| Reformiert oder Katholisch??? |
|
|
1
|
tapsi  am 12.09.2007
Reformiert oder Katholisch???
Ich ha da nomal e frag...
Min fründ isch Italiener und Katholisch. Ich bin Schwiizerin und reformiert. Er isch aber au da ufgwachse etc.
Jetzt weisi nöd...händ ihr erfahrig mit Trauuige vo Katholike und reformierte? Ich han e Pfarrerin gfröged, sie seit das chänged mir entscheide wie mir weled...Mer chängi au 2 Pfarrer gliichzitig näh, 1xkatholisch, 1xreformiert..was meined ihr?
|
|
|
snugi am 12.09.2007
Re: Reformiert oder Katholisch???
Bi eus isches genau gliich gsi, ich bin Reformiert und er Katholisch.
Mir händ eus dänn entschiede Katolisch z'hürate.
Es spillt würklich kei rolle.
Mir hännd d'Mäss au uf Italienisch ghalte, will die meiste us Italie cho sind und au de Pfarrer hät nur Italienisch grett.
Will jedoch de Pfarrer so sträng Katholisch gsi isch han ich eifach d'Kommunion (ostie) nöd dörfe näh, das isch alles gsi ;o))
|
|
jovia nicht registriert am 12.09.2007
Re: Reformiert oder Katholisch???
Das isch nu speziell... mier persönlich chämtis glaub ich nid soo druhf ah, aber villicht fänd ich's nu speziell oder schön wemmer 2 Pfärrer hättid... obwohl's wahrschinlich "eifacher" isch mit nur eim...
Was meint denn dey Verlobt dezue?
Ich ha da nomal e frag...
Min fründ isch Italiener und Katholisch. Ich bin Schwiizerin und reformiert. Er isch aber au da ufgwachse etc.
Jetzt weisi nöd...händ ihr erfahrig mit Trauuige vo Katholike und reformierte? Ich han e Pfarrerin gfröged, sie seit das chänged mir entscheide wie mir weled...Mer chängi au 2 Pfarrer gliichzitig näh, 1xkatholisch, 1xreformiert..was meined ihr?
|
kokon21  am 13.09.2007
Re: Reformiert oder Katholisch???
Bi üs isch äs genau au so. Ich bin reformiert und min Schatz isch Katholisch. Mir werdät Reformiert hürotä idä Reformiertä Kirchä. Dä Pfarrer isch au Reformiert. Min Schatz muäs eifach vo dä Katholischä Kirchä ä Dispens ha, damit d Ehe vo dä Katholischä Kirche anerkennt wird.
|
moneli am 30.06.2008
Re: Reformiert oder Katholisch???
Mir si zwar beidi nid katholisch, aber i chume usere reformierte Kilegmeind u är usere Freikirche. Mir maches mit zwe Pfärrer. Dr einti macht dr Trauakt u dr ander eher so chli Predigt, die beidi düe das säuber abmache. Isch halt zum zuelose sicher no agnähm we verschiedeni Lüt rede u nid nur öper verzeut.
Wasi süsch no chönti empfähle wäri jenachdäm d Hochzeitskerze, hei eigentli nur die katholische. Aber weder e reformierti Trauig machet, chöntet ihr jo derfür d Hochzietskerze no dri näh.
Editiert 30.06.08
|
|
Mara nicht registriert am 01.07.2008
Re: Reformiert oder Katholisch???
Eg bi katholisch und min Schatz isch us der Freichile. Mer hei en katholische Pfarrer, en katholischi Chele, müesse en "Bewilligung" ha für mi Schatz, dass är ir katholische Chile darf hürote (Taufschiin ect.) und mer wärde en Ökumenische Wortgottesdienscht ha ohni Hostie und so. Üs düechts eifacher mit "nur" eim Pfarrer aber de Schwigerpapi wird d Lesig ha und är isch jo denn au us der Freichile, was denn keis Problem me isch.
Tamara & Simeon ~01.06.07~09.08.08~
|
|
|
1
|
Anmelden
