Hoi Mitenand,
geschter han ich zum erschte mal dörfe mini Bruutfrisur usprobierä wo ich im Heftli gseh han.

Es isch es wunderbars Gfühl,wäämer sich so schön Frisiert und gschminkt im Spiegel gseht¨
Ich bin soooo glücklich das ich das dörf Erlebä und freu mich uf s'wiiterä üebä vo minerä Frisur!

Händ ihär au scho agfange mit üebä?

Liebi Grüess
Kitty

Zivil am 27.5.2010 Kirchlich am 29.5.2010

Zuletzt bearbeitet am 27.10.2009

• Zitieren

Ui, jetzt scho Brutfrisur üebe? Ich hoff doch sehr, dass mini Hoor bis im nöchschte April no chli wachsed! Drum wär ich jetz gar nonig uf d Idee cho. Ich ha eifach agfange, au für die normale Sache nur no zu däre Coiffeuse z go wo mir denn au d Brutfrisur macht, damit sie mini Hoor chli kenne lernt. Aber eigentlich hesch rächt, bi de meischte Frisure wird das halbe Johr jetz au nüm sone riesige Unterschied mache. Naja, ich wart trotzdäm no mit usprobiere. Aber schön, dass du sones tolls Erläbnis gha hesch.

Liebe Gruess
Speedy

• Zitieren

Also, i gang jetzt eifach au zur gliche Coifeuse und dötte chasch noch ca. 2d nochem Haareschnide amel gratis go Harreufestecke lo. Da tuen i jetzt denn bis zur Hochzit rege nutze und Föteli mache und schlussentli weiss i denn genau wiän is wett und chas ere denn au so erkläre.... Find da voll genial... Aber weisch, sie macht da ebe au uuuuu gern...

• Zitieren

Hey beauty

Schöön.. dasch sicher au en spezielle Moment, hesch denn dis Chleid scho?
Aber esch denn das ned chli zfrüeh? Mini Coiffeuse het gseit, mer set d Probefrisur ned früehner als e Monet vor de Hochziit mache, damit sie denn ned alles vergesst..

Grüessli

• Zitieren

@Sposina: I gang ebe zunere Kollegin... und sie het gseit, i sell doch eifach mol unverbindlich verbi cho und mir chöne 1,2 Frisure usprobiere. Damit ich au weiss, was für Hoorschmuck ich cha chaufe :-)) de isch jo nid grad günschtig, drum will ich eigentlich nid öppis chaufe, wo nachhär gar nid zu dr Frisur passt.
i gang denn aber nöchscht Joor im Mai oder Juni sicher no einisch zu ihre, zum die definitivi Frisur "z'üebe"... au mitem Hoorschmuck woni denn a dr Hochzyt wird träge.
Also isch dä früehi Termin meh chli es usprobiere... :-) und ich freu mi jo soooo!!!

liebi Grüessli, beauty

----------*** 3. Juli 2010 ***----------

• Zitieren

Händ ehr es Glück.. das isch wörkli e grosse Vorteil! Schösch wörs chli tüür cho. I ha e Kollegin wo Visagistin isch und cha vo det provitiere und sie weiss scho winis wot

• Zitieren