| Namenskärtli |
|
|
1
|
|
bruut2009 nicht registriert am 21.01.2008
Namenskärtli
hallo zäme
mached ihr für eui gladne gest namenskärtli und / oder en astecker
(e wissi rose oder so?)
mier hend nur 50 gäste und die meiste känned sich, nöd alli aber d frag isch, ob namenskärtlich wichtig sind oder nöd?!? oder ehner en astecker das mer die gladne gäste chan erkenne unter de restlichen apero gest....
merci jetzt scho für eui antworte....
|
|
|
madmadi  am 21.01.2008
Re: Namenskärtli
Hi, mer mache ganz schlichti "Nämeli" - es Härzli us grüenem Charte-Papier (s gliche, wie mer för d Iladige bruche) usstanze, es crèmfarbigs ganz chlises Härzli usstanze (au Papier vo de Iladige) und mit 3D-Chläberli uf's grüene drufchläbe, de Name ufs grüene schribe und mit Speziallim prepariere, dass es a de Chleider hebt (dä Lim grift de Stoff ned a und isch problemlos ablösbar - git's neu im Bastellade) - fertig.
Be öis het's aber rächt veu Lüt, wo sech ned kenne und mer sind total doch öppe 65 Nase.
Es esch öis aber ou ned sooo wichtig, dass mer irgendwie exklusivi Nämeli händ welle mache, sondern dere zum nachhär wägschmeisse oder velecht höchschtens no is Album chläbe.
Do druf, dass mer d Apéro- vo de anderne Gäscht cha unterscheide, legge mer gar kei Wärt, das chonnt eifach mit de Nämeli. Aber wenn der uf die verzichte, wörd ich jetzt ou kei Astecker mache. Lieber es chlises Gäschtegschänkli zum mit heinä (chlises Confi- oder Honiggläsli, Cherzli oder so Züg).
Nur, schlussändlech entscheided ehr...
|
|
jovia nicht registriert am 21.01.2008
Re: Namenskärtli
Hi
ich persönlich finde namenschärtli / astecker für die gladnige gäst scho nu wichtig, vorallem da sich vieli nid kennid. es isch eifach agnähmer wemmer de name vo de person mit dere wo me sich grad unterhaltet kännt. stell dier vor me redt mit epperem, stellt sich mit name vor und 1 stund spöter weiss mes eifach nimme weil me so vill neui leyt kenneglehrnt hed - das fänd ich scho schad.
bastle ai ganz eifachi astecker mit dickerem weysse und grüene papier. schneyde die in drüegg, chläbe sie versetzt ufenand, schreybe de name druhf, chläbe e sicherheitsnadle oder es chlämmerli dra und das wars...
|
madmadi am 22.01.2008
Re: Namenskärtli
 Hi Jovia, cool, ehr hend ou grüen/wiss? Chond ächt schön, gäll?
Nur wäge de Sicherheitsnödeli en Hiwis: d Nodle chönnte ev. so fiesi Löchli i di schöne Chleider mache (bzw. Fasere verletze), drom wördi ehner Chlämmerli oder denn ebe so en Spezialchläber empfähle.
Be öis esch es äbe scho ou wichtig, dass d Lüt agschrebe send, wel sech vel ned kenne. Es erliechteret ou de Istig ines Gspröch, wemmer scho mol weiss, wie's Gägenüber heisst.
|
|
|
1
|
Anmelden
