Liebi Elea

Bi jo kei Mami, aber bi au grad vor kurzem Gotti worde vomenä Bueb..

Ig ha ihm au es Konto errichtet und due all Monet Fr. 20.- izahle.. ig ha das au gha vo mim Götti und ha mit 20gi en stolze betrag becho.. (guet e rhet bitz meh izahlt nachdem i 12i gsi bi...) Ig ha mir es Auto denn drmit gchauft.. er het das für mi aglegt falls ig mol wett e usbildig amche oder en Sprochufenthalt oder ebe es Auto wett chaufe..
Ig finds super und weisch wenn si so chli sind, chasch ihne jo nid viel kaufe usser spielsache und Kleider, do hei si denn öbis drvo..
Weg de 5.- Franke, nei das het jo nüt mit gizig zdue sonder du hesch dir jo überlegt was e tolli summe isch zum ufe 18. zbecho. igg mach eifach 20.- will mir das nid weh duet und das ihm denn en schöne batze giz.. isch jo aber au minerä schwöschter ihre sohn...
Denk jede muess das selber entscheide... es chunnt jo uf d Geste a.

• Zitieren

@konto
fend ech doof.
hätt ech ned welle gschänkt becho för die chli, hemmer au de einzelne gseid das mer das ned wend. met 18ni verdient mer eh scho jenochdemm voll (ca. 3'000-4'000.- pro monet) was wott mer denn doh no met dene 1'000.- fränkli. i fends doof. ^^
aber das esch mini meinig.

ech han aues konto frühner gha, aber ganz ehrlech, das eshc emr egal gsi, ech han us chend vell leiber es tolls röckli oder spellzüg vom gotti becho! alles anderi chammer sech no chaufe wemmer gross esch, chend esch mer nor chorz.

Zuletzt bearbeitet am 16.01.13 16:11

• Zitieren

Hallo Elea

I finda dia 5.- au nid z'wenig, hauptsach isch doch as git öppis und isch doch as schöns bäzali mit 18 isch doch egal wia viel.

I han vu minem Götti ufa 18. glaub 1'500.- kriagt, aber in Bar, er het miar a Girlanda us Kuvert gmacht und uf jedes Kuvert ein Buachstaba gschriba dasses denn am schluss Happy Birthday gheissa het. in jedem Kuvert isch Geld dina gsi und am Schluss hani denn dia 1'500.- kha für Fahrstunda usw.

I han für mina Göttibuab as Sparkonto gmacht aber binera Versicherig, well i do schaffa. Si lutet aber uf mi und as isch au niana vermerkt, dasses für ihn isch, i zahla jeda monet 100.- i und kriaga denn im 2019 ca. 10'000.- uszahlt. dia kriagt natürlich nid alli er, i han denkt i giba ihm denn eifach so 1'500.-.

dass er das kriagt weiss er aber nid und au sini eltera wüssen das nid. i han dia versicherig eifach für mi gmacht zum spara und döt drus kriagt er denn öppis.

@sheilyn: also i han no nia öppert gseh wo mit 18 voll verdiant....dia meista chömen jo erst mit 16 us dr schual und bis d'lehr fertig isch ischma meistens 19 - 20 (jenochdem wia langs goht) und wenn ma denn hina hera no a BMS macht oder studiart gohts no länger. Trotzdem wenn aber viel mit 18 d'Autoprüafig macha obwohls no dr Lehrlingslohn hen, also bi allna wo i kenna isches so gsi und denn chömen dia 1'000.- fränkli grad recht. Aber i finds au cool wenn i wür voll verdiana, z'chind chan jo denn immerno das uf d'sita tua und spöter amol go reisa, oder ind feria.

I han halt zuasätzlich zu dem konto mit 18 no uf jeda geburtstag öppis kriagt vu mim götti, klar das isch nid selbstverständlich und chan sicher au nid jeda sich leista, sparkonto izahla und gschenkli. i muass drzua sega wenns nid kombiniart isch (also nur geld izahla ohni Gschenkli uf Geburi) denn findis au nid cool und denn würis au nid wella. well denn findi au z'chind het meh vuma gschenkli als wenn ma ihm/ihra seit i han drfür izahlt. aber wenn jeda monet 5.- uf as konto tuasch und drzua hera gits glich no as gschenkli findis cool.

