| Finanzen |
|
|
|
1 2
|
Yasi  am 06.01.2008
Finanzen
Hallo zäme!
Hüt bini s'erschte Mol uf dere Homepage. Min Fründ und ich wärded im 2009 hürote. Au wänns bis zum grosse Tag no es Zyytli goht, wettemer scho einiges plane und organisiere.
Ehrlichgseit bini schochli verschrocke, woni so d'Priise für s'Esse, Fotograf oder suschtigs gseh han. Min Fründ studiert no 2 Johr und verdient amel chli öppis während de Semesterferie. Ich han scho en relativ guete Lohn, aber irgendwie dunkt ois das glich alles recht extrem tüür.
Wie mached ihr das?
lg Yasi
|
|
|
topolina79  am 10.01.2008
Re: Finanzen
hallo
wir werden eine kleine hochziit feiern... mit wenig leute so bis 20... wichtig ist, das ihr euch gut informiert und verschiede offerte einholt... so könnt ihr sicher sparen... wir haben unsere fotografin an der messe in sg gefunden.. und werden im aug.08 heiraten.. 
|
Sille am 10.01.2008
Re: Finanzen
dadurch, dass wir zwei eh jeden monat jeder einen bestimmten betrag aufs sparkonto tut, ist es gar nicht so schwierig  100CHF reichen da natürlich nicht...
umso einfacher fällt es, wenn man "dieses Ziel" vor augen hat...
entweder man feiert im kleinen rahmen, schiebt den termin etwas weiter oder spart, wo man nur kann... 
Sille & Andi heiraten am 6. September 2008
www.wirheiraten.ch/SilleundAndi
|
|
jovia nicht registriert am 10.01.2008
Re: Finanzen
Hi Yasi
Ja, eso en Hochzeyt isch scho nu tüür. Es chund aber immer druhf ah wie me sich seyni Hochzeyt vorstellt - wievill Leyt, was für en Location, Chleid miete oder chaufe, eifach oder speziells Apéro, Privatauto oder gmietets Fahrzüüg... es giihd ächt nu vill Sache wo meh denn doch chan spare. D'Iladigscharte und Tischdeko chamer ja zum Biespiel ai sälber bastle.
Z'erst würd ich mier mal überlegge was für es finanziells Budget ier eych vorstellid und denn ufgrund vo dem afeh plane. Oder susch halt nu 2 Jahr warte...
Uf jede Fall nid zvill Sorge drüber mache .
|
meitli am 10.01.2008
Re: Finanzen
hallo yasi!
ja, s isch scho e tüüri aaglägeheit, sones hochzit...
fründe vo üs hei sich anstatt hushalts-gegeständ etc. ds fest la schänke, so het me ufer wunschliste vom brautschuh über 15min fotograf bis zu de marke für d iiladige und dankeskärtli chönne ussueche, was me ihne möcht schänke.
so isch es ihne trotz studium müglech gsi, es grosses fest mit über 100 persone z fiire.
grüessli vom meitli
|
Yasi am 12.01.2008
Re: Finanzen
Danke vill mal für oii Idee. Mir händ jetzt mol alles besproche und wärded erst im Juli 2009 hürate. jetzt händ mir also no recht Zyyt zum spare.
ich glaube, wichtig isch eifach, dass me alles echli im Rahme tuet fiire. Also halt villicht eifach es 3-Gang-Menu anstatt eis mit 5, etc.
Emol e Frog zu de Iiladigskärtli: wie tüür sind die bi oi öppe worde?
|
stupsi am 13.01.2008
Re: Finanzen
Hallo zusammen
Ich bin der Meinung, dass eine Hochzeit nicht soo teuer sein sollte. Natürlich jedem das seine, aber ich finde es einfach schade, für nur einen Tag 20'000.00 oder noch mehr auszugeben. Schliesslich muss man lange und hart dafür arbeiten-sparen.
Wir machen das seit längerem so, dass wir nur vom Lohn meines Freundes leben und meinen Lohn 100% aufs Sparkonto geht.
Das Kleid werde ich evt. aus 2er Hand kaufen oder Mieten. Wie gesagt, es sollte schon der schönste Tag im Leben werden, aber das wird er auch wenn er nicht ein vermögen kostet Hauptsache alle die einem wichtig sind, sind mit dabei oder?
|
Yasi am 13.01.2008
Re: Finanzen
Hoi Stupsi
Ebe, dere Meinig bini au. Ich wett würkli, dases en schöne Tag wird, aber gad ix Monetslöhn sölled au nöd druf goh defür.
Min Verlobte isch ebe im Studium, drum chönd mir das mit eim Lohn nöd mache.
E Kollegin vo mir hät eso ghürote: sie hät ufs Chärtli gschriebe, dass all sölled es Fleisch (Schnitzel, Wurst, etc.) mitneh zum grilliere. Sie hät denn no es paar Lüüt extra gfroget, wo verschiedene Salat und Brot und Desserts gmacht händ. Denn hämmer imene Park grielliert und und so gfiiret. Es hät au kei Tischordnig geh, jede isch eifach ghocket, wo's ihm/ihre passt hät.
Irgendwie hanis no e gueti Idee gfunde. uf die ander Siite sind denn au all echli "zerstroit" gsi. die einte am Buffet, die andere am Grill, am sitze, Platz sueche,....
Wie findet ihr das?
|
stupsi am 13.01.2008
Re: Finanzen
Hoi
Grundsätzlich findi das kei schlechti idee, grad wämmer nöd so viel Geld hät und glich wott s'fest mit allne fiire, dän wüssed das die Gäst au. Ich persönlich würd das jetzt nöd mache..ich denke, s'nachtesse sött möglichst drinn ligge susch isches fasch chli "stier", isch jetzt aber nur mini Meinig
Ich luege dän lieber bim Chleid, dä Azug vom Maa..im Prinzip wür ja da e schöni Hose und es Hemd lange
Ich denke min Schatz chauft sich en Azug im Schild oder so für 600.00 und mis Chleid wetti eigentli au us 2ter Hand günstig öperem abchaufe. Aber wer weiss, viellicht bin ja dän genau ich die wo 2000.00 usgit, glaubi zwar nöd, wili ebe nöd wott zviel usgäh
Was hän dän ihr so grob für es Budget?
|
Yasi am 20.01.2008
Re: Finanzen
Jo gell, irgendwie findi das mitem Esse sälber mitbringe au kei schlächti Idee, aber wänis mir amel gnau überlegge, merki, dasi das eigentli nöd wett a oisem Hochzig.
ich han mir au überleit s'Bruutchleid us 2. Hand z'chaufe. i weiss eifach nöd so, wie das denn goht mit abändere und so. glaub bi mir müessti einiges gmacht wärde. bin nöd gad di grössti.
Hm, wägem Budget hämmer letschti drüber gredt und mir sind so ca. uf 14'000.- cho. irgendwie findi das extrem vill. aber wäni denn emol so grob überschloo, wases alles brucht, bisch schnäll uf 10'000.-.
was händ ihr so füres Budget gsetzt? wänder imene Hotel fiire oder händer es Catering?
|
|
|
1 2
|
Anmelden
