| benötige euren rat.... |
|
|
1 2
|
aschera  am 29.10.2008
benötige euren rat....
hallo zäme
ig bi geschter spontan ime brutmodegschäft gsi u ha es sehr schöns chleid gseh...
es isch mir knapp nid gange. (has nid ganz zuebracht). d verchöiferine/ schniderin het mir du gseit das sigi gar keis problem, da chönnme es stück hinde isetze.... ig cha mir das eifach nid so würklich vorstelle dasme das de oh würklich nid gseht.
z chleid 08 modäll isch vo fr. 2600.- uf fr. 900.- oso knapp 35% abegsetzt wüll si zgschäft wärde uflöse (nur d brutmode d angere chleider bhautesi ouso d schnidere u so si gwährleischtet).
nun mini frag, was würdet dir mache?
isch das würklich möglich dasmes nid gseht?
nume es chleid choufe wülls würklich nüm tür isch aber när wüescht im rügge wetti ja ou nid!
merci für euri rat!
es grüessli
aschera
|
|
|
claudia25  am 29.10.2008
Re: benötige euren rat....
Hallo aschera
finds super für 900.- muesch der eifach bewusst sie (je nach Lade) das fürs Umnähe sicher au no en rächte batze ane leisch....Würd aber mal no go luege öbs ime andere Lade i dinre grössi bechunsch...übrigens wennd angscht häsch das mers gshet, chasch ja mal frage öbs au schnüerige ine machet....ich find das gseht au immerno ganz schön us....
Aber schlussendlich mues dir s'chleid gfalle und du muesch dich wohl drinne fühle
Viel spass bi de vorbereitige
Claudia
mer hürotet am 11.7.2009
|
meitli am 29.10.2008
Re: benötige euren rat....
hallo aschera, i finde das o e SUPER priis, sogar second hand si d kleider meistens tüürer und die muesch ja o ändere... anderersitts, äbe, dass es nid passt... i würd mir genau la erkläre, wie si das wei mache. wenns z.b. hinde gschnüert isch, isches sicher eifacher z verstecke...
weisch ds modäll, vilech findsch es ja würklech second hand?
darf i frage, i welem gschäft du bisch gsi? vilech hei si ja "mis" kleid o? wär zu schön, für wahr z si...
grüessli,
meitli
JA - wir wollen! - und freuen uns riesig auf den 10. Oktober 2009
|
aschera am 30.10.2008
Re: benötige euren rat....
hoi claudia25
danke für dini antwort....
ja das ha ig mir ou überleit no i anderi gschäft ga zluege, bi würklich per zuefall i das gschäft glofe...
das mit em schnüere isch e sehr gueti idee! ga mi no mau guet ga informiere wie sie das so dänke... es isch würkli es sehr schöns chleid.... aber äbe... kommt zeit kommt rat....
es liebs grüessli u ou viel spass bi de vorbereitige
aschera
|
aschera am 30.10.2008
Re: benötige euren rat....
hallo meitli
oh eues datum isch ja genial, mir hei ou am 10.10. ghürate aber 08 (zivil)
leider hanimer nid gmerkt wie das modäll heisst dass isch e so e spontani sach gsi woni mit minere kollegin bi ga shope.
danke ou dir füre tip mit der schnüerig im rügge, gani hüt grad ga abklähre!
d adrässe:
Boutique
Aimée Modes SA
exkl. Tages-, Abend- u. Brautmode; Braut- u. Tagesmode Emch Marlies u. Patricia
Schmiedengasse 13
4500 Solothurn
Telefon: 032 622 80 60
si hei würklich nüm viel brutkleider aber vilech isch genau das wo du suechsch ja no derbi...
viel glück
es grüessli
aschera
|
Nepi  am 30.10.2008
Re: benötige euren rat....
Hallo Aschera
Ischäs denn DAS Kleid gsi für Dich? Wenn nö, würd i no witers luägä... klar, dä Pris isch würklich top, aber äs git so viel schöni Kleider. Ich z.B. han mich im ganzä 3 x umentschiedä bis zum Hochzyt. Denn aber s perfekti Kleid gfundä ka.
|
Sommerliebe am 30.10.2008
Re: benötige euren rat....
also mis chleid isch au abegsetzt gsi und ich han druf prozent übercho. es isch mer im rugge VIEL z'chli und sie machet mir e schnüerig dri. isch keis problem und gseht schön us. usserdem chani jetzt bis zur aprob no soviel abneh wien ich will, denn mit de schnüerig isch das keis problem.
wenn nöd viel gfählt hett im rugge, denn nimmsch das villicht no ab? häsch no ziit?
also wenn's dis traumchleid isch - go for it!
|
meitli am 30.10.2008
Re: benötige euren rat....
Hallo Aschera
Merci viumau für d Info! Tja, bi z spät, mis Kleid hetts nümm, jä nu. Langsam aber sicher fründen i mi mit däm höche Betrag a - schliesslech isches nume einisch im Läbe... I luege drfür, dass i Schleier etc. second hand cha bstelle oder vilech sogar uslehne.
Hesch di scho entschiede, was du machsch wäg dim kleid?
Grüessli,
Meitli
JA - wir wollen! - und freuen uns riesig auf den 10. Oktober 2009
|
aschera am 31.10.2008
Re: benötige euren rat....
@nepi
nei es isch nid DAS chleid für mi gsi... aber ig mues säge es isch schwiriger genau DAS chleid zfinge als ig mir das vorgstellt ha....!
@sommerliebe
das mit der schnüerig isch e super idee, weni de wider ga ga luege für mis chleid chanimer das jetzt vorstelle....
@meitli
gärn gscheh! 
schad hei si dis chleid nümm gha.... ig für mi wett äbe nid knapp 3000.- usgäh "nur" fürs chleid... ouso hoffi weni genau DAS chleid finde dases nid grad söfu choschtet....
wieviel gisch de du für dis chleid us? wo bisch ga luege?
es grüessli
aschera
|
Muggi  am 31.10.2008
Re: benötige euren rat....
Sali Aschera
Gosch no i das chez nicole? I gang negst fritig is wicky bruutmode!
grüessli
Hürote mi Schatz am 12.09.09 :)
|
|
|
1 2
|
Anmelden