• Zitieren

I geb au no min Senf dezue :) Hät zwar heide viel Arbeit, aber: I mag eifach nüm

Gratuliere zum Gotti! Das esch doch öpis schöns

Für min Gottibueb wo gli 4 wird hani au es Konto welle mache. I ha mer denn aber öberleit, dass es denn nomol es Konto esch ond nomol en Duuruftrag usw... I weiss, so umständlich esch das au weder ned

Aber i wirde ihm en stolze Batze uf Konfirmation oder ufe 18. Geburtstag schänke. Die wenigste verdiened i dem Alter "guet" ond send froh um settig Gschänk, denn chöneds mol schön id Ferie, go reise oder spareds anes Auto... hauptsach er gets de ned eifach für Firlifans us.
Also i ha nach Lehrabschluss vor 10 Johr met 20gi de Mindestlohn vo 2800.- (BRUTTO!! ond im Kt.ZH!!) gha. Das esch höt natürlich nöm so krass, aber es send no lang ned vell Jobs nach de Lehr guet zahlt.

Also wo de Chli uf dWelt cho esch hani em "nur" es Schöfli-Stofftierli ond öpis zum alege gschänkt. Uf Taufi het er denn es Goldketteli für ume Arm becho, das hani met em Götti zäme gschänkt. Er hets emmer no a Aber bald esch es ihm würklich zchlii!

• Zitieren

Miar kriagen uf d'Geburt au as Armchättali üseri Gotta het üs gfrogt ob si üs söll z'Armchättali, und Halschättali oder as Konto macha. Miar hen denn gseit si chönn entscheida was si well, aber Halschättali wellen miar nid.

@elea: mini nichta het uf d'Geburt vu da Grosseltera a Dino-Sparkassa kriagt, weiss nid wia dia heissen. Dia findi aber au no cool. und denn hens eifach schu abiz Geld dri tua kha und jetz gäns ihra eifach öppa as bäzali wenn si bi ihna isch wo si chan in da Dino tua.

wegem goldchätteli, miar kriagens wohrschindlich uf Geburt. Üs spielts kei rolla wenns miar kriagen. Do üseri Taufi an üserem Hochzit si wird, denki jetz amol dass miar z'Chättali entweder uf Geburt kriagen oder sus irgendwenn noch dr Hochzit. Nimma nid ah, dass si z'Gschenkli an d'Hochzit mitnehmen. Aber i lohn mi überrascha.

• Zitieren

ich gibe au no min Senf dezue. Mich würdis interessiere, i wellne Bruefsgruppe mer mit 18ni scho en volle Lohn hed i de Höchi vo 3000-4000 Fr. Und ich dänke, die wo denn au voll vordiened, bruched meistens au meh und sind sicher um jede Franke froh, wos bechömid.
ich ha vo Gotte und Götti jährlich öpis übercho und denn en grössere Batze uf de 18. Geburtstag. Das Gäld isch für mich eifach vo bsundriger Bedütig gsi und ich ha mier demit au öpis bsundrigs welle chaufe. Ha mier us dem Gäld denn mini Autoprüffig finanziert wo ja au nid wenig vom Budget usmacht mit 18ni...

aber äbe, jedem sini Meinig...

grundsätzlich find ichs au en gueti Idee mitem Konto, will ich finde, die chline Chind chömed vo so villne Siete so vill Gschänkli über und wärdid oft au vo de Eltere mit SPiellsache etc. überhüft. Mier hend für min Göttibueb wo amne 7. gebore worde isch en schöni Collage gmacht miteme 18ni, em Name, enere 10-er Note und em Text: Immer am 7. zahlt dir dein Gotti 10.- auf ein Konto ein. Alles, was bis dann auf dem Konto ist (oder so ähnlich) bekommst du an deinem 18. Geburtstag.

sie hend mega freud gha. Und Geburi und wiehnachte sind ja denn au no, wo mer d Eltere fragt, was mer chönnti schänke und entsprächend es Gschänkli überleit.

• Zitieren