hi ladys

gern verzell ich eu mal vo mine erfahrige woni bis jetzt mit em ring absetze gmacht ha.

ha am 11. mai pille abgsetzt und es gat mer super! nach mine täg han ich am 17. mai agfange mit em daysy messe und bis jetzt isch alles immer orange. mues sich hald zerst ispiele aber das hani gwüsst. ha parallel no sbuech Das Praxisbuch Natürlich & sicher vo TRIAS gläse was ich nur empfelle cha!! ha so au scho use gfunde das ich am 31. mai min erste eisprung gha ha :) sit em 29. mai isch mini Libido zrug :) ich seg eu..... das chammer sich nöd vorstelle wenn mer pille nimmt. aber mer isch was das abelangt en andere mensch! mer wird mit de pille oder nuvaring mega underdrückt. vermuetlich lits dra das mer am körper ja e schwangerschafft vortüscht. aber ich cha nur allne wo inere feste beziehig sind und es chind nöd en wältundergang wer nur empfele setzed das züg ab! also bi mir isches würkli extrem hihi :) aber isch vilicht bi jedem au wieder andesch...

verhüete düemer im moment mit dem caya diaphragma. da min ma würklich problem mit dem kondom het (wie die meiste :) ) han ich das caya diaphragma mit recht viel skepsis bstellt. bi aber mega positiv überrascht gsie! es staht mer mösi für sich elei eifach mal teste wies ine gat und wieder use nimmsch. i de praxis (vor em sex) gats aber viel eifacher will mer ja denn au füechter isch :) bim sex gspühr weder er no ich öpis! isch würkli mega :) jetzt hoff ich nur no dases sicher isch :) mer cha ja nöd wie bim kondom luege obs druf isch. aber mer fühlts zimlich guet und merkt wens druf isch. zum diaphragma mues mer no en gel chaufe wo spermavernichtend isch. s'diaphragma chost 50.- und cha 2 jahr gnutzt werde. de gel chost 20.- und isch 3 mönet haltbar. mir benutzeds jetzt immer da bi eus ja immerno alles orange isch. aber nachher nememers nur no a de rote tag.

a minere huut und mine haar merki no nüd a. aber ich nimme a das chund no :)

bis jetzt het sichs voll glohnt und min ma het sich mal mit de verhüetig und em zyklus usenand setze. das isch au mal guet. denn merkets nemlich dases nöd so eifach isch ;)

grüessli nisliker

• Zitieren

@nisliker,

danke vielmal für de bricht...
Wenn das mit dem Buch und dine Kurve seleber uswärtisch, bruchsch den theoretisch de Ladycomp überhaupt?

Betreffend daysy hani ja es ipad, das würd ja demfall lange, ich muen das ja nid immer debi ha, so wie ichs verstande han...

alli die Methode sind aber glaub nur schlau, wenn mer en einigermasse regelmäsige Zyklus het, oder?
Ich han scho vor 2 Jahr d Pille abgsetzt, und ha gmeint es seg jetzt recht ipändlät... aber jetzt warti scho en wuche uf mini täg (ha sogar scho en Test gmacht, aber de isch negativ gsi)

• Zitieren

also han mer jetzt das buech au mal bstellt... mal luege was es mir so seit...

ich wett eifach zerst wüsse, was ich so chaufe... aber bim Ladycomp wer ja gad no e "Schwangerschaftstest" debi, de chöntsch der dete ja einiges a Geld spare :)

ich hans mal probiert mit em App uf em Ipad, es lauft also... ich han eifach nid gwüsst, ob ichs immer muen aschlüsse, oder nid, danke dir für d uskunft.

im Moment ebe mit Kondom (sehr uncool), oder mit em app wo ich mini täg iträge (isch jetzt nid umbedigt sehr verlässlich:))

• Zitieren

Danke für din Bricht Nisliker...

Üsi HZ isch i 2 Wuche, drum magi mi im Moment grad ned mit all dem usenandsetze, aber machi den sobald s HZ verbi isch... Han aber grad hüt die letscht Pillepackig agfange und freu mi scho, weni sie den nüm nim

• Zitieren