saletti mitenand

ich muss jetzt glich mal en thread eröffne weg dem thema. ha nüt gfunde suscht...

mir wetted eigetli gern geld für id ferie, flittis oder familie-ferie...aber cha au si dass mers nid gnau für das bruched, ihr wüssed ja wie das isch. fürs hochzit wirds aber nid brucht.

mir wetted eigetli am liebschte gar nüt erwähne uf de iladige... finds fast chli frech geld z verlange, drum lieber nüt säge, aber ha chli angscht dass es denn eifach so gschänkli git womer nid cha bruche.

und die sprüch findi gar nid toll vo wege hushalt isch scho zäme usw...oder IBAN agä dur de tätschmeischter mit izahligsschiine findi au ganz unpersönlich (hemmer gha)...de ander kolleg hät ghseit sie welled ke gschänk aber wenn mer will chame e batze ge...de het nid vill becho am schluss.

bi chli i de zwickmühli, eigetli isch mers ja glich wer was schenkt, nur wetti ke tusig vasene oder t shirts mit ufdruck woni nid cha bruchä .) uf de andere site wetti am liebschte ebe gar nüt erwähne...

was empfehled ihr ois ?

• Zitieren

hallo littlefoot!

i ha das au ned wele of de iladig erwähne. drum hemmers so gmacht (velecht wer das jo au öpis för euch):

mer hend hende of de iladig gschrebe
Geschenkeliste bei :"name vo mim mami"

de hemmer e lischte gmacht was mer eus wönsche. mer hend au scho alles ond hend eigentli Geld förd fletterwoche welle. de hemmer so Sache ufgschrebe wie:
50.- för es znachtesse am strand
30.- för en Cocktail
100.- för e bootsusflog
etc.

so wis di meischte of de hochzits HP hend (mer hend kenni gha).

aber wenn du ned usdröcklich seisch dass du Geld wetsch, denn wersch so oder so par materielli gschenk becho!
drom eschs am "schönschte" wenn öper anders för dech das chan sege wie zb d eltere oder d tätschmeister (wemd halt die lischte den wetsch ge). ebe oder ehr machet en HP ond det eschs de klar!
aber wie scho erwähnt, du musch demet rechne dass halt gwössi ned gern Geld schenket...

• Zitieren

euse Tätschmeischter schribt an alli gladene Gäscht e Brief mit allne Infos, do mir kei HP hei. Mir wünsche eus au eifach Gäld uf d Hochzit und wei eus nid feschtleggä für was. Drum wird er im Brief schribe, dass mir eus Gäld wünsche und d Gäscht das originell selle verpacke (z.B. alli e Fläsche Wii dekoriere, zumene Motto wo zu eus passt etc.). Was denn genau chunnt, wird e Überraschig si.

• Zitieren