liebi Bergeri

Aso ich bi zwar sälber au nonig Mami aber ich finde die mega schön do (sind aber keini Chile-Lieder):

Marc Sway – Din Engel http://www.youtube.com/watch?v=S96gICNe-eE
Xavier Naidoo – Führ mich ans Licht http://www.youtube.com/watch?v=P-YRnDjnjsg

Zuletzt bearbeitet am 03.06.13 10:44

• Zitieren

Liebi Bergeri!

Die 2 wo mir spontan i Sinn chöme si scho gnennt worde.."i wünsche dir" vor Sandee oder vom Peter Reber. Finde, dass beidi u guet fürne Toufi passe.

• Zitieren

Liebi Drusilla

I verstoh di... Mer send au am üebe ond es passiert eifach nüt (ha set em Absetze vo de Pille letscht Oktober mega Zyklusproblem). I ha glehrt, dass es eim nor no meh Druck macht, wenn mers nach use kommuniziert (wie du jo au scho gschrebe hesch), au wenn mer gern es paar Fründe würd verzelle, dass mer sech wünscht Eltere zwärde.

I has jetz eifach so gmacht, dasi mi a dene Täg freue woni no so chan sii wieni be ond i mi noni muess ischränke, be froh dasi no ab und zue chan uspfuse ond au mol es Gläsli Wii chan trinke
Trotzdem werd bi mer dEntüschig au bi jedem Monat wo "ohni Erfolg" vergoht grösser ond met dem stiegt de Druck ob mer will oder ned.
I empfehle der eifach, gnüss sLäbe so wie emmer ond freu di a allem was chasch mache.
Am Sonntig esch min 31. Geburtstag ond i würd mer würklich wünsche, dass es bald klappet, well i eifach nöm so lang wet warte. Aber was selli au mache? Mer chas ned wörklich positiv beiflusse. Eher negativ, idem mer zueloht sech unter Druck setze. Aber ebe, en Herzenswunsch zunterdrücke esch liechter gseit als gmacht.

dFroge obs den scho igschlage het chömed automatisch nach de Hochzit. Am Afang hani mega Müeh gha demet, well wörkli vell gfroget händ (ha ebe au chli zue gno set em Pille absetze). Grad am Wucheänd het mer en Cousin id Bagge kniffe ond gseit: Läck hesch zuegno?! Besch schwanger?
I öberspele die Froge met höfliche Antworte: Jo hani ond nei i be ned schwanger.
Chas langsam nöm ghöre, au wenn sis alli ned bös meined. Die öberleged sech eifach ned, dass mer vellecht gern wet schwanger werde onds eifach noni klappet het.

Aber es wird klappe, bi der ond bi mer Mer münd eus nor druf verloh, dass es denn chonnt, wenns för eus guet esch. Er probiereds jo noni so lang ond es wär wörkli grad schön gsi, wenns ide Flitterwoche igschlage hät Vell Glöck

• Zitieren

Liebi saerli

Danke villmal! Du sprichsch mer us de Seel. Ich weiss, dasi mers demi nur schwirig mache, aber ebe, die Sprüch vo wäge "nur relaxe, s easy näh" chamer rächt eifach säge, aber d Umsetzig isch so schwirig, wenn mer sechs doch so sehnlich wünscht.

Ja, mer händs nonig so lang probiert, aber es git äbe en Vorfall, wo mich dra zwifle laht. Und zwar hani vor Jahre d Mirena Hormonspirale gha und die nach 5 Jahr welle zieh lah. Und denn het me feschtgstellt, das si in Buuchruum gwanderet isch und gar nöd gwürkt het! De Arzt het mir nach de OP no so salopp gseit: Ja, das isch wahrschinli bim Inetue passiert und sie sind min. 3 Jahr ohni Schutz gsi, will me het scho gar kei Narbe me gseh vom Durchbruch. Da chönd si aber froh si, dass si nid schwanger worde sind.
Ich mein, damals bini würkli froh gsi, aber jetzt woni wett schwanger wärde, frogi mi scho chli, wie easy s denn wird klappe, wenns damals 3 Jahr lang nid klapped het. Min GG nimmts total easy und seit, min Körper hets damals äbe gwüsst, das er nid het selle schwanger werde

Aber du hesch scho rächt, ich versuech mich mit Hochzitsplanig abzlänke (me chönnts au Chauf- und Baschtelsucht nänne ). Dir au ganz vill Glück!

• Zitieren

@Saerli
Mini Düüme send drückt för dich!!!

@drusila
Jo, ich weiss wieds meinsch...
Met de Spirale hani öberhaupt kei Ahnig... aber hesch denn das met dim Frauearzt scho agluegt? Oder duesch din Zyklus ergendwie no beobachte? Fende, wennd scho keis guets Gfühl hesch, esches vellecht besser, wenns duesch abkläre, als wennd emmer dra muesch dänke (hilft jo au ned bim berüehmte "nome relaxe, denn klappets")

• Zitieren

Danke Proeschu

@ Drusilla
Achso esch das.. Jo zuegeh, das wörd mi au bitzli unsicher mache. Uf di ander Site glaubi halt wörkli dra, dass es denn passiert, wenns die richtig Zit esch. Vellecht hets öber die Johre eifach ned selle sii. Es get Fraue, bi dene schlohts sofort i, die händ vellecht so en regelmässige ond perfekte Zyklus, dass es scho fast vo allei passiert Denn gets aber au anderi Fraue, det chonnts wörkli drufa zu wellne Stunde, dass mer am üebe esch.
Also wend di unwohl fühlsch ond unsecher besch, obs ächt öpis ernsters esch, denn wördi au wie Proeschu seit das go abkläre. Denn fühlsch di besser, weld wenigstens weisch, dass öpis machsch. Dasch besser als im Ungwüsse abwarte ond onsecher sii, wie viel Zit mer no verlürt, wenn mer eifach zuewartet.

Also i ha im Juli de Johresuntersuech bide FA. Wenn bes denn no nüt passiert esch ond au min Zyklus emmer no so unzueverlässig esch, denn muessi met ere au ernst dröber rede wies witer goht ond was es för Möglichkeite get.

Mängisch hani sGfühl mer versuecht em Druck wo mer sech sälber macht oder au vom Umfeld usglöst, usem Weg go idem mer sech ablänkt. Aber unbewusst esch de Druck ebe scho lang presänt ond es esch fast unufhaltsam.

I drück der fescht de Dume, dass nöm lang muesch warte :) Bes es sowit esch, gnüss dis Läbe, mached es paar schöni freii Täg im Sommer, gönd a Grillpartys, Poolpartys, go Wandere ond go rodle... Was das Herz begehrt :)

• Zitieren