| Schwangere Bräute/Ehefrauen, die Schwangerschaft, Erfahrungen etc etc. |
|
|
1 .. 120 .. 238 239 240 241 242 .. 269 .. 295
|
Proeschu  am 11.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
@Saerli
Das esch jo guet, dasses bem 2. Mol so "schnell" gange esch... jetzt werds hoffentli jedesmol chli chörzer ond denn pendlet sich denn schön i ond schwups besch schwanger!  
|
|
|
Proeschu am 11.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
@Amelie
so schön, dasses bi der so wonderbar klappet ond du fascht kei Beschwerde hesch!
Das metem "Entgägefiebere" esch secher es speziells Gfühl, vor allem wennd das voreme Johr scho gha hesch 
Wönsche der en guete Räschte vo de Schwangerschaft ond ich hoffe met der, dass sChline sich es "eignigs" Datum ussuecht! 
|
|
dia nicht registriert am 11.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
@bergeri
Tolle name! Minere kollegin ihre fründ het au e dean welle, aber es isch im märz e nino worde...
Mach dir kei stress wägem stille! D elin und ich sind au kei guets team gsi und nach 2 mönet ha ich abgstillt wills mi so gstresst het. Jetzt mit em schoppe lauft alles vill ruhiger und sie isch glich e gsunds meitli...
@layonie
Hey, toll wieder mol vo dir z ghöre! Schön dass es em noël so guet goht und wooow scho 7mt, die zyt vergoht... Jöö er fangt scho a robbe? D elin gickst in allne tonlage, richtig wie es meitli. 
@jusi
Toi toi toi, hoff es pändlet sich bald alles bi dir ih. Kunnt scho guet, bi jo gspannt wie langs goht bis de du dini news pris gisch... Wie gohts dir sunst so?
@saerli
Hey, die kilos sind denn närvig! Ich ha au no 3kg zvill vo dr SS und so e schwablige buch. D jeans vo vorhär gön mir zwar, aber leider miteme schwimmring! Muess au langsam wieder mit sport afo, jetzt mach ich aber zerst dr rückbildigskurs fertig!
@amelie
Uhhhh scho in dr 31sw?? Gniess dini zyt no und nimms e chli ruhiger, di körper und dis kleine isch dir dankbar! Schön, dass alles parat isch, ich ha das mega toll gfunde alles go i z kaufe und s zimmer irichte... Ich hoff d namenssuechi isch eifacher und schnäller gange wie bi uns!
Wünsch dir alles gueti für dr ändspurt...
@proeschu
Du bisch soooo vill in däm thread, wie sehts eigentlich bi euch us mit nochwuchs?
Lg, dia
|
laluna1712  am 12.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
Hallo zusammen
@ allen Neuschwangeren: herzlichen Glückwunsch und eine schöne Kugelzeit!
@ Muus: Ich durfte meinen Mann auch am 1. Hochzeitstag mit der schönen Nachricht überraschen, dies ist doch ein wunderschönes Geschenk.
@ Bergeri: herzlichen Glückwunsch zum kleinen Dean. Hoffe ihr habt euch gut eingelebt....
@Cilly: tolle Idee mit den Geburtskärtchen, ich möchte eben auch kein Foto auf der Geburtsanzeige, sondern dann erst auf der Dankeskarte. Und praktischerweise wollte mein Mann auch kein Foto drauf, somit ist es für uns klar 
@me: ich bin jetzt in der 34. SSW und die Wochen vergehen wie im Flug. Langsam wird körperliche Arbeit (putzen, bücken, etc.) schon anstrengend, aber ich bin unendlich dankbar, dass ich bis jetzt keine grossen Beschwerden hatte. Das Baby ist nun etwas über 2 kg und liegt schon seit mehreren Wochen in Startposition. Es hat sehr oft Schluckauf, irgendwie lustig aber irgendwie auch unangenehm, da es sich jedesmal anfühlt als würde jemand einen Gong an meinem Schambein schlagen.
Nächste Woche werde ich anfangen den Koffer zu packen, damit dieser schon mal bereit ist.
Die Namen haben wir auch (obwohl wir wissen was es wird, haben wir für beide Geschlechter einen Namen parat, man weiss ja nie).
@Proeschu: das würde mich auch interessieren..... 
|
saerli am 12.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
Huiii Laluna, bald gehts los
Ich wünsche dir alles Gute für die Geburt und dass dann alles gut geht.
Wegen dem Namen: Sicher ist sicher
Mega schön, dass du deinen Mann am 1. Hochzeitstag überraschen konntest :)
@dia
Wie gohts eu so?
