| Registrieren | Suche |  Anmelden |
| Nuvaring | ||
| 1 .. 7 8 9 10 11 | ||
LucyLu  am 30.06.2014
Re: Nuvaring oh je nisliker… ja jedi Frau hät d'Mens anderst, minere Kollegin gahts wie Dir und hät mit de Pille fast nöd blüetet. | ||
|
| ||
nisliker  am 30.06.2014
Re: Nuvaring vilicht pendlet sich das nochli ii. ha gester mis diaphragma zfrüeh use gno (mössts 6 stund drinn la und has dummerwis nach 4 stund use gno). hoff ich erläb i 2 wuche kei überraschig | ||
himbeer  am 30.06.2014
Re: Nuvaring ja ich bi gspannt. hett nie denkt dass täg jetz weniger stark und chürzer sind als vorher. mal luege wie sich das no entwickled. d hauptsach isch gsi, sie sind genau pünktlich cho | ||
|
saerli am 30.06.2014
Re: Nuvaring elea: Hey Elea Als ersts emol: Happy Schwangerschaft! Hey gratuliere, dasch ez aber husch gange  Zu dinere Frog: I ha das paar mol gha. sEi esch zwar anegrifft, aber vorem Eisprung wie "igange" ond met de Mens usgschede worde. dOvulationstests ond mini Temp händ emmer gseit, dasi en Eispruch ha (well dHormon halt au so gsi send), aber dUntersüech bim Arzt händ ergeh, dass sEi riesegross worde esch, aber statt platzt, esch es eifach zämegsackt ond fort gsi  Es het sech usegstellt gha, dasi Endometriose ha, wasi vor 4 Woche au ha müesse operiere. Es esch schins jedi 2. Frau wo en unerfüllte Chinderwunsch het vo Endometriose betroffe - also be Azeiche unbedingt abkläre loh, well jeh nach Stadium werds schweriger met em Chinderwunsch, vorallem ziehts sech zitlich no meh use. Azeiche send z.B. starchi Schmerze im Unterleib, aber i ha das ned gha ond darom het mers lang ned vermuetet. I rote allne Päärli wo nöm veli Johr wänd warte, wenns nach 6-12 Monat ned klappet ine Kinderwunschklinik zgo, well det werd ondersuecht wo dUrsache send. Get nüt müesamers als wenn alli om eim ome säged, "das klappet den scho, lönd euch nochli Zit". Ond am Schloss stellt sech use, dass es gar nie hät chönne klappe, wenn mers ned untersuecht hät. Liebi Grüess usem Nochberdorf! Saerli | ||
|
elea am 01.07.2014
Re: Nuvaring hallo saerli, danke vellmol. jo es esch so rasch gange dass mer emmerno bez gschockt send :) | ||
|
Canoa am 01.07.2014
Re: Nuvaring Ech wet dezue säge dass jede Mönsch anderst met so Diagnose umegoht! | ||
|
nisliker am 01.07.2014
Re: Nuvaring hoi canoa | ||
|
nisliker am 01.07.2014
Re: Nuvaring ps: isch ja irgend wie sgliche wenn mer schwange isch. mer derfs 3 mönet niemertem sege, drum schriebeds ja viel is forum :) denn chönds drüber rede und es merkt niemert wens verlürsch... isch doch optimal. chasch wenigstens mit de ladys da ine rede | ||
|
saerli am 01.07.2014
Re: Nuvaring Canoa: Jo das esch eso. Wie meinsch, Endometriose esch ned gleich Endometriose????? Was sells den sust no si??? Danke Elea :) I ha mi guet erholt, es brucht nochli Zit, aber es chonnt scho guet - hoffi zumindest. I cha guet ond offe dröber rede, es esch nüt woni schähme deför oder so - andere gohts secher anders demet ond sie verzelleds niemertem. I säges au ned allne woni kenne, aber do im Forum esch es scho sehr anonym ond i mim enge Fründeskreis wösseds es paari ond dFamilie. Es send so vell devo betroffe, do esch es mängisch guet, wenn Betroffeni wo noni wösse, dass es das get, das ergendwo chöned ufschnappe ond sie sech den Gedanke mached das mol go prüefe. Allne en schöne Tag! | ||
|
elea am 01.07.2014
Re: Nuvaring jo canoa da stemmt absolut... aber i fendes schad dass velecht lüt wo gern wörde öber ehri sorge und ängst rede sgfüehl hend si müsse sech zrog halte. arbetskoleg wo set 3,5 johr met sinere frau am üebe esch, het 3johr gschwegge ond eus denn (aso 2 arbetkolegine em Büro woner nöchstoht) igweiht. ond er hets elber gseit es het ehm guet do. es het mer de u leid do, welli doch gern au scho di letschte 3 johr för ehn do gsi wer. ebe es esch secher ned jede so, aber i fende eifach es betrefft so vell dass doch jede wo wet sell offe chöne dröber rede! | ||
| 1 .. 7 8 9 10 11 | ||
