so e stress! ja, i wär o frustriert! vor allem wil si dir hei gseit, es chöm im juni...

i finde, ds gschäft müesst dir genauer chönne säge wenn das chleid aachunnt und wie viel zit si no für aapassige bruuche. was isch de das fürne lade??

ds einzige, won i di vilich chli cha tröste, isch das ds kleid vore fründin vo mir ersch 1 wuche vorem hochzit isch iitroffe und alles isch guet cho. begriffes aber guet, wenn du langsam kribblig wirsch... sicher fröisch du di o uf genau das kleid und hesch nid vil lust, nomal uf d suechi z gah

immerhin hätte im momänt einigi gschäft usverkauf - die kleider wäre denn scho vor ort und müesste nume no aapasst wärde. mitem einzige nachteil, dass d uswahl rächt iigschränkt isch.

i hoffe fest für di, dass dis kleid gli chunnt und du di ohni kleiderstress chasch ufs hochzit fröie!!

grüessli, meitli

• Zitieren

nicht registriert

Hallo

Ui ech wär au kribbelig a dere Stell. Ech be scho kribbelig gsi wo ech afig 2 Wochen vorem Hochzig ha chönne s'Kleid anleggen zom ome- ond inäh. I dem Lade möches das amigs ned früeher, do vell Brüüt no abnänd oder zuenänd ond de mösst mer weder ändere. I 5 Täg hed d'Schneiderin das gmacht gha ond ech has chli meh als 1 Woche vorem Hochzig chönne heinäh.

Ech dänke scho dass dis Kleid no chond, immerhin sends no 1.5 Monate, mis esch ou ned früehner cho. Aber ha au Angst gha, esch jo begreiflich. Me hed jo de ned no förig Ziit sis "neue" Traumkleid z'finde, wenn deses ned chond.

Ech wörd i dem Brautlade chli Dampf mache ond dene en Brief schriibe. Eingeschrieben! ond verlangen, dass sie de Liefertermin näher abklärid bzw im Hersteller chli Dampf möchid. Hesch s'Kleid scho zahlt? Söscht ebe wie scho gschrebe en Nachfrist setze. Was för en Marke Kleid hesch? Söscht chasch jo bem Hersteller mol nochefragen. Glaub ech wörd das machen wenn's Brautgeschäft ned reagiert.

Also mech donkts es guets Brautgeschäft sett sech die Mühe näh ond bem Lieferant de Termin genauer abkläre. Scho komisch.... Was för en Lade eschs?

Grüess, dröcke der Duume dasses glii chont!
Pluto


* Wir haben am 26. Juli 2008 geheiratet *

• Zitieren

nicht registriert

Merci vielmol für Euri Antworte.

Stellt mi grad chli uf, obwohl s Chleid au jetzt nonig do isch...

ig ha ebe au dängt, dass i ihne e Nachfrist würd setze. Will ig fings eifach ä Frächheit, wenn sie säget im Juni chunnts. s Bescht isch no, dass mir gseit hän, das isch jo denn perfekt, denn cha mi Schatz ä Stück vom Stoff näh und weiss denn öbe Farb vom Hemli usw. Dass es denn au passt. Das isch notürlich jetzt au is Wasser gfalle.

Jänu, ig gang jetzt diä Wuche mol verbi und wird Dampf abloh. Ig däng eifach persönlich isch besser als am Telefon. Denn gseht me au wiä sie reagiere. Am Tel. isch das immer sone Sach.

Wenn sie wenschon würde retour lüte...aber das chasch dört(Cinderella Münchestei BL) grad vergässe. Jedesmol heisst d Chefin isch nid do und sie muess es abkläre. Am Afang ha ig dängt, jo das cha jo si, aber nach em 3. Mol isch es scho chli komisch....

Ig gib Eu denn Bscheid, wenn is denn ha....(denn d Hoffnig stirbt zlescht...)

• Zitieren

nicht registriert

Hallo Sidi

Was hesch jetzt unternoh wägem Kleid? Besch verbi ond hesch Dampf abgloh?

Esch scho komisch wenn d'Chefi nie öberchonsch. Hoffe die hend ned vergässe dis Kleid zu bestellen oder hends zu spät bestellt ond dönd dorom so komisch.

LG
Pluto


* Wir haben am 26. Juli 2008 geheiratet *

• Zitieren