Danke Vikunija

Mer "handhabets" genau glich wie er

I weiss wies esch, wenn mer SS Tests macht ond es esch weder ond weder negativ. Vorallem, wenn grad no en gueti Fründin so schnell schwanger wird. Mer esch es genau glich gange. En engi Fründin vo mer chonnt ide nächste Täg scho eres zwoite Chind öber ond bi ere hets beid mol grad igschlage. Denn verletzts mi scho chli, wenn sie mer amig seit, i hebi ja no so viel Zit ond dörfi das ned so eng gseh. I mein mer send glich alt ond sie het scho 2 Chind jetz den.. Klar hani no Zit (mer esch jo so alt wie mer sech fühlt - vo dem her gseh hani no viiiel Zit ), aber i wördmi glich freue, wenns nöm so lang goht. Werde jo au bald 32i... oder zum 4. mol 28gi.....

Mer freued eus amel jetz scho uf euses Würmli, au wenns no gar keis git. Ergendwenn dörfed mer (also du ond i) au eusi Schätzis ide Arme ha, ganz bestimmt

Schön, dass er trotzdem en schöne Obig gha händ am Hochzitstag. Mer händ nächst Wuche scho euse 1. Hochzitstag. I weiss noni was mer mached, mol luege
Hauptsach, mer send emmer no sehr glücklich met euse Manne

Liebi Grüess ond viel Glück :)

• Zitieren

nicht registriert

Liäbi Brütlis und Ex-Brütlis
Reihä mi eis bi euch i.
Mir hei im Februar vo däm Jahr ghüratä und si überglücklich, dass mir disä Zischtig ä wunderschöni 1 Trimeschtr Kontrouä hei gha. Üsäm Buchzwärg u mir geits supr. Mir isch niä schlächt gsi oder so. I bi eifach unändlich müäd und schlaffä nach müglichkeitä bis zu 10 Stung.

äs isch eifach numä dr hammer das mir ab nächscht März wärdä z dritt si!!!

• Zitieren

nicht registriert

Mir heis eigätnlich niämäräm gseit das mir loslegä... hei eifach kei druck vom umfäud wöuä wo de geng fragt und sich uf aus achtet und so...

Ja d Families (Eutärä u d brüätschä) hei mir scho nachäm erschtä ungersuäch igweiht... has eifach mit mim mami müässä teilä. wär o froh gsi we si wäri da gsi wes nid klappät hätt...

und am mittwuch hei mirs itz üsnä ängschtä fründä und i dä gschäfter gseit... und itz darfs di gaaaaaanz wäut wüssä. weihä itz na dis na aui i wo mir träffä...

mini beidä omas hei eifach so freud gha. bau meh aus ab üsärä Hochzyts Nachricht vorämnä jahr.

• Zitieren

nicht registriert

Ja sie si när geschtr zämä grad ga wullä u Stoff ichoufä di zwo dass si itz chöi afa lismä und nähiä für üsäs zwärgli

• Zitieren

Gratuliere dir herzlich Sanis! Kann mir vorstellen wie toll das ist nun entlich allen erzählen zu könne was für ein kleines Wunder in dir heranwächst! ICh hoffe deine schwangerschaft bleibt weiter so Beschwerdefrei.
Ist doch auchmal gut ohne schlechtes Gewissen lange zu schlafen.

Ja trinidattli: Glaube auch man muss einfach immer fest daran glauben und es so psitiv wie möglich zu sehen. Es wird schon einen Grund geben das wir noch etwas warten müssen...


@saerli: Eini vo mine beschte Fründinne isch im Juli au zum 2te mal Mami worde. Händ eigentli immer welle das ihres 2te öbbe glichziitig uf d Welt chömed. Aber ja, hat nicht sollen sein.
Bi ihre hets au bim erschte grad bim erschte Mal und bim 2te bim 3 Alauf klapped... Ich han mittlerwile scho einige Fründinne wo 2 Chinder händ und die meischte sind jünger als ich.
Mir sind demfall öbbe glich "alt" ich wirde au 32, aber erscht afang März 14.
Du saisches scho richtig, mi isch immer so alt wie mer sich fühlt, und wie 31 fühl mi nöd unbedingt ( guet, wie fühlt mer sich denn da? ) aber es isch halt scho so das mer s Fruchtbarschte Alter scho hinter eus glah händ.
Aber hey, sones Wunder dured halt sini Ziit und wie du saisch: Glaubed fescht dra und freued eus scho jetzt s aumal i eusne Arme dörfe zha!

Ah ihr händ nögscht Wuche Hochziitstag - so schön! Wie schnell es Jahr vergaht gseht mer so amix, gäll?! Wünsch eu denn ganz en schöne Tag oder Abig.


So Ladies, ich gang mal ins Weekend!
Allne es schöns Wucheend!

Zuletzt bearbeitet am 06.09.13 17:04

• Zitieren

I gselle mi ou mau i dä Thread. Mir si jetz scho 3 Monet verhürotet und probieres sit denn ou. Bishär hets no ned welle klappe, wobi ig das i däm Zyklus no ned definitiv weiss. I bilde mer scho wieder jensti SS-Symptom i. Aber ja...es isch e spannendi Zyt.

I wünsche allne wos ou probiere viel Erfolg und aktivi Sämli und all dene wos klappet het: Härzlechi Gratulation!

• Zitieren