Halli Hallo

Melda mi au wiederamol.

I hoffa as goht allna Schwangera Brüt und Ex-Brüt guat? Und da frischbackna Mamis?

Zibesa, bisch du no im Endspurt am mitchugla oder isch din chli Engel bereits uf dr Welt?

Bi üs gohts au nümma lang, no guat 3 Wucha (wenns Terminlich chunnt) I hoffa zwor immerno, dass üsers Schätzli sich abiz früaner uf da Weg zu üs macht und miar nümma so lang müan warta.

Langsam aber sicher werden miar abiz nervös uf d'Geburt, eifach well miar jo nid wüssen wia das ablaufa wird und was uf üs zua chunnt und wia das echt isch wenns denn los goht etc.

z'Köfferli isch uf jedafall bereit in üserem Schlofzimmer und au sus wär eigentlich alles sowit parat für das chlina Wunder.

so i wünscha eu a schöna tag grüassli

• Zitieren

hallo ihr liäbe mamis, schwangere und alli wo gern bald würded schwanger werde!

wiä gohts eu so?
ha denkt, dassi do mol wieder was möcht schriibe, damit de treat wiiter goht :-)
wenni das richtig im chopf han, dene chömmend jo in de nögschte wuche doch äs paar babys uf dwelt - so schön! bi mega gspannt uf all diä gschichte! üse zwerg zum biispiel chunnt in 5 wuche, wenn är de pünktlich chunnt. langsam aber sicher wirdi uf dgeburt ane scho au chli nervös.

wünsch eu allne än super gueti ziit!
lg, emma

• Zitieren

Hoi zäme!

@ Emma und Bergeri: das geit ja würklech nüm lang bi öich zwöine. Wie geits öich so? Wünsche no ganz e guete Räscht vor Schwangerschaft und de e gueti Geburt!

I lise ja immer gärn da mit, wülli ja o seehr gärn würd schwanger wärde Und i fröimi also o mega, wenn de da wider es paar "Wunder- Nachrichte" verkündet wärde

• Zitieren

@emma, bergeri und laluna: ich wünsche euch einen guten Endspurt!
laluna, aber so ein kleiner Wildfang wäre doch toll

@proeschu: ja, mach doch mal wieder einer deiner Tänze

Zuletzt bearbeitet am 07.03.13 09:57

• Zitieren

hey ihr liäbe

uhhh jo... geburt stoht bald a... wenn mr doch numme wüssti, was do genau uf eim zuächunnt - aber dass mr das nöd so genau weiss, häd jo viellicht au sis gueti...

mir gohts tip top. numme schlofe isch langsam so ä sach. trainiere glaubs scho chli uf all diä nächt, wo mr in de nögschte johr de vor üs werdend ha. schaffe jetzt no 2 wuche voll mini 80 prozent und wiil mr im moment gad uh viel ztuä händ ame au nochli meh. goht aber sowiit no beschtens, worüber i uh froh bi. freu mi de aber au uh druuf, wenni mi vor de geburt nochli chan erhole und drum hoffi eifach, dass üse zwerg mr nochli ziit git und nonig gad sofort uf dwelt möcht cho. natürli chönds mr glich mängisch chumm meh erwarte, bis mr üses wunder de dörfend ind arme neh.

@laluna: das mit äm gestrampel kennend mr au uh guet und mr sind au scho gspannt druf, wiä bewegigsfreudig üse zwerg dene sii wird :-)

@proeschu: hmmm, köfferli hani nonig packt und au susch sind mr nonig ganz mit allem parat. aber in de nögschte wuchene schaffend mr das de alles au no und susch de halt spöter. für üs isch swichtigst, dass üse zwerg eifach zwei tolli eltere wird ha und alles andere cha mr de immer no organisiere. im moment sind mr beidi bim schaffe no voll iibunde und mi maa häd vor mä monet no ä neui stell aagfange.

wünsch eu allne ganz ganz ä gueti ziit und bi scho gspannt uf eui wiitere bricht!
beschti gruäss, emma

• Zitieren

i wünsch allnä im ändspurt no ä guätä ändspurt und ä so guät wiä möglich agnähmi geburt und natürlich au allnä angärä no ä guäti ss bi gspannä uf news

ps: i ha vor 2 wuchä d pillä abgsetzt. i wett zwar noni grad schwanger si, hihi, vor dä flittis gits nüt aber i mag diä äifach nümm näh und irgendwenn wirds denn bi öis au ä thema, bis denn pändlet sich denn hoffentlich dr zyklus schön i bis jetzt gohts mir guät und i merk no nüt... mol luägä wiä sich das mit dä täg iränkt und so...

• Zitieren