| Wunschlise online Haushalthaus Hasler Winterthur |
|
|
1
|
Gloeggli  am 16.09.2009
Wunschlise online Haushalthaus Hasler Winterthur
Hoi zäme
Het öbber vo euch Erfahrig met em Huushaltshuus Hasler in Winthi? Bi dene chan mer es Wonschbuäch online mache loh.
Mer möchted eus es neus Gschirrset ond Bsteck schänke loh. Da mer scho set bald 10 Johr euses IKEA Gschirr händ ond das fang sehr verblasst esch.
http://www.haushalthaus.ch/
Grüässli Glöggli
|
|
|
speedy  am 16.09.2009
Re: Wunschlise online Haushalthaus Hasler Winterthur
Hoi Glöggli
Bi bishär nur "normal" in däm Huus go ichaufe, ich find d Bedienig aber tiptop. Und uf dr Homepage gseht jo au das Züg vo dr Wunschlischte sehr guet us. Also ich glaub, an dinere Stell würd ichs riskiere. Vor allem, wennd eifach "nur" d Wunschlischte elektronisch wottsch ohni gsamti Homepage (ha das hüt grad vo öpperem gläse, aber ich weiss grad nüm öb du das gsi bisch...)
Liebe Gruess
Speedy
PS: Am 09.10.09 träffed sich bis jetzt 4 Brüt in Winterthur. Wottsch au cho?
|
Gloeggli am 16.09.2009
Re: Wunschlise online Haushalthaus Hasler Winterthur
Hoi Speedy
Glaube dä Itrag wo du meinsch esch ned vo mer.
Weiss nonig so genau was mer möchted, en Page inkl. Wonschbuäch, oder nor es Wonschbuäch.
Es Wonschbuäch wämmer secher, es elektronisches wördi ebe no gäbig fende. Wett e keis wo mer emmer allne muäs schecke, das esch glaub rächt müähsam.
Müänd emol no luäge. Aber das Huushaltshuus z Winthi macht mer no en guäte Idrock. Gange mol onverbendlich verbie go luäge.
Wägem 09.10 das dönt sehr enteressant, aber leider gohts mer a dem Obe ned. Min Schatz esch denn gschäftlich Onderwägs - ich muäs demfall of euse Chlie luäge.
Chasch mer aber gärn dä Folgetermin dorägeh.
Grüässli Glöggli
|
speedy am 16.09.2009
Re: Wunschlise online Haushalthaus Hasler Winterthur
Hoi Glöggli
Isch guet, ich gib dir Bscheid falls es denn emol es zweits Träffe git. 
Wäge de Online-Wunschlischte: Ich find die uf www.ichwuensche.ch ebe würklich toll. Du chasch gärn uf unseri homepage go schnuppere, isch www.kathrin-michi.heiraten.ch
Es goht no 7 Mönet bis zu unserer Hochzit, entsprächend het no niemer irgend öppis usgwählt us dr Wunschlischte. Aber du chasch zu jedem Artikel säge, öb du ihn als "naturalie" oder als Gäldwärt willsch, und wennd Gäldwärt wählsch chasch ebe "Anteil schenken" mache.
Für unseri Homepage und E-Mail Adrässe hani chli meh als chf 200.- zahlt. Aber ich ha mega Freud dra und find, es het sich glohnt. 
Liebe Gruess
Speedy
|
|
FrauG nicht registriert am 16.09.2009
Re: Wunschlise online Haushalthaus Hasler Winterthur
hallo zäme
ich han chli s'gliich problem.
also dä hasler isch scho äs tolls gschäft. bim manor chan mer so öppis ja au mache.
doch ehrlich gseit händ mir langsam chli gnueg vo däm online züügs. alli händ ä homepage ...mit irgendwelchä superkitschigä föteli und und und...
nöd persönlich näh, aber mir oder euis ischs chli verleidet und mer möchtet glaubs weder zum schänke no fürs hochsig ä homepage.
händ scho dradänkt äs buch z'gstaltä wiä früehner und s'umägäh bi dä gäscht und fründe chan mer ja grad miteme bsüechli verbindä.
mal luegä.
viellicht mached mir ja zum schluss gliich au alls online.
doch min schatz macht das ebä brueflich und drumm isch äs zimli kritisch. das verstahni.
und ich han au scho sache gseh wo würkli grausam kitschig sind.
naja
bis bald ihr winterthurärinnä
priscilla alias frau g.
"...ich ha scho nümme dra glaubt!"
URL="http://hochzeitscountdown.com/"] [/URL
|
Gloeggli am 17.09.2009
Re: Wunschlise online Haushalthaus Hasler Winterthur
Hallo Priscilla
Das met dem dass alli efang e Hochzytspage händ esch scho chli eso. Aber ich dänke, grad wenn din Schatz das brueflich macht, denn chan er jo sälber so en Siete gstaltet au eini ohni Wärbig droffä. Ond was dä Inhalt vo dere Page söll sie, das bestemmed jo ehr, so händ ehrs au i dä Hand dases ned kitschig werd, wenn er das ned möchted.
Wägem Wonschbuäch. Han bim Hochzyt vo minere Schwögerin gseh, dass das met em Wonschbuäch sehr kompliziert chan wärde.
Vorallem gets en hufe, wo sech denn erscht chorzfreschtig afönd oms Gschänk kömmere, denn muäsch luäge dass es alli diä no bechömed - ond emmer bi allne es Bsüächli mache - esch secher rächt zytintensiv. Ond das Buäch per Poscht omenand schecke werd secher au ned gönschtig wärde - met dene Päcklipriese wo d Poscht fang het.
Es send jo au emmer no d Aperogäscht wo sech nachem Gschänk/Wonschbuäch erkondiget. Fendes gäbig, wenn mer dene eifach d Page chan agäh. So bechont mer denn wörklich au das wo mer sech wönscht.
Das send eifach mini Gedanke, machs am beschte eifach so dases för euch stemmt.
Ich gange bim Hasler mol verbie ond loh mi lo berate.
Grüässli Glöggli
|
sunshine83  am 17.09.2009
Re: Wunschlise online Haushalthaus Hasler Winterthur
Hallo ihr lieben Bräute
Also ich finde Hompages nach wie vor super, kitschig finde ich das überhaupt nicht. Eine HP ist ja meistens auch sehr informativ betreffend: Wann muss ich wo sein, Wie komme ich dahin, Übernachtungsmöglchkeiten, Dresscode usw. Unsere Gäste haben sich bis jetzt sehr darüber gefreut und auch in unser Gästebuch wurde fleissig geschrieben.
Das mit dem Wunschbuch hat eine gute Freundin von mir letztes Jahr gemacht und ich fand das eigentlich auch ganz eine tolle Idee... Für uns wäre das aber nicht in frage gekommen da sehr viele Leute auch aus Deutschland kommen werden und der die andern in der ganzen Schweiz verstreut sind.. das wäre dann ein ziemliches hin und her gwesen. Aber wie schon Gloeggli gesagt hat das kann jeder so machen wie er gerne möchte. 
|
|
FrauG nicht registriert am 18.09.2009
Re: Wunschlise online Haushalthaus Hasler Winterthur
Mir händ euis naning entschiedä. und ich gseh durchuus d'Vorteil vonere Homepage.
min schatz würdi das sicher ganz "unkitschig" mache...
mal luegä....mer sind na überleggä
händ ja nochli ziiit
"...ich ha scho nümme dra glaubt!"
http://hochzeitscountdown.com/signatur/4aaeb4a0ad92c.png[/img][/URL
|
|
|
1
|
Anmelden
