| Flittermeilen |
|
|
1
|
Yasi  am 24.03.2008
Flittermeilen
Hallo liebi Brüüt,
do mir scho zäme wohned und oise Huushalt guet iigrichtet isch, wännd mir kei "traditionelli" Wunschliste. I han vo öpperem ghört, dass me am Hochzigspäärli chan Flittermeile schänke. also quasi en Teil vom Weg für id Flitterwuche. Die chosted jo au no recht vill Geld.
Hät öpper vo oi das au gmacht oder kennt öpper, wo das gmacht hät? Würd mi sehr wunderneh, wie das goht und wie das so bide Gäst aachunnt.
lg Yasi
|
|
|
trulla09 am 24.03.2008
Re: Flittermeilen
hallo yasi
hüt isch ja das bi de meischte de fall. mir möched das uf jede fall ähnlich, aber generell fürd flitterwuche. mir werded es extra konto iirichte, wo jede druf chan iiizahle, was er will...
s gits aber au, (bsp. vo kuoni) dass mer es ferie-konto chan iirechte (dänn wird sones spezial-chärtli de gäst verschickt) wo für en bestimmti reis isch. allerdings isch nöd garantiert, dass en allefalls räschtliche betrag uuszahlt wird... nur mit meile, müesstisch mal afröge...
drum möched mir es neutrals konto und entscheidet je nach betrag, wie lang mir id ferie gönd...
kollege vo eus händ es ferie-kässeli ufgstellt: nachteil: s mues jede geld mitbringe (und wenn öper meh will geh, cha das ziemlich vill si...) und z.t. händs dänn nöd gwüsst, wer alles dra zahlt hät (vom Apero)... dänn wirds ziemlich schwer mit dankes-chärtli...
grüessli
trulla
Editiert 24.03.08
|
smil09  am 24.03.2008
Re: Flittermeilen
Mier lönd üs au d'Flitterwuchä finanziere (oder zumindest en Teil dävo). Mier reised individuell drum isch äs ä chli komplizierter. Ich ha dä Pries vom Flug dur d'Flugmeile teilt und bi dänn so uf än Betrag vo grundete 21.- pro 100 Meile cho. Wieviel Meile en Flug hät sött der s'Reisebüro chönä säge. Mier händ üsi Wunschliste im Internet und do cha me jetzt eifach so und soviel 100 Meile à 21.- schenke. Zuedem hemmer ä ungefähri Route mit Hotels zämgestellt wo me alles au cha schenke. Es isch alles sehr detailliert und drum au zitufwändig gsi aber mier händ halt wölle, dass me öppis ganz bestimmt's cha schenke und nöd eifach än Betrag a d'Flitterwuche git. Mit ere Pauschalreis wärs natürlich auf eifacher gsi (aber s'isch halt nöd üsi Art vo reise)
|
Yasi am 06.04.2008
Re: Flittermeilen
Hallo ihr zwei,
danke für oii Tipps. i wetts ebe au chli detailliert mache, so dass d'Lüüt würkli gsehn, wo mir anegönd. will mir aber sicher au e kei Pauschalreis nehmed, wirds chli schwieriger. mir händ zum Glück nochli Zyyt. 
|
|
|
1
|
Anmelden
