| Schwangere Bräute/Ehefrauen, die Schwangerschaft, Erfahrungen etc etc. |
|
|
1 .. 96 .. 189 190 191 192 193 .. 244 .. 295
|
|
dia nicht registriert am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
Doch klar proeschu!!!! 
Hallo an die wo nur zum spass üebe...
Jep, bi langsam ungeduldig! Geduld isch leider nid mini stärki...
|
|
|
|
toluwu nicht registriert am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
Ich muss noch bis zum Sommer warten... Möchte nicht schwanger sein an der Hochzeit. Mit der Pille hab ich allerdings Anfang Dez schon aufgehört. So kann sich mein Zyklus schon (etwas) einstellen bis zum Sommer.  Mit der Folsäure werde ich auch nächstens anfangen.
Dia; ich drücke Dir ganz die Daumen, dass sich Deine Prinzessin bald auf den Weg macht und ihr zu Dritt unter'm Weihnachtsbaum sitzen könnt!
an alle übenden; Euch wünsche ich auch, dass sich ein Prinz oder eine Prinzessin bald zu Euch gesellt!
an alle nicht übenden; Euch wünsche ich weiterhin viel Spass beim "nicht" üben! 
|
Kate82  am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
@chatzezüngli: hihi, bisch luschtig, schribsch so easy, dass dir's drufa cho löhnd - und doch hättsch am liebschte, es würd sofort ischloh das chunt mir irgendwie bekannt vor . Mir luege überhaupt nid, wenn's vom Zyklus här grad guet wär, sondern mache so witer wie vorhär, hami au druf i gstellt, dass es lang goht - und glich...
@dia: hesch aso würklich es paar gueti Argumänt für dini Chlini Das cha jo no heiter wärde, wenn du ihre jetzt scho verzellsch, was s'Bescht für sie wär, und si eifach nid will lose . Wünsch dir, dass si gli chunt (hoffentli übertreisch nid no ) und dir scho das Johr die erscht Wiehnachte als Familie chönt gniesse!
Hey Proeschu, di begrüesse mer doch sogar no äxtra . Bisch halt eher chli d'Usnahm i däm Thread
Danke füre Tipp vor Folsüri ir Migros / Coop. Bi uns im Coop hani leider keini gfunde, spazier de mol id Migros, wenn sich mis Päkli us dr Apothek em Ändi zueneigt...
|
Proeschu  am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
@all
Danke för dBegrüessig
@Kate
Jooo, ich weiss, dass ich dUsnahm be do enne.... aber ich froie mich eifach superfescht för all di, wo am üebe send ond för die, wo gli afanged! Esch glaubs scho en spezielli Ziit, die Vorfroid - wenn klappets ächt - chonnd alles guet - esches gsond - denn spöter vo Ultraschall zo Ultraschall plange - ond am Schloss plangetmer denn druf, dasses ÄNTLI chonnd 
Ich hoffe för oi alli, dass ehr bald en chline Schatz döfed ha! Ond för die wo nochli müend / düend warte, dassd Ziit schneeeeeell verbii god!
Aber im Coop heds doch secher vo Abtei sones Präparat, ned?
|
saerli am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
Huiii Dia, jetzt chasch den dini chlini pinkigi Prinzessin bald id Arme schlüsse :) Freu mi sehr för euch
Wünsch der fescht, dass Wiehnachte ned muesch im Spital verbringe. Es wär jo schön, wenn sie vorher würd cho.
Mer freued eus au scho, wenn mer den mol es Chind dörfed ha. GG het aber noni so Stress, er wartet gern no paar Monat (mer händ gseit im Früehlig/spötistens Sommer fönd mer a).
Vo mer us chönnts jetzt scho los go met druf abcho loh, do ich eifach "kei Zit möcht verlüre" (setze mi ungewollt bitz unter Druck, weli halt au bald 31 werde). Aber i respektieres, dass er nochli wet warte und hoffe eifach, dass es denn gli ischloht i paar Monate.
Sit ich Pille absetzt ha Afang Oktober het sech no gar nüt to Zyklusmässig. I ha fettigi Hoor becho, das het sech endlich weder gleit ond i ha sooooooooooo viel Pickel öbercho (ha usgseh wie es Himbeeri), aber es beruhiget sech au langsam. Alles anderi esch eifach müehsam. Kein Zyklus, bzw. kei Ahnig wo ich mech befinde im Zyklus, i ha mini Täg noni becho ond ha doch so ghofft, dass sech alles schnell werd ipendle.
