| Probefrisur |
|
|
1
|
Tina  am 25.02.2009
Probefrisur
Hallo zusammen
Wir heiraten im Juni, nun bin ich am überlegen, ob ich anfangs März mal beim Coiffeur vorbeigehen soll, wegen der Frisur für den grossen Tag oder ob das doch zu früh ist.
Wann macht ihr das?
Danke
Grüessli
|
|
|
fraztaz  am 25.02.2009
Re: Probefrisur
tschou tina
i glaub nid das das z'früe isch. i wet mini haare nochli wachsä laa, drum warti gad no, han aber o nochli mee ziit.
viellicht passts ja bim erschtä mau probierä nid gad. de bisch froh, wenn nochli spazig häsch.
Am 05.09.09 isch es sowiet!
|
maju am 25.02.2009
Re: Probefrisur
hoi Tina
ouso we du z kleid hesch, chasch eigetlich o ga probefrisur stecke! aus was gmacht isch isch gmacht!
i ga zwar o ersch im April so cha i grad no schnide u Strähndli mache, aber dr eigetlich grund isch o das i no kei Schleier ha................ i söt no eine ga poschte  u ohni dä chame kei Probefrisur stecke 
mir hürate am 02.05.2009
|
pearl am 25.02.2009
Re: Probefrisur
Hallo Tina,
mer hürotid am 02.Mai ond ech ha min Termin met de Coiffeuse för d Probefrisur am 11.Aprel.
Sie hed gmeint, denn vergesst sie secher nüd ond es esch denn no presänt för am grosse Tag.
Muess dezue aber säge, dass ech d Coiffeuse sehr guet kenne ond s secher kei Problem werde gäh (zB. das es mer ned gfallt)
Aber mach doch dä Termin ab, fende au we d Maju: Erledigt esch erledigt!
Liebe Gruess pearl
|
madmadi  am 25.02.2009
Re: Probefrisur
Ich ha mini Probefrisur au ersch öppe drü Woche vor em Hochzit lo mache (uf Arote vo de Coiffeuse). Het problemlos glängt, aber wenn dini Frisöse iverstande esch, wössti ned, was degäge spricht, jetzt scho mol en Frisur lo z mache.
Grüessli
madmadi
Sit em 8. August 2008 glücklichi Ehefrau!
|
|
Manuela24 nicht registriert am 25.02.2009
Re: Probefrisur
Hoi zämme
Also ich hürate ja erst im Juni und ha min Probetermin bereits letzte Samschtig gha. Mir händ dä Termin so früeh agsetzt, falls es mir überhaupt nöd gfallt, dass mer nomal en Termin im April oder so chönet mache. Aber ich bin grad uf Ahieb z'friede gsi und sie hät sich jetzt alles notiert und Föteli gmacht. Vo dem her söt nüt vergesse gah.
Lg, Manuela
Zivil am 29.05.09, kirchlich am 06.06.09 :-)
|
|
|
1
|
Anmelden
