| Hiiiiilfe! |
|
|
1
|
_janedoe  am 29.11.2013
Hiiiiilfe!
Ich weiss, es passt absolut nöd da ine, aber jetzt hani grad en riese Schockmoment gha, woni festgstellt ha, das min GG am Ziischtig Geburtstag hed. Irgendwie isch mier das immer so wiit entfernt vorcho und jetzt bini total überforderet. 
Er hed sich en Rasierer oder en Uhr gwünscht. Beides isch uf minere Ikaufslischte gstande. Inzwüsche hed de gueti Maa sich beides selber kauft  Und jetzt stahni plötzli mit leere Händ da.
Also iher Liebe, ich weiss grad nöd, a wen ich mich sött wende  drum, wenn iher mer Ideeä und Tipps hend sind iher mier (eimal meh) gold wärt!
Liebe Gruess
|
|
|
Pricana  am 30.11.2013
Re: Hiiiiilfe!
ou nei janedoe, du armi 
isch natürlich schwierig zum dich berate wenn mir din gg nöd kenned.. mir schenked eus viel "Erlebnis" Sache, also öppis womer chönd zäme mached. wassi scho gschenkt han isch en nachtschlittleusflug mit Fondue, schlittehunderenne, e hotelübernachtig inere Stadt idä CH oder in Münche oder so öppis. viellicht wär das öppis? gahn suscht mal uf geschenkparadies.ch, viellicht findsch dete na e Inspiration? und suscht chömed bi mim gg elektro-Sache immer guet a, also spieli fürd PS oder so :)
hoff findsch bald öppis passends !!
|
morelia  am 30.11.2013
Re: Hiiiiilfe!
gg het geng fröid a elektrozügs, wi pricana scho gseit het 
z.b. akkuschruber, bohrmaschine, usw...
oder sone elekto-helikopter.
waser nid gärn macht, isch chleider choufä. drum getr geng fröid a nöiä hemmli, hoodies, socke, underhose und so.
|
Aqua1 am 01.12.2013
Re: Hiiiiilfe!
usflug ufs Jungfraujoch
|
nala05  am 01.12.2013
Re: Hiiiiilfe!
was sin de sini hobbys? goht är gärn go jogge? de gäbs z.B. die armbänder vo jawbone wo meh alles tracke ka..
oder duet är gärn koche /grilliere? so es männerkoch/grillbuech?
evtl susch es gadget? git jo soviil z.b. kamera linse für ans smartphone, neui kopfhörer oder luutsprächerböxli für de ipod
mir schänke uns ebe au immr zyt zäme uf e geburi.. usflüg wie in schoggi fabrike (wenn meh schoggi gärn het  ), noime in e speziells restaurant romantisch go znacht ässe, ski wucheänd (evtl. mit iglu übrnachtig) usw..
oder vilicht e neui täsche zum go schaffe (kunnt druf ah waser schafft)?
s git soo viil aber was s richtige isch isch ame so schwer.. hoff du findsches!
|
_janedoe am 02.12.2013
Re: Hiiiiilfe!
Danke viiiillmal für eui Tipps.
Das mit de Weekends und Usflüg hebi mier für Wiehnachte uf... bzw. es isch so, das mier eus kei Wiehnachtsgschenk möched, defür unter em Jahr mind. zwei Weekends öpis speziells mached.
Ich ha ihm jetzt es neus, grosses Chüssi kauft. Sit mier zemewohned, han ich immer es riese Chüssi und er nur sones 65 x 65... aber natürlich chlaut er mier immer miis. Denn hani gfunde, das seg no en schöni Idee. Ich gah de hüt no go Stoff poste und tue ihm en Azug nähe, vo Hand, da ich kei Nähmaschine ha... also es isch denn meh en symbolische Azug als en bruuchbare
|
Lula am 02.12.2013
Re: Hiiiiilfe!
@jane: Finde Dini Idee sehr härzig!!!
Vorauem ou Di säuber u vo Hand gnäiht Azug! I gloubs i hätti dNärve nit. Aber dä cha me sicher bruche, viellech nit perfekt, aber wunderbar persönlich!
|
_janedoe am 04.12.2013
Re: Hiiiiilfe!
Aso min GG hed de en schissfreud gha am Chüssi. Bi de bi daydeal no über s neue Fifa gstolperet und ha das gad au no in Aktion kauft. Chli was für s Männerherz hani denkt. Aber ihn heds gar ned interessiert, nume das Chüssi :D De Azug isch echt meh schlecht als recht glunge, aber er gseht de Gedanke dehinter Voll härzig.
Danke nomal für eui liebe Tipps und s mitdenke
|
Lula am 04.12.2013
Re: Hiiiiilfe!
So schön!! Ma Dir das so gönne!!
|
|
|
1
|
Anmelden
