändeli und Bluemeschmuck für Hochzeitsauto und Auto der Gäste
Hi
Also wir waren vor 2 wochen bei unsere Floristin und haben den Brautstrauss und Blumen für's Auto bestellt. Vorne auf der Motorhaube grossen Strauss und hinten irgendwas kleines ein paar Schleifen an den Spiegeln und für mich ein Stecker. und wir haben den Preis auf insgesamt 400,- Frank festgesetzt. Freuen uns total drauf
Lieben Gruss Krijn
|
nordliecht am 30.03.2008
Re: Bändeli und Bluemeschmuck für Hochzeitsauto und Auto der Gäste
mier mechits gleych wie d'jovia. cremfarbenibänder und zwei chleyni ministreyssli bi de seytespiegel. alles anderi chostet es vermegä
das mit de bändeli fir die gladene gäst lend mier la sey. mier sind knappi feyf minuite mit de aito unterwägs. da lend mier das.
griässli
nordliecht
miär freyid eys uif de 6. septämber 2008 :-)
|
|
|
1
|
Anmelden
