@Venus81
Jeeeeeeeeeeeeeeeeeeeeeeh sooooo schöni Nochrichte am frühene Morge!! Das stellt mich grad mega uf!! (ha höt fascht ned ufmöge am Morge - aber jetzt beni hellwach )
Wönsche der alles, alles Gueti, fendes au toll, chli bi anderene döffe metz'fiebere ond ab ond zue en Zwöschebricht z'läse

@Layonie
schön, dass du sMami-sii so chasch gnüsse ond die din chline Schatz zNacht loht loh schlofe!

• Zitieren

liebi dia

ich gratulier eu recht herzlich zu eure pink lady. was für eh süessi und en wunderschöne name dörf sie träge

liebs grüessli

• Zitieren

Liabi Venus

I gratuliara diar ganz herzlich zur Schwangerschaft! So schön wieder eini meh wo SS isch und mitverzella chan

@Dia: i hoffa iar hen au guat erholt und hen dia erst Kennalernzit törfa gnüssa?

@Me: Bi üs gohts jetz au nümma uuuuu lang, nur no knapp 3 Mönet. Besser gseit 11 Wucha. miar freuen üs riesig üsers chlina Wunder endlich törfa in da Arma z'heba. As stramplet hüt au wia wild und isch sehr aktiv.

Sit ca. einera Wucha hen miar d'Näma und sin jetz meh oder weniger guat uf d'Geburt vorbereitet und bereit für üsers "neua" Leba z'Dritta.

Min Maa muass no ins Militär am 9.1. bis am 1.2. das schisst mi schu sehr ah (sorry für da Usdruck) aber liaber jetz no als denn erst Mitte Feburar bis Mitte März.



No öppis ganz anders: kriagen iar d'Benochrichtigunga no wenn a neui Antwort gschriba wird? I kriaga dia irgendwia nümma, obwohl is igschaltet han. Wüssen iar an was das lit?

• Zitieren

@all: Danke für die liebe Wort - freu mich mit eu - und isch schön, chönemir zuekünftige und ehemalige Brüt eus ustusche.
@bergeri: Bi mir funktionierts no - evtl. muesch mal usklicke und wieder aklicke...?

• Zitieren

nicht registriert

hoi zäme ich han mir grad überleit ob ich so e richtigi kitschigi babyparty sell mache... so mit vil hellblau und cupcakes und was so dezue ghört. wer vo eu machd au eni?

• Zitieren

nicht registriert

@venus
Härzlichi gratulation!!! Das freut mi, dass es bi dir au so schnäll klappt het. Ha jo au dr nuva ring ka...
Ich wünsch dir ganz e schöni ss!

@layonie
Danke, mir gwöhnet uns langsam anenander. S ufstoh in dr nacht isch eifach no müehsam. Ich fühl mi scho wie e milchbar und d wickelfrau...
Wooow, nach 3,5 mönet muesch in dr nacht nüm ufstoh?? Tja, d Elin isch jetzt 10 däg alt, sie wird sicher no lang all 3h ko... Muess mi langsam dra gwöhne, dass ich dure daag wenn sie schloft au chli gang go ligge! Es zieht scho chli an dr närve... Aber das isch glaub dr legendäri babyblues...

@babyparty
Ha ich nid gmacht! Isch mir gar nid in sinn ko... Aber wenn jetzt öbber für mi eini gmacht hät, hät ich sicher freud ka. Aber sälber eini mache und lüt ilade und die meine sie müen jetzt öbbis kaufe isch nid so meins!! Aber jedem das seine... Wie gseit, hät öbber eini für mi organisiert als überraschig, hät ichs au toll gfunde...

@bergeri
Uiiii, 11 wuche!!!! Cool, das goht schnäll muesch luege. Obwohl dr letzt monet ha ich meeeega lang gfunde! Me wird denn ungeduldig, chli ängstlich und me will eifach wieder normal schnufe, laufe und schlofe...

@sinna
Danke!!
Mir bekömme nume komplimänt wägem name...schön!

@zibesa
Schad, dass din gg nach dr geburt in wk muess! Ich hoff ihr händ glich no chli zyt nach dr geburt, bis er muess go! Ich bi mega froh, dass mi gg durch die fiertige und 5 vaterschaftsdäg 2 wuche deheim isch. Es isch am afang nid eifach und me isch froh, wenn me nid elei isch!

@me
Bi immer wieder chli müed, mini narbe vom ks macht amigs no weh, stille goht langsam immer besser und d Elin und ich wärde langsam e team! Ich bi glücklich wenn ich sie alueg und bi eifach froh mami z si, trotz up's and down's!

Lg, dia

• Zitieren