Verschiedene Themen › Brautkleider, Make-Up, Frisuren & Ringe › Wicky Brautmode

Wicky Brautmode

1 2 3 4 5

surri

am 23.10.2008

Re: Wicky Brautmode

Sali Muggi

I bi 2 mol bim Wicky gsi und s'erstmol isch super gsi. ( Frau Rita Koch) bim 2 mol ischs voll scheisse gsi. I ha e vorstellig gha und di Verkauferin het mir unbedingt es anderes Chleid wo dürer gsi isch welle verkaufe und mir gar nit gfalle het welle verkaufe. I bi frustiert us em Lade und nümmi goh luege. ha jetzt mis gmietet.
Zahlt hät i wäge de Übergrössi statt 1300.- no 25% meh also ca. 1500 ohni Änderige. isch aber immer no billiger gsi als i eme andere Lade für's gliche Chleid!

Also i würds dir au empfehle. Sie hei e riesigi Uswahl und du Chasch au grad alli Acsessoir dört poste. Viel Vergnüge

Surri

Mir traue üs am 19.12.08 & 22.08.09

Zitieren

Taneli

am 24.10.2008

Re: Wicky Brautmode

Hoi Muggi

Ich ben höt spontan met mim Mami zum Wicky uf Beromünster. Hend eigentlech nor mol welle chli go luege und useme guete Duzent chläider wo i aprobiert han, han i denn MIS absolute Traumchläid gfunde.

D'Berotig esch bi mer super guet gsi und han mech extrem wohl gfühlt.

Ich han schluss entlich för mis Chläid, de Schleier, d'Schueh, de Hoorschmuck und s'Diadem 2'500 Franke zahlt und finde de Priis au absolut grächt fertigt. In 4 Woche chan i denn noch em omenä zur 2. Aprob. Fröi mi jetzt scho druf! =o)

Liebe Grüessli
Tanja

Mer traued üs am 08.05.2009 & 09.05.2009

Zitieren

susanna

am 25.10.2008

Re: Wicky Brautmode

Hoi zäme

Also i ha jetzt drfür 2 Bruutchleider will i mi ha la überschnöre bim wicky, aber MIS chleid doch amene andere ort gfunde gha han.

Beratig isch wohl super, aber irgendwie bin is gfüehl nid los wore, dass es nid uf mini Wünsch glost worde isch. I han mi den völlig verunsicheret gfühlt und doch la vollschnöre. Guet i ha vilicht dr fähler gmacht, dass i alleige gange bi. S'isch eifach scho so, dass nur diä wenigschte chleider würkli 50% abegsetzt sind. Alli andere sind nur 10%. i wür nümme i sonen "grosse" go, liäber imene chlinere derfür isch es denn auch persönlicher und mer het nid 10 anderi brüüt wo eim astarred wen mr am probiere isch. Das isch irgendwie so laufmeterabfertigung......

Na ja, i ha den doch mis traumchleid (was i eigenlti scho zerscht ha welle, mir aber zerscht ztüür gsi isch) amene andere ort chauft. Bi öberglüklich mit dem. Leider nimmt aber de wicky au keis chleid meh zrug und das muesch bim chauf grad schriftlich unterzeichne. Sie lagerets au nid für di, also muesch es grad heineh und voll zahle. Na ja, jetzt sitz i ufemene vörige nigelnagelneue bruutchleid, dass dihei hanget...... Ah ja, d'änderige muesch de no zuesätzlich zahle (je nach änderig ab 200.-) , also find i ds nid würkli günschtiger bim wicky.

MIS traumchleid hanget jetzt im bruutgeschäft und derte wirds sorgfältig ufbewahrt bis i hürate. i chans aber jederziit go aprobiere wenn i das möcht ;) Bi dem chleid sind d'änderige und de unterock scho im priis inbegriffe, drum gits kei bösi überraschige.

Liebe Grüsse,
Susanna

*Wir heiraten kirchlich am 05.09.2009*

Zitieren

husi

am 27.10.2008

Re: Wicky Brautmode

Hallo zäme

Ich war am vergangenen Freitag bei Wicky und habe dort mein Kleid gekauft. Auch ich habe vorgängig einen Termin abgemacht, damit ich nicht auf eine Verkäuferin warten konnte. Die Verkäuferin war freundlich, allerdings nach einem langen Arbeitstag nicht mehr so ganz frisch...

Im Moment ist noch Ausverkauf, und sie haben deshalb nicht mehr alle Kleider in allen Grössen, was je nach dem problematisch sein kann. Die Preise finde ich ok, ich habe nun ein Kleid für Fr. 1'300.00 gefunden (10% Rabatt). Zudem auf allen Accesoires nochmals mind. 10%.

Wichtig finde ich vor allem, dass man sich vorgängig informiert und sich Gedanken macht, was für ein Kleid das man resp. frau will (Bsp. mit Schleppe oder ohne, Schulternfrei oder mit Träger, eher elegant oder sportlich etc.). Dies erleichtet die Auswahl ennorm.

Viel Spass Euch allen noch beim Brautkleid posten!! Es ist ein super Erlebnis!

Zitieren

Muggi

am 27.10.2008

Re: Wicky Brautmode

Sali Husi
I ha am 7.nov min Termin
Weisch grad zuefällig ob no grösseri grössene händ so ab 42? 1`300.- findi voll ok

grüessli
Hürote mi Schatz am 12.09.09 :)