Also du hesch es Baby becho ond passisch weder i dini Hose ond i ha keis Baby becho ond passe ned i mini Hose... Aber es chonnt! Be am spörtle
@das met de Proeschu
Das wörd mi au interessiere
@me
Bi eus duet sech no nüt. Mer warte eifach bes es den mol ischloht, send jo au ned wie verruckt am üebe, sondern lönds eifach druf abcho.
|
Kate82  am 12.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
@amelie und Laluna: ooooh, nicht mehr lange Wünsche euch eine gute und angenehme restliche SS
@dia: jöööö, das Gluckse tönt sicher luschtig. Ah cool, dass du scho wieder i dini Hose passisch!
@saerli: Ich finds aber mega super, dass du mit rauche ufghört hesch. Jetzt wo doch tatsächlich dr Früehlig chunt, isch d'Motivation für Sport villicht no chli grösser. Und loh di nid verruckt mache, giess d'Zyt mit dim Schatz...
|
saerli am 12.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
Jo das machi Ha ned pressant
|
Proeschu am 12.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
hihi....
ehr send jo loschtig... voll dGwondernase
Naja, Chend ond vor allem Schwangerschafte ond alles was "dromomeghört" esch för mich scho sehr lang en interessanti Sach Fende das eifach alles wahnsinnig spannend, onglaublich, wonderschön ond so einzigartig... eifach es Wunder!
Ond well ich Chend sehr gern ha, mich gern met ehne abgebe ond sie gern om mich ome ha, froi ich mich för jedi, wo das döf erläbe vellecht hed das au demet z'due, dass ich imene sehr "männerlastige" Bereich schaffe ond das met Chend ned so es Thema do esch
Voreme Monet hed dSchwöschter vo minere beschte Fröndin es Meitli öbercho ond dete hani döffe dSchwangerschaft rächt nöch meterläbe ond jetzt au emmer weder es Bsüechli abstatte 
ha aso mini Dosis Baby momentan
jo... ond ergendeinisch ..... ergendeinisch, werd denn das met de Chend bi ois au aktuell....
aber wien ich emmer säge "langsam pressiere"
|
Seechind84  am 14.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
heya ihr liebe fraue..
Ich melde mich mol wieder. Viellicht kennt mich jo no di eint oder ander..
Ich han mich es biz us em Forum zrugg zoge, well mir noch de Hochzit es biz e schwierigi Ziit gha händ und alli druf gwartet händ, dass ich "endlich" schwanger werde. Nur, ihr ahneds jo sicher, es isch nünt passiert. Han immer schön min 32 Tag Zyklus gha, aber meistens hät er oder ich e Blockade gha a de wichtige Täg. Eifach well mirs z'fescht händ wölle. Sit em Dezember han ich ihm denn nüme gsait wenn di wichtige Täg sind und han au kei Ovulationstescht meh gmacht, und mir händ üs wie chli selber befreit. Allerdings hät de nöchst Zyklus denn 50 Täg dured und ich han scho d'Hoffnig gha, dass was drus wird. Aber au X-Tescht händ halt nöd gloge.. Und au de Zyklus bin ich scho bim Tag Nr. 44 und weder d'Mens no e Schwangerschaft sind in Sicht. Es frustriert mi es biz, dass ich jetzt so en lange Zyklus ha, wo mir endlich de Rank gschafft händ. 
Han mich drum entschlosse mit em Frauemanteltee azfange. Viellicht bringt das e chli Schwung i min Zyklus. 
Ich gelobe aber Besserig im Zämähang mit em schriibe. Werd mich ab jetzt wieder regelmässiger do Blicke loh.
|
Proeschu am 14.04.2013
Re: Schwangere Bräute/Ehefrauen, die Schwangerschaft, Erfahrungen etc etc.
@Seechind
Ich glaube, ich känne dich no! Ehr händ doch letscht Johr Zivil do ghürote ond denn kirchlich im Ort vo dim GG, oder?
Hesch denn das met dim Zyklus met dim FA scho agluegt? Oder duesch du jetzt "chli abwarte"? Esch natürli "doof", dass jetzt der din Zyklus en Strich dor dRächnig macht... Ich drucke der fescht dDüüme, dass sich din Zyklus bald ipendlet! För was esch denn de Frauemanteltee?
Dass alli druf wartet, dass mer "äntli" schwanger wird.. das känni  ond es werd au noch fascht 2 Johr ned weniger... mer hed sGfühl, dass jede luegt, öb mer ächt zuegno hed oder sich andersch verhaltet oder so.... do esch quasi jedes Gramm z'vell Ich schicke der ganz, ganz vell Durchhaltewille, Geduld ond au chli Glasseheit.... ond wenns z'vell werd, denn muesch holt eifach mol ofe Tisch chlopfe ond säge, dass sBaby denn chonnd, wenns möchte, ond ned denn, wenns alli erwartet!
Ich dröck dich mol us de Ferni ganz fescht ond wönsche der en schöne Sonntigobig!
|
|
|
1 .. 120 .. 238 239 240 241 242 .. 269 .. 295
|
Anmelden