Was sells... Ich neme fliessig mini Folsäure und Mönchspfeffer und bes mer denn im Früehlig wänd afo "üebe", het sech mini Hormonumstellig dor sAbsetze vellecht au endlich ipendlet.
Wünsche allne vell Spass und Erfolg bim üebe. Und die andere wo noni rechtig üebed, chöned jo scho mol für sÜebe üebe
|
himbeer am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
hallo mitenand! jetz hani glich mal no e frag zu dem thema und da händ sich ja grad mehreri profis versammled :-)
mir hürated im september 2013 und nachher möchted mer au afange mit de familieplanig. also vo mir us chönnts grad am tag nachher ischlah, haha. händ ihr all d verhüetig vorher scho abgsetzt? also i mim fall wärs de nuva ring. und wieviel vorher händ ihr gnau mit de folsüüri agfange?
ich mach im januar mal no en termin ab für e kontrolle, besprich das sicher denn au no mit mim arzt. aber vilicht gits ja da scho insiderinfos :-)
|
Kate82 am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
für's üebe üebe, hahahaha
@proeschu: ich ha do au scho amigs chli mitgläse, bevor's bi uns es Thema gsi isch, s'isch halt eifach öpis schöns . Hm, vo Abtei seisch, ich lueg nomol. Aber für das ich ime sone grosse Dorf wohn, isch dr Coop und Migros eher chli.. mal gugge
|
Proeschu am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
@Himbeer
Esch holt emmer sone Sach... es ged Fraue, die händ rächt Schmerze während de Mens... wenn du die hormonelli Verhütig absetzisch ond du ned weisch, wenn dassd dini Mens hesch, chas sii, dass du sie grad ade Hochzig hesch... das wäri natürli doof...
aber wenns eso esch wie bide Saerli, dass länger god bes sich de Zyklus öberhaupt ipendlet, denn wärs guet wennd scho vorher wördisch absetzte, dasses nochher "ned eso lang god"...
das esch holt wörkli vo Frau zo Frau verschiede... ond es esch denn natürli au no dFrog, wie ehr de i dere Ziit, wo kei hormonelli Verhüetig meh ome esch, wend verhüete... de einte macht sKondom nüd us, die andere hassets   Weisch wieni meine? Mer chas holt wörkli ned vorussäge....
ond bi de einte klappets de grad, händ aso nedemol en Mens nochem Absetze, bi anderne duurets länger beses ischlod... denn "nötzt" i dem Sinn au nüd, wenn vorher scho abgsetzt hesch - oder ebe vellecht scho..
Haha... ha der vooooll gholfe, gäll? 
|
Proeschu am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
@Kate
Hihi, ehr händ immerhin en Coop ond en Migros... ich muess mich metem Volg begnüege....
|
saerli am 14.12.2012
Re: Schwangere Bräute/Ehefrauen, die Schwangerschaft, Erfahrungen etc etc.
@ himbeer
I ha bes zur Hochzit gwartet met absetze, well i Angst gha ha, dasi
1. mini Täg genau denn oder ide Flitterwoche bechome
2. weli vermuetet ha, dass mini Huut wird spinne (was sech leider au bestätiget het)
3. well i so viel anderi Folge vermuetet ha wie z.B. fettigi Hoor, Buchschmerze, Gwichtszue - oder abnahm usw... I ha bitz zuegno, aber das het glaub meh met de Johreszit zdue als met de Pille
Ond ebe, fettigi Hoor hani gha, MEGA! Das hät kei schöni Frisur geh und mini Pickel hät mer i mim Fall au ned eifach chönne abdecke, die send so viel und rot gsi, do hät nedmol en dicki Schicht Make-up gholfe, dasi mi wohl und hübsch fühle.
Wenns vom Alter her goht unds ned soooo dringend esch, dass er grad schwanger werded, wördi warte.
I kenne Fraue, die händ de normali Zyklus bibhalte wie wo sie Pille gno händ, anderi warte set über me Johr druf, dass sie ändlich eri Mens öberchömed... Es get alles, egal wenn mer absetzt ond das chöned mer ned beiflusse.
Schlussendlich glaubi fest dra, dass mer denn es Chind öberchonnt, wenns di richtig Zit esch (i rede jetzt vo dene wo en Chinderwunsch händ)
Mini FA het grote, 1-3 Monat vorem Absetze met Folsäure afo. Damit sich de Zyklus ipendlet, nemi no Mönchspfeffer (vo CERES). Aber au das cha mer ned met jedem Mitteli beiflusse...
|
|
|
1 .. 96 .. 189 190 191 192 193 .. 244 .. 295
|
Anmelden
