| Katholische Trauung |
|
|
1
|
|
Manuela24 nicht registriert am 24.02.2008
Katholische Trauung
Hoi zämme
Ich wet zwar erst im 2009 hürate, wet aber demnächst mal s'Datum und au dä Rahme festlege.
Min Partner und ich sind beid katholisch, ich bin jedoch leider nöd gfirmt worde. Ha eigentlich dänkt gha, dass seg nöd so schlimm. Aber wie ich jetzt mal im Internet nachgläse ha, chan mer nöd kirchlich hürate, ohni dass mer gfirmt worde isch.
Hät öpert dämit Erfahrig? D.h. händ ihr, wo ihr mit em katholische Pfarrer wege dä Hochziet gredet händ, tatsächlich ä Firmbestätigung abgäh müesse oder isch das eher theoretisch?
Wär au froh, wenn öpert chli schildere chönt, wie das mit em Pfarrer ablauft. Wie oft gseht mer dä Pfarrer, wieviel Idee chan mer selber ibringe, uf was muen mer achte?
Danke für eui Antworte!
Liebi Grüess
Manuela
|
|
|
trulla09  am 24.02.2008
Re: Katholische Trauung
Hallo Manuela
Min Schatz und ich sind au katholisch und werden au katholisch hürate. Sovill ich weiss mue mer würkli gfirmt si wenn mer katholisch isch und katholisch will hürate (mir sind ebe beid gfirmt, drum isches keis Thema). Die Firmig cha mer aber au als Erwachsne na nahole (wonich damals d Firmig gha han häts ämel na paar Erwachsni gha, wo sich au firme lah händ, wills damals händ welle hürate). Ich würd mich a dinere Stell möglichscht bald mal mit em Pfarrer vo dinere Wohngmeind in Verbindig setze, da d Firmig ebe glaub nur 1x im Jahr stattfindt (isch ame im Früehlig). Allefalls findsch uf de Homepage kath.ch na wiiteri Infos. Det isch ziemli vill erklärt. Aber ganz 100% sicher bin ich mir au nöd... Würd würkli mal alüte.
Liebs Grüessli
|
|
passiondream nicht registriert am 24.02.2008
Re: Katholische Trauung
Hallo Manuela
Bi eus isch es au de Fall, dass mer beidi katholisch sind und ich allerdings nid gfirmt bin. Genauso wie du hani im Vorfeld mich mal im Internet schlau gmacht und ha au immer glese, dass es für e katholischi Trauuig d Firmig brucht. Jetzt händ mer üses Traugspröch scho gha und de Pfarrer hät gmeind, dass mer au ohni das mer gfirmt isch, sich cha katholisch trauue lah. Jedoch findets die meiste Pfarrer schön, wenn mer d Firmig nahholt isch aber nid zwingend. Wie Trulla scho gseit hät, gits au Erwachsenefirmige allerdings werdet die i de Schwiiz nume zwei Mol im Jahr in Soloturn statt. Mer mueh drfür e Firmkurs bsueche und d Pfarrgmeind muehst eim dänn döt amelde. Bi mir isch es leider scho spät, da de Firmkurs bereits im Herbst agfange hät und i somit nüme vor de kirchliche Hochzyt wür gfirmt werde, drum werd i ungfirmt hürote...isch ja au keis Problem.
Also wegs em Traugspröch isch es halt scho vo Pfarrer zu Pfarrer verschiede. Bim Traugspröch wird eim zerscht es Formular gmeinsam mit em Pfarrer usgfüllt, wo mer dänn au mueh unterschriebe. Dänn tuet mer vorallem de kirchlich Ablauf bespreche, ob's en Wortgottestienst oder e Traumess sött werde und sich viellicht süscht no chli mit em Pfarrer unterhalte, drmit de Pfarrer eim au no chli besser kännelernt. Mir chönt eigentlich sehr viel i eusere Ablauf ibringe...so hämer euse Trauspruch selber bestimmt, d Fürbitte hämer au selber gschriebe und mer werdet au e Hochzytskerze ha und döt evtl. au es Gedicht vorträge. Bsunders hät sich de Pfarrer drüber gfreut, dass mer eigni Kircheheftli wend gstalte, sodass d Gäst de Trauuigsablauf au chli chönnt mitverfolge und ungefähr wüssed wenn was chunnt und vorallem so dass sie nid immer im Gsangsbuech müend nach em Lied go luege. Trauig wird im Grosse und Ganze so ca. e Stund dure. Redet eifach mit euem Pfarrer und kläret ab, wieviel und was ihr id Trauuig dörfet ibringe. Beachte müend er fürs Traugspröch nüt bestimmts...bliebed eifach so wie ihr sind.
Liebs Grüessli
passiondream
|
dodo10  am 25.02.2008
Re: Katholische Trauung
Hallo zäme!
Ich und min Fründ sind au beidi katholisch. Ich bin gfirmt, er nöd.
Hend mi jetzt grad zimli verunsichertet, dass mer ev. nöch chan chirchlich hürate, ohni
Firmig.  Han drum schnell eusem Pfarrer aglütet und nagfröget.
Er hät gseit, es sig gar keis Problem ohni Firmig chirchlich hürate.
Puh, jetzt bini mega erliechteret! 
|
|
Manuela24 nicht registriert am 25.02.2008
Re: Katholische Trauung
@ passiondream
Viele liebe Dank für Dini usführlichi Schilderig. Isch mer vieles klar worde! Bi mir würd ja d'Ziet no guet lange, aber wenns nöd sie muen, wet ichs nöd unbedingt mache. Würd mich unwohl fühle, mit so viele junge Lüt dä Firmunterricht z'bsueche und Solothurn liet au nöd in dä Nächi. 
Bi üs wirds eh no kompliziert. Mir wänd höchst wahrschienlich nöd in üsere Wohngmeind hürate, sondern in dere Gmeind, wo min Fründ ufgwachse isch. Mir händ demnach 2 Gspräch mit verschiedene Pfarrer vor üs. Mal luege, wies wird.
@ dodo10
Sorry, dass ich Dich gschockt ha und Du no am Pfarrer häsch müesse alüte. Isch ja würklich blöd, dass das eim so im Internet verkauft wird. 
Bin aber mega froh, dass Du bzw. au ich ä positivi Antwort übercho häsch!
Liebi Grüess
Manuela
|
|
Suenneli79 nicht registriert am 24.07.2010
Re: Katholische Trauung
ah spannend, bin eben auch nicht gefirmt.... gleich mal bei uns checken ob wir katholisch heiraten können
verliebt - verlobt - und schon bald verheiratet
|
|
|
1
|
Anmelden
