Haha, was für ein Tamtam um ein "Laster" der Frau :)

Ich bin also auch ganz froh, wenn sie wieder vorbei ist für einen GENAUEN Zyklus... Es soll sich ja jetzt schön einpendeln

Danke Lolo!!! Prost!

• Zitieren

nicht registriert

also ich gratuliere alne blüetende fraue ;) ich freu mich ja scho ufs wuchebett....

und den weiss ich scho gar nüm wer mir gschribe het.... und was het wele wüsse.. hilfeeee.. aber es gaht nüm lang no biz lenger wie zwei wuche den wirdi ufgschnitte... tönt krass gel? aber ich finds irgendwie no lustig well ich so en humor ha :D es isch meh oder weniger en wunsch kaiserschnitt.. mer het mich vermesse und es isch scho sehr knapp bi mier und de chli isch ebe ganz gross und den hani gseit nei ich wet das sies useholed ich wot nöd dases mier alles verisst... ich parkier ja au nid mit em kombi imne smartparkplatz... und mittlerwile isch au en ks en schöne moment... de papi wos als erscht id arme bechunt wos dörf go bädele und so witer. mier hend eus scho gedanke gmacht weg em negative aber schluss endli cha IMMER öpis passiere. ufm natürliche und au ufm operative wäg. allergie und all das nimm ich in chauf. aber ich mues scho säge ich han mich persönlich ahgriffe gfühlt wo mier all ärzt und hebamme hend wele ihrede dasis nid söll mache. es sig ja soooo schlimm... ich bin au es ks chind und bi bestens gedeiht... aber mer freued eus umso meh voralem wellmer gnau wüssed wenmer de chli döfed ide arme ha...

im moment gahds mir aber nöd so guet. ich han stirnhöleentzündig ich bin de ganz tag am inhaliere und han mer ez sinupret gholt. bi sogar is spital go frage obi döf! aber es sig kei problem. de chli boxet mi wahnsinig und ich trau mi scho fasch nüm auto fahre... aber ich muess :D und ich bin so müed... de putzfimmel het sich au wieder gleit... aber ich han so kei lust meh...

• Zitieren

@Proeschu: du bisch würklich dr Hit

@saerli und snet: ändlich freu mi grad mit euch

@zibesa: gueti Besserig!

• Zitieren

Guete Morge Zäme!

Danke Zibesa, Schlumpf und Kate

@ Geburt (Natürlich oder KS)
GG ond ich send gester ame Vortrag gsi ime Spital zu dem Thema. Es esch secher ned id Tüfi drüber gsproche worde, aber trotzdem sehr informativ gsi.

Mini Schwägerin het drom sehr en heftigi Geburt gha. De Chli esch viel zgross gsi, was dÄrzt eigentlich gwüsst händ und trotzdem hets en natürlichi Geburt geh. Wo de Chli den met em Chöpfli scho bim Becki dore gsi esch, esch er stecke blibe. Denn händs ihn müehsam met de Glogge gholt ond das het mini Schwägerin scho rächt traumatisiert. Sie hets mittlerwiile verarbeitet, aber es sig scho sehr schlimm gsi för sii met allem drum und dra. Sie het dor das au ganz en heftige Dammriss gha ond nachher 2 Johr Problem met Hämoroide (wie schribt mer den das? haha!). Das ganze het mi scho rächt "abgschreckt" ond i froge mi natürlich au, was vo all dem weder rechtig heilt ond wie guet sech alles weder erholt ond zrugbildet.

Wo i gester gseh ha, was för en Weg das Chind muess doremache, bes es denn würklich dosse esch, esch mer halbe sturm worde
I weiss, es esch normal eso, de wiblichi Körper esch deför gschaffe ond wenn sChind ned zgross esch, esch en natürlichi Geburt secher öpis schöns, de Umständ entsprechend.

De Arzt det het gseit, dass dRisike binere natürliche Geburt und eme KS sehr ähnlich send. Mer chöni hötzutags nöm säge, dass seint oder sandere weniger Risike birgt, well mer jo ned uf de Moment genau chan en natürlichi Geburt plane, au det chas plötzlich unerwarteti Problem geh.

Er het gseit, ca. 1/3 sige KS (bi ihne im Spital) und dass ers schad findet, dass planti KS-Geburte so verurteilt werde, will jo dRisike ähnlich send und er jedi Frau verstoht, egal für weli Geburt sie sich entscheidet.
I fendes nämli au schad, dass mer emmer weder muess ghöre, dass KS-Geburte so verurteilt werde.

I sälber weiss noni wies bi eus mol wird sii, sowit send mer jo noni

Aber öpis nemmt mi wunder. Wenn mer sich sälber för en KS-Geburt entscheidet, also en "planti" Geburt, wer übernimmt den dChöste dezue? Zahlt das KK vollumfänglich?

Zuletzt bearbeitet am 15.02.13 09:26

• Zitieren

Oh, do hesch du der aber es interessants Thema usgläse :)

Achso lauft das. I ha mer no dänkt, dass "Wunsch-KS" ned öbernoh wärde. Aber was macht mer denn, wenn dFA böckelet ond seit sie düeg eim ned als medizinisch-notwendig amälde?

• Zitieren

Es gibt viele Gründe um einen KS zu machen - früher war es normal, dass man schwere Kinder auf die natürliche Art resp. dann eben Glocke- Vakuum auf die Welt gebracht hat. Ebenso bei der Steisslage.
Das hier heute häufig einen KS vorgezogen wird, finde ich gut - denn die Risiken (Schmerzen, Spätfolgen) für die Frau aber auch die gesundheitlichen Risiken für das Kind sind zu gross. Schliesslich sind auch mehr Kinder und Frauen während der Geburt gestorben.
Doch ich habe schon Mühe, wenn ein Wunsch-KS einfach so gemacht wird, weil z.B. die Mutter grosse Angst hat vor der Geburt. Dann bin ich als KK-Zahler auch nicht bereit für diese Kosten aufzukommen. Es ist überall eine Tendenz, dass immer mehr KS gemacht werden - ich glaube nicht, dass da immer medizinisch notwendige Gründe dahinter stecken.
Meine Mutter hat übrigens auf einer Wochenbettstation gearbeitet, wo die Pflegenden und Hebammen genau wussten, bei Arzt XY gibt es Sectio. Einerseits weil das für ihn praktischer ist (kann er noch schnell vor dem Feierabend durchführen und muss nicht in der Nacht ausrücken) und andererseits lukrativer für den Arzt. (Obschon es da auch "Gegenstudien" gibt) Aber wie heisst es doch so schön, glaube keiner Studie die du nicht selber gefälscht hast.
Versteht mich nicht falsch - ich bin nicht gegen KS per se, ich glaube auch nicht dass die Kinder davon mehr Schaden nehmen als vor einer traumatisierenden Geburt.
Aber was heute immer mehr fehlt, wenn man dem Chefarzt unserer Wochenbettstation glauben will, ist ein stressfreies und angstarmes Klima - leider auch Folge des immer grösser werdenden Spardrucks auf die Spitäler bez. Pflegepersonal.
Ich hoffe ich verärgere hier niemand, das wäre nicht meine Absicht!

• Zitieren