hey zeme

han denkt i mös eu jetzt doch no brichte vom hütige tag. de depot hät neu sthema hochzit und däzue drü tisch voller deko. gfindet er au unter http://www.depot-online.com/shop.php/sid...75646098/pgNr/0

da min schatz hüt ganz im hochzitsfieber gsi isch, hani denkt, das müänd mer gad nütze:-) zerst sind mer üs god sache in sg aluege, hend üs denn aber für konstanz entschiede (wills döt nur 2/3 vom schwizer pris gsi isch umgrechnet plus no mwst etc. abzüg). yep und jetzt hend mer di halb hochzitsdeko zemekauft. :-) und das isch nöd übertribe mit nur scho 60 gläsis fürd kerze :-), sie hend e stund brucht zum üs alles ipacke, hends üs mit em wage zum auto brocht und dchefin hät sogar no es kärtli kurz gschribe mit alles guete zur hochzit.

i mach eu denn mol es foti, es passt jetzt alles zeme. dkerzli mit de tübli, pro tisch en bilderrahme mit me tiffanys style foti..und uf was mi bsundrigs freu, mer machet mit wisse lampion mit hübsche löchlis drin en sternehimmel oberhalb vode tanzflächi. däzue sontig grüäne buchsbäumli kugle und herzli wo vode decke abehanget.

falls öppert noch mir hürotet, also noch em 10. juli und au interesse a dene hübsche dekosache hett, bitte melde. was sölli denn mit soviel zügs? es füllt mer 4 kartonkiste über pris etc. chönt me denn rede. sus stellis denn irgendwenn uf ebay oder verkaufs a di neue brüt vom 2011 wiiter. de schneller isch de gschwinder.

wie gseit, fotos folget no, oder ebe ufde link obe go. chan eu de depot/interio momentan empfehle, aber anshinend seg alles sehr schnell usverkauft. zügs wo mer in sg gseh hend, häts in dütschland scho nümm geh und es isch sit 4 tag usgstellt.

ps. und was bsundrigs witzig gsi isch. dYasi vom forum do wo i bisher nie live gseh han, isch zu mer hicho, wägs mi vode hochitspage erkennt hät und het mer somit in konstanz im depot no chli ghulfe mitberote was mer söllet neh. Thanks Yasi ;-)))

liebe gruess

• Zitieren

Hey Carmile

Händer also de halb Depot ufkauft hüt. Isch cool gsi, hämmer ois hüt gseh. Han Di nöd wele überrumple gell. bisch sicher voll erstuunt gsi, dass Dich do eifach eini aaspricht.

Denn händer etz Gläsli mit de Tüübli gno demfall. die grüene Herzli etz au? oder ned? Jo gell de Depot hät jede Früehlig meeega vill Hochzigssache. Isch echt cool.

Du, oii Chärtli sind jo mega herzig! Volllllll Tiffany-Style! Sehr liebevoll gmacht. Mini Kolleginne händ gseit, dasmer oi voll agseh hät, dass ihr im Hochzyytsfieber sind.

Aber gell, hüt isch extrem vill los gsi in Konstanz. Das ihr überhaupt en Parkplatz gfunde händ?! mir sind bald wieder zrugg. die andere händ no was los gha. i go de lieber einisch go richtig shoppe, wenns weniger Lüüt het. Aber isch etz scho cool mitm tüüfe €.

Also, na en schöne Obet und bis villicht wieder einisch in Konstanz.

glg Yasi

• Zitieren

jetzt hani grad muesse lache, wohni dini gschicht gläse ha! da bini aber uf dini föteli gspannt.... zumindescht ufdä webpage vo depot gseht ja scho seeeehr schön us!!!


http://hochzeitscountdown.com/signatur/4...75c7d.png[/img]

• Zitieren

nicht registriert

bin au scho gspannt uf dini fotenä ;)

• Zitieren

de depot esch eine vo minne stamm läde. au söscht wenns om t wohnigs deko goht. ;)

sälbschtverständlech han ech det au t hochzits tesch deco kauft gha ond zwar ändi johr, wos so vell violetti sache gäh hed. aber jetzt au im früehlig heds no vell lila ond violett gha :) ganz üsem thema entsprächend. :)

fende das eine vo de beste läde, ech liebe deco. ^^
hani doh au scho 1-2 lüt wiiter empfohle gha för hochzitsdeco :)...

wo ech ben go deco poste im depot, beni secher 4 mol met volle händ zom auto gloffe zom ihlade!


mer hürotet am 26.06.2010 - i 3 kantön! ;)

• Zitieren

Hey zusammen

So, doch noch geschafft. Anbei unsere neu gekaufte Deko. Die runden Tische werden wir mit den kleinen und höheren Tauben-Kerzengläsern dekorieren. Pro Tisch gibt es einen Bilderrahmen mit einem Foto von uns in s/w oder von einem bekannten Paar, mal schauen. So als Tischbenennung, welche dann in Form von spielen wieder aufgegriffen wird. Zudem gibt es pro Tisch 4 Menükarten (rechts vom Bilderrahmen) und je einen 80cm hohen silbernen Kerzenständer, welchen wir ausleihen werden. Zusätzlich haben wir noch auf jedem Tisch ein weisses Steinherz, weil uns diese einfach so gut gefallen haben. Zudem gibt es pro Platz ein Tiffanys Böxli mit Bonbons gefüllt.

Auf unserem Tisch haben wir noch die speziellen Namenskärtlihalter plus die zwei Herzen mit den weissen Blümchen, welche wir über unsere Stühle hängen (evtl. auch in der Kirche).

Die Moneybox wird beim Apero stehen plus beim Abendessen auf den freien Tischen.

Die Kerze im Glas ist unsere Trauukerze, bei welcher wir das Glas noch mit Schleifchen verzieren werden.

Oberhalb der Tanzfläche werden wir selbst (yep, aufwändig:-9) die Lampions anbringen (2 Grössen, insgesamt knapp 10 Stück), die Buchsbaumkugel herunterhängen lassen an weissen Schleifen und dasselbe noch mit den grünen Herzen (beides wird in der Kirche davor verwendet, indem wir die Buchsbäumchen und Herzen an Schleifen von unseren hoffentlich umsetzbaren Blumenkonstruktionen hängen lassen. Die Idee wäre die Bankreihen mit rosafarbenen/cremefarbenen Rosenkugeln auf Ständern zu säumen).

Yep, das wärs. Ist eine ganz schön grosse Menge an Material. Und wie gesagt, wer Interesse an Kauf von einzelnen Sachen hat, einfach anfragen. Sry, die Bildqualität ist nicht der Hit, musste stark verkleinern.

Grüessli

• Zitieren