hey zeme

mer hend bi jedem poste eigentlich gluegt dass mer immerno chli günstiger cho sind mit verhandle oder gschickt plane (z.B. all blueme vom kircheschmuck werdet wieder am obet verwendet, üsi musiker chönd au orgel spiele und chämet grad de ganz tag).

insgesamt muesi aber sägä dass mer eigentlich bi jedem poste - egal ob schmuck, esse, kleid oder kärlis - immer e recht türi variante schlussendlich gha hend, eifach will die üs immer am beste gfallet hät und mer nöd hend wölle druff verzichte ;-)

zudem hani gmerkt dass grad so budgettechnisch verlockendi agebot wie kollege ispanne zum musik spiele etc. etc. denn teils recht hinte use chönd. irgendwenn hend mer gseit, so, denn lönd mer halt alles professionell mache, hend däfür rueh, wüsset dass mer üs nümm mönd drum kümmere, aber das hät natürli sin pris.

i bin generell für prisabwägig etc., wenn de aber de ufwand soviel grösser isch, denki mer au, dass i i dere zit chönt go schaffe und würd me verdiene und nerve bruche chan mer au monetär ummünze :-) isch halt es opportunitätskosterechne. will mer also knappi zit und höchi vorstellige gha hend, hend mer nienets gross gspart. das hät mi zwor mengisch gnervt, aber denn han mer au wieder gseit. jähnu, es isch jetzt so, es isch üses hochzit, eimalig und däno chönd mer wieder en gang zruggstufe. zudem hani jo vode fotos, em schmuck etc. au nochher no öppis, denn reuts mi au nöd so.

somit chani nöd gross konkreti tipps geh. nur dass es sich lohnt ebe zb. musiker de ganz tag izstelle, blueme so zplane dass mes mehrmols chan isetze etc.

grüessli

• Zitieren

Salü zäme

Ich cha mi de Carmile aaschlüsse und säge, mir macheds gliich. Mir händ meischtens au e tüüreri Variante gwählt, wil mir üs xeit händ, dass mirs üs Wert sind. Ja, mr chönt au mit dem Geld id Ferie goh, aber machsch das au würkli? Mir möchtet eifach uf nüt verzichte.
Teilwiis hämmer aber günstigi Variantene gwählt, wil mir genau die Variante wönd und nüt anders. Mir werdet, falls sWetter au zueloht, verusse ufere Wise inere Waldliechtig hürote. DWaldhütte selber bruuche mr nur fürs WC! DMiete choscht 200.- Es isch aber extrem idyllisch
Am Obe hämmer wölle durefiire bis am nächschte morge und händ en Vorschlag vo üsem Catering übercho es Schützehuus zmiete. Das choscht au 250.-
Bi de Blueme hämmer di gliich Idee ka wie dCarmile. Mir werdet au dBlueme füre Obe verwende, wo mir am Trauort händ. Teilwiis e biz anders gstalte, aber eifach zum verändere. Mit e chli Idee chamer sehr vil uusehole :)

Wichtig isch zwüsse, was ihr gnau wönd und lönd eu vo niemrem drischnorre. So chönd ihr dehinder stoh i jedere Situation und mönd kei schlechts Gwüsse ha

##Zivil am 10 Juni 2010 -- Trauung am 10 Juli 2010##

• Zitieren

hi ladies

au bi eus isch es so, dass mir grundsätzlich euses budget händ, aber da und det halt eifach chli drüber schüssed! mir entscheided eus für das, wo eus gfallt, ob das jetzt die türer oder die günstiger variante isch, isch eus glich, wichtig isch, dass es eus gfallt!

klar hämer offertene vergliche vo restis, aber schlussändlich fiired mir det, wo mir eus am wohlschte fühled und det stimmt s'priis/leistig verhältnis absolut für eus! einzig bim fotograf hani s'budget rächt müesse ahebe, wobi entschiede händ mir eus da immer nonig! au bi de ring bini chli ufe bim budget, wobi ich muess säge, dass mir en ring nöd soviel wert isch, dass ich würd tuusigi vo franke usgäh, mir sind beidi nöd so die ringträger....

ich bin dänn gspannt, wie das bi mim chleid usechunnt, da mir erscht im dezember hüratet, han ich mis chleid nonig usgsuecht! han zwar au det mis budget, chan mer aber guet vorstelle, dass es völlig andersch usechunnt!

au bi de flitterwuche werded mir en guete kompromiss mache! mir gönd vier mönät uf asie und werded mal budget übernachte, mal luxus! eifach en guete mix.....

schlussändlich spielts kei rolle, wieviel oder wie wenig geld meh binere hochzyt usgit! wichtig isch, dass es am bruutpaar entspricht, dass meh kein kredit ufnimmt (dänn lieber no es jahr warte)... solang d'hochzyt zum bruutpaar passt, spielts absolut kei rolle, wie gfiired wird!

• Zitieren

nicht registriert

@ lithina finds schön, dass ihr eu en wunsch tüend erfüllä mitem essä. aber seg mol muesch do ned viel zruck stecke? sigs bim bruchleid? bi dä deko<? azug etc?

@all bin gad bitz am schmunzlä wonni euri biträg glese han. got mo au eso, dass mir eus oft für diä türo veriante entschiedä hend und das schlussendlich mo immer übers buget chunt. ;)

@ carmile wegem schmuck, da stimmt meh chanen wiedo alege, aber wenni gseh was es brutgschäft für en hoorreif verlangt unglaublich ;) i han drum au viel im i-net gstöberäd etc . wiä mit mim bruchleid. hann es gseh gwüsst wills und hans im i-net zum super pris gfundä.. han do doch bitz glück ka.

wanni di han welle frogä, wiä machäd ihr das den mit dä bluemä? organsieräd ihr extra eine wo si abnimmt und frühner id location goth zum sie dekorierä?

lg

• Zitieren