dorina:

---

Unser Schatz wird am Mittwoch 1 Jahr alt! kann es manchmal kauf fassen, wie die Zeit läuft und wie sich mein Leben verändert hat... Am Sonntag werden wir ihn taufen und gleich das 1 Geburi feiern! und wenn man diesen Daten den Glauben schenken kann dann kommt Ende November das zweite Schätzli auf die Welt. Ich hoffe, dass wir es noch schaffen vor der Geburt noch einmal zu 3-t in die Ferien zu gehen;-).
Sonst ist die zweite SS etwas mühsamer als die erste aber da muss man halt durch;-) - ich freue mich schon auf die Zeit danach!

Wünsche euch allen schöne Sommerzeit und allen Schwangeren gute Restzeit und tolle-easy-Geburten!

Grüessle
dorina

• Zitieren

hallo zusammen, ich wünsche allen schwangeren eine gute und schöne schwangerschaft.
@insomnia: alles liebe und gute für die bevorstehende geburt. hoffentlich ist es bald soweit:-)
@sheilyn: soeben wollte ich dir eine pn senden, doch dein postfach ist voll... schön, dass sich milena so gut entwickelt und ihr glücklich und zufrieden seid.

• Zitieren

mond26:

---

@proeschu: jööö, deine finkli etc. sind wirklich super süss!!!

• Zitieren

ech han dänkt ech als 2010 bruut mesche mech do au weder mol chli i

natürlech gratulier ech au vo härze allne schwangere.
ech als ned schwangeri, chan mer wohl chum vorstelle, was das för onglaublechi emotione müend si

ech wönsch euch alles glöck vo de wält ond vell freud, met dene chline racker.

esch för mech sehr spannend, so vell verschednigi biträg z'läse - grad au bi de brüüt wo im gliche johr ghüürote hend.

• Zitieren

hallo sheilyn

nei, bi üs gets no kei news.

mer hend etz lang wärt druf gleid, üsi zwöisamkeit no z'gnüsse ond ändi oktober gönd mer jo nomol 2 woche id maldive.
langsam wäred etz plän för nochwochs do - aber d'omständ hend sech chli veränderet, drom ben ech chli hin ond här gresse.

mer lueged eifach wies chond, ohni drock (ond wie oft ech dä sproch scho gmacht ha. aber gar ne deifach ohni drock )

• Zitieren

hm, hochschwanger wör i etz ned id maledive welle. aber mer gönd jo scho i drü mönet. wär also i mine auge ned störend, wenns bes denn igschlage hät.

jo ohni drock esch wörkli schwerig. mer hend emmer gseid, mer fönd den mol eifach a, ohni drock ond lönd üs ziit... mer hend jo ke stress. aber ech merke langsam, dass do wörkli no ganz anderi gfühl metspelled. de chenderwonsch nemmt halt langsam emmer meh gstalt a.

mini stell werd leider us wertschaftleche grönd (ond i mine auge no us emene andere grond - familieplanig) gstreche. das heisst ech han d'chöndigong becho.
schwanger en neue job sueche, oder schwanger wärde i de probeziit oder wenn i grad en neue job agfange ha, macht mer chli sorge.

aber schlossändlech han i d'istellig ond ben öberzoge, dass alles so chond, wies muen cho.

• Zitieren