| Brautjungfern |
|
|
1
|
Muus2  am 17.07.2009
Brautjungfern
Hoi zäme
Mol e chli e anderi Frog.
Het öper vo euch Brutjungfere am Hochziit?
I fend da total schöön, i 3 Fründinne die Ufgab geh und mich vom morge her begleite und mitfiebere! Aber leider mached das gar nüm vell.. händ ehr scho mal dra dänkt?
Liebe Gruess
|
|
|
Fira am 17.07.2009
Re: Brautjungfern
Hallo Muus
I han ei Kollegin debi gha wo mier ghofe het alegge, s`timing ihalte, d`Nerve beruhige ....uvm.
prinzipiell find is e gueti Idee.... muesch eifach luege, nöd dass er eui nöd gegesitig nervös mached  ...das wär schad... aber e helfendi Hand chan mer immer bruche. 
Es Grüessli
Fira
|
sunny80  am 18.07.2009
Re: Brautjungfern
Mini Trouzügin wird die Sache übernäh, si wird vom ufstoh a meh oder weniger a minere Site si und mi dür dä Tag begleite.
I bi letscht Johr ihre "Schatte" gsi...
Grüessli
Sunny
|
silver83  am 18.07.2009
Re: Brautjungfern
mini trauzügin und ich sind au dä ganz morgä scho zämä, mier gön zum glichä friseur und au di glich kosmetikerin, sie chund den gad in couffeurladä, so chan di eint gschminkt wärdä und in derä zyt kriegt die ander ä schöni frisur
allegä tüen mier üs beidi hälfä, will mier beidi korsagechleider wönn.
so hen mier das scho bi ihrer hochzit gmacht und es hät supper klappet
Sid am 13.02.2009 verhürotet und am 02.10.2010 isch üserä grossi tag
|
Krispy  am 18.07.2009
Re: Brautjungfern
Bi mir macht das ou d Trouzügin, aber ech wet glich mini Schwöschter, mim Verlobte sini Schwöschter ond mim Schwoger sini Fröndin als Brutjongfre. Ech fänds schön wenn die z.B i de gliiche Farb agleit wäre, metere Farb wo zo mim Brutchleid passt. Fend das eifach no es schöns Böud wenn mer vode Fameli so ne Farblechi Einheit send!
|
|
Liara nicht registriert am 29.07.2009
Re: Brautjungfern
Hallo Muus2
Ich han 3 Brutjungfere und zwar us dem Grund, will mir 4 besti Fründinne sind und ich mich scho fast nid han chöne entscheide wer d Trauzügin söll sie. Drum sind sie alli drü mini Brutjungfere und mini Trauzügin duet organisatorisch viellicht na chlie meh hälfe. Aber schlafe düend alli 3 bi mir d Nacht vorem Hochziet. Mir gönd am Morge dänn au zvierte in d Schminkbar und lönd eus frisiere und schminke. Sie händ au alli s gliche Kleid, gseht wahnsinnig schön us!!!! 
Mir hüratet am 7.8.09 Zivil und am 8.8.09 Kirchlich
|
Sposina am 29.07.2009
Re: Brautjungfern
Hallo Liara
(ich ha de Name gändert, han mall Muus2 gheisse) 
Mir gats ebe genau glich.. ha mi aber emmer noni entschede wer ich als Trauzügin sell neh.
Schöön das alli s gliche Chleid ahänd.. weiss ned eb ich mini cha öberrede, die eint esch sehr chli, die ander es bezzli fest.. weiss ned eb allne s gliche stoot. Hesch denn du d Chleider zahlt oder händs das sälber?
|
|
Liara nicht registriert am 29.07.2009
Re: Brautjungfern
Bi eus isch das genau glich!!!! Die einti isch extrem schlang Grössi 34 und rächt chlie. Die zweiti isch au eher chlie und isch sehr sportlich und hätt eher breiti Schultere Grössi 38. Und die dritti isch sehr gross und hätt breiti Hüft Grössi 38 und isch obe aber sehr fin Grössi 34. Also ich säge dir das isch en Ufgab gsih es Kleid wo allne gfallt und au no allne sitzt zfinde... 
Mir sind in x Läde gsih und jedem hätt öbis anders gfalle. Schlussendlich sind mir zu Samyra Fashion Zürich und händ es Kleid schnidere loh. Es isch um d Bruscht ume eng gschnitte mit Bändeli wo in de mitti vom Bruschtteil befestigt sind und den wie es V hindere gönd. Underem Bruschtteil wirds dän wiet und isch ganz luftig, weisch wie die Babydoll Oberteil
D Farb han ich dörfe uswähle und will bi eus alles gelb isch, au Bluemedeko, han ich es Sunneblueme gelb usgläse. Gseht würklich mega schön us!!
Mini Fründinne händ d Kleider sälber welle zalle, will gwüsst händ wie sehr ich mir das wünsche und sie händ mir das welle schänke.
Mir hüratet am 7.8.09 Zivil und am 8.8.09 Kirchlich
|
|
Inessa nicht registriert am 29.07.2009
Re: Brautjungfern
ich finds nicht so toll - erstens ist es voll ami-mässig und ich bin gar nicht so der USA-fan, zweitens habe ich eher männl. freunde. ich mag da eher die europäischen bräuche (ausser brautstrausswerfen - das fand ich toll!  )
kann mir aber gut vorstellen dass es bei einer mädchenclique wo alle wirkl. gut auskommen noch ganz witzig ist.
*Wir haben uns am 30. Mai 2009 das Ja-Wort geben dürfen*
*Meine Beiträge beziehen sich jeweils auf meine eigenen Ansichten & sind nicht bösartig gemeint (ausser ich schreibe das direkt ;-) *
|
silver83 am 29.07.2009
Re: Brautjungfern
mier sind au 4 wieber wos super hen zämä, aber ich han das nid wöllä. es isch mol zur diskusion gstandä, öb ich alli 3 wöll neh, aber ich will dä tag mit minärä "userwähltä" voll und ganz gnüssä. ich denkä das es nu no meh stress wer, wen 4 frauä zum friseur und zum schmickä müessten. alli immer schön uf dä föteli usgseh und richtig luegä und zitig parat si...
mier machen eifach no es paar gruppäfotne nu vu üs 4.
Sid am 13.02.2009 verhürotet und am 02.10.2010 isch üserä grossi tag
|
|
|
1
|
Anmelden
