nicht registriert

Hallo muus

bi üs isches so gsi, das bi mir vo afang a klar isch gsi, das mini schwoscht trouzügin wird. bi mim schatz isches chli anders gsi. dä het o 3 kollege wo i diä engeri wahl chöme. itz het är sech nach langem hin u här chönne entscheidä. eine isch us der wahl keit, will mir dänkä das är zum hürate ke bezug het, u bi de andere 2 het är eifach einä gno. äs heisst ja no lang nid, das de däjenig o bereit isch, dä job ds übernäh. u so chamä när immer no der ander frage.

weni aber dini situation so aluägä, isch es würklech nid grad so eifach... vergiss aber nid, dass a däm tag dini schwoscht sicher nid wird im vordergrund stah, sondern dir zwöi als brutpaar... für dini kollegin wo du ersch äs jahr kennsch, wirds villich chli schwirig si, da si di nid so guet kennt wiä diä andere. du chasch ja o 2 beuftrage, wil zum organisiere gits no so vil ztüä, da sis villich froh, wesi chli meh si.

schliässä mi ar aschera a: chaotä si uf all fäll zuäverlässig. bi ehrlechgseit o chli einä... aber uf mi chame immer zellä!

Grüässli Soefeli

• Zitieren

Danke vellmol för euchi Ratschläg!

I has glaub zwenig gnau gschriebe, sie esch en sehr spezielli Person !! Sie wot am liebste 4 (ned öbertrebe) Sache uf einisch mache aber meistens klappts denn doch ned und sie esch oberspontan, also abmache oder Plane meh als 1 Tag vorher gets ned aber sie esch trotzdem en riiiese Schatz! Well weni ehrlich be, beni au chli en Chaot

@aschera: Das esch no en gueti Idee, uf das wär ich jetzt gar ned cho danke! Müessts mer mol öberlegge 2 Trauzüge zneh..

@Soefeli82: Ja da hesch du rächt, sie muess au zersch s Amt wölle öberneh!
I meine mini Schwöster esch emmer a 1. Stell und chont vor de Kollege. Aber das wär au mol e Glägeheit, inere Fründin sones speziells "Amt" öberzgeh..
Da hesch du rächt, imene Johr kennsch du e Person noni so guet, aber bi ehre hanis Gfühl mer kenne eus scho en Ewigkeit und händ sooo vell Gmeinsamkeite, darom hani sie au in Erwägig zoge..

@Tina: Ja das stimmt, mini Schwöster kennt mi wörkli sehr sehr guet! Vellech nehmi denn schlossändlich au sie. I muess mer da uf jede Fall no es paar Gedanke mache..

Grüessli

• Zitieren

ouso ig mues ehrlich säge am zivile letscht okt. hani nur ei trouzüge gha... aber em chirchliche findis no cool zwöi zha de gits für alli nid so viel zdue...

u simer ehrlich iilade würd me si ja glich warum nid no grad chli i die ganzi vorbereitig ibinde?

uf jedefall hei sich miner zwöi sehr gfröit... der eint daser nid alles säuber mues erledige uz andere empfindet das als sehr grossi ehr denn ig kenne si ou ersch öpis übernes jahr...

mir hürate kirchlich am 15. august 2009

• Zitieren

Also bei und war es klar, dass ich meine beste Freundin und er seinen besten Freund als Trauzeugen nehmen wird.
Meine Trauzeugin und ich sind uns so ähnlich, da mach ich mir überhaupt keine Sorgen und ich könnte mir auch niemand anderen an meiner Seite vorstellen wenn ich diesen Schritt mache.
Und auch bei unserem Trauzeugen habe ich ein super Gefühl, ich weiss, dass die beiden alles nach unserer Wünschen machen werden!

Ich denke es ist einfach wichtig, dass das Gefühl stimmt, dass man sich nachher nicht hintersinnt, ob es wohl richtig war und ob alles so läuft wie man es sich vorstellt.

Ich hoffe, dass ihr alle super Trauzeugen hab und findet.

Grüessli

sunny

• Zitieren