| Frustiert wegen Hochzeitskleid |
|
|
1 2
|
|
sidi nicht registriert am 16.09.2008
Re: Frustiert wegen Hochzeitskleid
Hallo Zämme
ha Euch no uf e neuschte Stand wölle bringe...also leider ha ig s Chleid nonid.
ig bi am Samschtig vorere Wuche mit minere Trauzügin is Gschäft go luege...
Sie hän mir denn erklärt, dass s Chleid no unterwägs isch. hän mir eigentlich denn am Mäntig druff wölle telefonisch ä Code vo dr Post duregäh, damit ig s cha verfolge, wos Chleid grad isch....aber wiä ig mir au dängt ha, isch das Telefon au denn nid cho. Sie hei mir nur gseit, es chömi uf jedefall...Fründlich si sie gsi, aber das nützt mir au nüt, wenn ig s Chleid nid ha...
jetzt wart ig bis am 18. und denn wird ig ä igschriebene Brief schigge....und au no alütet. will denn muess öbis go.
leider keini guete Neuigkeite, aber i bi immer no voller Hoffnig, dass es klappt....bis jetzt het alles andere klappt.......
liebi Griessli Sidi
|
|
|
Nadine123  am 16.09.2008
Re: Frustiert wegen Hochzeitskleid
Nei, dass chas jo jetzt echt nöd sie. Sie söllid dir dä Code vu dä Post geh. Da isch jo jetzt echt kei Problem. Usert sie wönd öppis verberge, dass es z.B. no nöd unterwegs isch, wells es verpatzt händ. I wör jetzt scho en Einschreiben schicke! Dene chasch jo jetzt echt nöd traue.
I wünsch dir uf jedefall viel Glück, dass Sie worheit gseid händ und Kleid würkli uf äm Weg isch.
|
|
Pluto nicht registriert am 19.09.2008
Re: Frustiert wegen Hochzeitskleid
Also irgendöbbis esch doch do faul! Mach sofort Dampf - das god doch eifach ned!
Dröcke der Daumen dass es guet usechond, söscht ged de das en cheibe Stress.
* Wir haben am 26. Juli 2008 geheiratet *
Editiert 19.09.08
|
madmadi am 25.09.2008
Re: Frustiert wegen Hochzeitskleid
Sidi, wie gseht's mittlerwile us? Isch jo weder en Woche vergange und dis Hochzit rückt nöcher und nöcher... *daumendrück*
Grüessli
madmadi
Sit em 8. August 2008 glücklichi Ehefrau!
|
|
sidi nicht registriert am 02.10.2008
Re: Frustiert wegen Hochzeitskleid
Hallo Zäme
zerschtmol Merci fürs mitfiebere...
also halleluja...s Chleid chunnt am Mäntig is Gschäft. und am Zischtig chan igs go aprobiere...
Das sin denn genau 1.5 Wuche vor dr Hochzit...eigentlich scho dr Hammer. Aber egal! Hauptsach es isch jetzt do...Vermuetlich het mi igschriebene Brief wo ig gschickt ha glich chli gnützt.
I bi mega happy, dass es doch no klappt het. wär jetzt am Samschtig mit minere Trauzügin nomol uf Chleidschau gange und hätt denn halt eis gmietet. Aber ebe, alles das muess ig jetzt nid mache...YESSSSS!!!!
ig schrieb denn wenn igs definitiv ha!!!
Liebi Griessli Sidi
|
Nepi  am 02.10.2008
Re: Frustiert wegen Hochzeitskleid
Däfür muäsch Dir kei Sorgä machä, dass Dir s Kleid noch äm Änderä nö passt, weil in derä kurzä Zyt nüm so viel passierä wird 
|
surri am 03.10.2008
Re: Frustiert wegen Hochzeitskleid
Sali Sidi
Das isch jo jetzt endlich Zit worde. Bi Froh das es für di no klappt het und i hoff es goht alles guet bim Apasse. I würd luege das no e Entschädigung bechunnsch für dini mueh. Liebs Grüssli und e wunderschöni Hochzit bi gspannt uf di Bricht. Surri
Mir traue üs am 19.12.08 & 22.08.09
|
surri am 08.10.2008
Re: Frustiert wegen Hochzeitskleid
Sali Sidi
Jetzt gohts jo nümmi lang oder? Endi Wuche isch es doch bi Dir so wit! I dr Hoffnig das alles Ok isch wünsch i Dir e wunderschöne Tag, wo Du chasch gniesse nach däm Derbi mit dim Chleid. Wirdsch sicher e wunderschöni Brut si und es wird sicher eine vo de schönschte Dääg i dim Läbe si.
Liebs Grüssli Surri
Mir traue üs am 19.12.08 & 22.08.09
|
|
sidi nicht registriert am 14.10.2008
Re: Frustiert wegen Hochzeitskleid
Hallo Zämme
Sorry, dass ig Euch jetzt erscht schrieb, aber ig bi chli im Stress
ig gang ebe nach dr Hochzit grad 4 Wuche furt und ha jetzt notürlich alles no müesse erledige im Gschäft usw.
Also sit am Samschtig ha ig jetzt mi Hochzitschleid dähei. Ig ha letscht Wuche zweimol chönne verbi go zum go aprobiere...d Schniderin het mich sehr überzügt. es isch wirklich traumhaft worde...ig ha no chli Rabatt becho...ig bi froh, isch jetzt doch alles guet usecho, aber ig würds halt glich nüm dört go hole....und witerempfehle wür igs au nid...cha das doch niemerem atue..
Sit am Fritig bin ig jetzt au verhürotet. Mir hei d Zivilhochzit ka. Isch mega schön gsi. Am Morge si ig und mini Trauzügin zum Coiffeur. denn si mir hei. und hei öis parat gmacht...hei notürlich(wiä immer...isch bi öis normal) wieder chli stress ka, dass mir denn pünktlich hei chönne abfahre...aber es het alles glängt. Nach dr Trauig si mir denn dört usecho und öis het fascht dr Schlag troffe. Es si sau viel Lüt duss gsi und es het es Apero gä....isch mega härzig gsi und mir hei mit däm nid grächnet. Nachdäm simer denn witer zum Nachtässe. isch au sehr gmüetlich gsi...eifach nur d Family...Mir hei gseit, so chas witergo und hoffe notürlich, dass es am Samschtig au so schön wird...uii, bin ig ufgregt....
Liebi Griessli Sidi
|
|
|
1 2
|
Anmelden
