hallo zäme

ig bi grad wider mau so gli am budgetiere.....

mini frag was heit dir für d:
- einladungskarten
- tischchärtli
- astecker
- menukarte
so grächnet???

so für ahautspünkt wäri froh
merci

es grüessli
aschera

sit am 10.10.08 zivilisch verhüratet, jetzt fröie mir üs ufs wisse am 25.07.09

• Zitieren

hi, du!

han dir ja unter "flitterwuche" scho knapp g antwortet... aber detailiert:

da ich ja alles selber mache:

bruche ca. 200 einzelni karte (für einladung, anmeldung, musikwunschbogen, aperogästeeinladung, menükarten, kirchenprogramm) bruche total öpe 400karte. han drum 200 grossi wiissi doppelkarte mit couverts kauft (bruche ja nöd für alles es couvert bzw. z.t. chömed ja 2 oder 3 charte pro couvert) 10 stk. sind 5.50 bi manor und coop = Fr. 110.-
porto für alli chärtli ca. 100fr.

dänn rächnich je 2 druckerpatrone (schwarz und farbig) sind ca. 150fr.

fürd automäscheli kaufi eifach wiissi bänder. han mir jetzt mal paar biispiel zämebaschtlet und entscheide jetzt dänn weles. bruche ca. 50cm Band pro auto mal 20 = 10 meter
das sind 4 rolle à fr. 6.50 = 26.00fr.

tischdeko hani ja uf öpe 300 fr. grächnet (minus blueme s.u. sinds na 210fr.)

und blueme 1000 fr.

total deko: +/- 1600 fr.

was ich au na zu de deko zähle isch d kärtli-box us plexiglas, wo mir fürd kärtli vo de gäscht uufstelled, die choschtet fr. 70 und wird mit bändeli verziehrt (bruuche 6 meter) sind au namal 15 fr.

d dankeschärtli mach ich übrigens au selber. d föteli lahni für -.15 fr. pro bild bi ifolor drucke und d chärtli chostet pro stk wieder 0.55 Rp. , text schribi vo hand, findi persönlicher + Porto -.85 pro kärtli = 1.55 fr. pro kärtli, das isch dänn je nachdem wievill eus gratuliered

han ich dir chöne bitzli helfe? fallsd im fall gueti idee-büecher suechsch, ich chan dir paar gueti titel ageh!

grüessli trulla

• Zitieren

hallo zäme

@trulla: i bi beiidruckt vo dire detaillierte beschribig! d idee vor plexiglasbox für d kärtli erloub i mir vilech z stähle ;-)

mir wärde üsi iiladigskärtli mit photoshop gstalte und denn la drucke, mit zuesätzl. transparänter iilag für die gladene gäst. hei üs no nid entschiede, wo mir s drucke, die priisleche (und qualitative...) unterschiede si riisig... möcht aber nid meh als 1.- pro kärtli inkl. couvert usgäh...
ds dankeskärtli möcht i o la drucke, eifach mit eim guete fötteli vo üs; bi ifolor cha me o postkarte la mache (bi äbe chli e postkarte-freak :-)...

aastecker wärde mir whs. mit farbig usdruckte härz-fötteli, wo mir laminiere, gstalte. ha no ke gnaue priis usgrächnet (stimmt scho, d druckerpatrone muess me ja o rächne...)

für d blueme rächnen i momentan 500-700.-, chunnt aber no chli druf a, was mir itz würklech für blueme wei...

als tischkärtli bastle mir steimannli, das kostet üs nume dr lack zum d steine spraye und dr heissliim zum se zämekläbe.

i findes u schwirig, realistischi budget-aanahme z träffe für alli pünkt (apero, ässe, wii, ...) u bi drum immer froh, z gseh, was anderi so rächne.

grüessli und e schöne tag,
meitli

• Zitieren