| huch so früeh... |
|
|
1
|
aschera  am 04.09.2008
huch so früeh...
allo zäme
i bi geschter zerschmau is forum chli cho läse..... hami de ou grad agmäldet
we ig die brichte lise erchlüpfi chli, drum mini frag: mir hürate ändi juli 09 isches scho zempfähle z chleid ga uszläse??? termine füre coiffeur u kosmetig zreserviere?
es schöns tägli
liebi grüessli
aschera
|
|
|
surri am 04.09.2008
Re: huch so früeh...
Sali Du
I ha am Afang au denkt i bruche doch nit so früh goh luege wäge eme Chleid, aber d' Vorfreud isch so gross gsi!
Wo i den s' erstmol bi goh luege, hämmer d' Verkäuferine gsei das es zwische 4- 8 Mönet goht wenn i es Chleid wott kaufe resp. in minere Grössi muend sies bstelle. Isch immer vo Model und Hersteller abhängig.
I ha mi jetzt aber entschiede es Chleid z' Miete und bis gestert goh def. reserviere.
Ich denk wenn jetzt luegsch hesch dr Vorteil das Usverkauf isch in verschiedene Brutläde, so ca. bis mitti November.( isch vo Lade zu Lade verschiede; s' Merys het jetzt usverkauf)
Also i denk bisch uf kei Fall z' Spot aber au nit z' früh. Muesch sälber entscheide.
Schöns Tägli
Surri
Mir traue üs am 19.12.08 & 22.08.09
|
|
Manuela24 nicht registriert am 04.09.2008
Re: huch so früeh...
Hoi aschera
Wegem Kleid, wie d'Surri erwähnt hät, chunts druf ah, ob sies bstelle müend oder nöd. Ich bin au in Usverkauf gange und det händs vo jedem Modell genau 1 Kleid gha und sie passet denn das uf dini Gröss ah. D.h. in dem Fall muesch nöd x Monät warte, bis sies lieferet. Aber pressiere muesch sicher nöd.
Wegem Coiffeur / Kosmetik chunts druf ah, wo du das mache lah wetsch. Wenns du vo enem all-inklusive Spezialist wetsch mache lah, muesch Gas gäh. Die chömet denn amigs zu dir hei um alles z'mache und sind Profis im Bezug uf Hochziete. So 1 Jahr im Vorus reserviert mer det normalerwies. Aber wenn du zu dim eigene Coiffeur oder so gahsch, chasch au guet erst 2-3 Monat vorher reserviere. Chunt halt immer druf ah, wie früeh du dä Probetermin wetsch. Ich gange z.B. bereits im Februar zum Probetermin. Denn ha ich no gnueg Ziet für en 2. Termin, falls mir s'Resultat vo dä 1. Prob nöd gfalle söt.
Viel Spass bim Vorbereite!
Lg
Manuela
Mir trauet üs am 29.05.09 & 06.06.09
|
aschera am 06.09.2008
Re: huch so früeh...
hallo zäme
merci vielmau für öii zile.... ig gseh i bi ganz guet i der zyt... smile.... hät würkli nie dänkt dasme so früeh darf:-)) ga luege.
oh je mi arm schatz, immer weni chli im forum bi cho läse hani hochtzyts- fieber
ig fröiemi total!
es liebs grüessli
aschera
|
|
|
1
|
Anmelden
