Hallo zäme, merci viel mal für alli Glückwünsch. Ig fröie mi extrem über Schwanger si und Hürate. Am Do inere Wuche hani der erscht Termin bim FA, ig chas chum erwarte und bi scho jetzt brutal närvös. Und när muessi de ar Schniderin tel für Kleid ändere. Da mis Kleid gschnideret wird, chasi das ohni Problem mache. Das fröit mi mega.

• Zitieren

Hey Muuus, esch di Termin jetzt scho dore? Was het de FA gmeint? Dröcke ganz fescht de Dume, dass alles guet isch!

Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

• Zitieren

Mer wörde gern jetzt scho afoh konkret üebe aber d'Argumänt vo de Sybille send ebe scho... abschreckend für mich... Es wär jo scho ganz blöd d'Hochziit müese abz'säge, well mer jetzt ned no es paar Mönet het chöne warte.

@ Sybille: gehts denn wörkli vell Fraue wo das passiert? Han gläse, dasses gäges "Schlächt sii" es paar Triks giht.


Wir heiraten am 6.6.09

• Zitieren

hallo zäme

@fiorina: ich schaffe i de apotheke und erläbe sochli alles zäme: s git fraue, die händ 9 wunderschöni mönet und dänn gits detig, die dörfed scho ab em 3te monet fasch nüt meh mache... (ui, die tüend mir amigs leid!!!) das wäge de übelkeit isch sone sach. während de schwangerschaft sind sehr viel medis absolut tabu bzw. sie werded nur geh, wenn de frauearzt kei anderi möglichkeit meh gseht. s einzige wo gäge übelkeit dörf ohni rücksprach mit em FA gnah werde isch s itinerol b6, aber das hilft de meischte kei bitz. han grad ei chundin gha, die hät 9 (!!!!) mönet jede tag erbroche und sie hätt züg probiert (mit em FA), wo mer während de schwangerschaft eigentli lieber nit git und NÜT hät gholfe! also das isch dänn ziemli sch....! Die hät au während de schwangerschaft abgnah und nöd zuegnah... aber das isch scho en selteheit.
meistens händ d fraue im erste trimenon (d.h. drittel) vo de schwangerschaft problem, also genau dänn, wemers im chleid noni würd gseh...
usserdem gits viel fraue mit schreckliche stimmigsschwankige... chan vorteilhaft oder au schrecklich sii, vor allem so 1-2 wuche vor de hochziit, wenn na öpis nöd so klappt wies sett arme brütigam
s andere isch s flüge: wird immer wieder diskutiert. uf de einte siite heissts, dass 1-2 mal flüge während de schwangerschaft kei problem isch, uf de andere siite isch klar, dass um de ziitpunkt vo de befruchtig s flüüge chan zellteiligsschäde verursache... das isch ja dänn au nöd so das.. am beschte flügt mer dänn im 2.trimenon (dänn isch au noni so s'problem mit de wasseriilagerige i de bei)...
tönt ja alles sehr positiv, wonich da schriibe


resume: die meischte händ e super schwangerschaft, wennd aber pech häsch, isches ziemli dumm!

ich für mich will ersch nachem hochziit schwanger werde... dänn chan ich mich uf s nächschte freue und vorbereite

grüessli trulla

• Zitieren

Hallo Karin

Ich kann da selber zwar nicht mitreden, aber in den Hochzeitsheftli sieht man immer wieder Werbung von "Las Perlitas" die scheinbar Hochzeitsmode für Schwangere anbieten. Die haben auch eine Hompage, vielleicht hilft dir das weiter. So viel ich weiss bieten aber auch viele Brautmodegeschäfte eine kleine Kollektion für Schwangere an. Vielleicht eher die grösseren Geschäfte (z.B. chez Jeannine in Bubikon)?
Viel Glück bei der Kleidersuche!

• Zitieren

nicht registriert

Hey Chaeferli

So schön, wir wünschen uns auch sehr bald einmal Kinder (wenn es denn klappt)!
Ich habe die Pille Anfang Jahr abgesetzt und zwischenzeitlich haben wir auch nicht verhütet und gesagt, wenns passiert, dann passierts und dann feiern wir die Hochzeit bereits als Familie... Ich hatte aber von Anfang an sehr unregelmässige Zyklen und es hat nicht "igschlage". Und da ich jetzt mein Kleid schon habe und wir mit der Hochzeitsplanung natürlich trotzdem weiter gemacht haben, sind wir jetzt wieder am "gümelen". Aber ich denke so ab Frühling 2012 werden wirs dann wohl wieder darauf ankommen lassen...

Wann werdet ihr denn heiraten?

lg

*** 14. Juli 2012 ***

• Zitieren