@Schlumpf79: Merci, das isch lieb vo dir! :) (Hesch du äch a dr Nimbini im andere Thread wöue antworte?)

• Zitieren

@Lula: Merci! Wartet dir de uf jede Fau no bis nachem Hochzyt?

• Zitieren

@Lula: Das verstahni guet! Mi GG hett zersch immer gseit, är hürati mi ersch mit Chugel-Buuch. ;) Sini Gschwüschteti hei's so gmacht, aber ig has o lieber traditionell. :)

• Zitieren

@Noelle

Das god jo gar ned, dass di Partner so Spröch lod loh gheie!!! Fendi gar ned nätt vo ehm.... Hesch denn du ehm scho mol gseit, wie du dich fühlsch, wenn er so öppis seid ond nochher glich en Rückzieher macht? Fende, du chasch ehm säge, was das bi der uslöst ond wie dich das verletzt... macht jo di ganz Situation "metem warte ond sich Gedanke drom mache" au ned eifacher...

• Zitieren

@schlumpf, hihi danke, glaub au, dass mer häsch welle im andere thread antworte aber ich danke dir trotzdem! und ja, ich bin tatsächlich chli am ufruume... bi mir hät sich das jahr sehr viel veränderet... ich muess säge, sehr zum positive für mich und jetzt wirds zyt, dass ich chli d'altlaschte los wird..... und i de ferie wieder chli chan chraft tanke! obwohl... zum schlafe wird ich eher nöd cho... aber scheiss drauf

@alli andere, sorry fürs thread missbruche.....

• Zitieren

@Muus: Schön bini nit di einzigi wo so dänkt! Wenn geits de bi öich los?

@Noelle: Das isch ja nit gad lieb, vo Dim Schatz, pack dr ne znächst mau wenn er seit das dr eis chöit mache. De merkt er viellech ou wie ärnscht das es Dir isch!! Chas ja ou nit si.

Mine het am 1. Ougust Fest bi üs im Dorf ou gseit, i 2 Jahr "müesse" mir de mit a Kinderumzug... U wo ni ne dehei drufagsproche ha, het er de plötzli zruggkrebset u gmeint Kinder cha me nit plane, das stimmt klar, aber me zmingst plane wenn ,e afaht "übe". Das hanim de ou ganz klar so gseit, mau luege. Spriche ne aber de mau umi druf a...


Wetti aber so oder so nach am Hochzyt Pille absetze, sit 7 Jahr Pille isch gnue, u denn wäris ja de shco guet 8 Jahr... Ha mi iwie i Lady/Babycomp verluegt

• Zitieren